لو كنت مكاني ..!

شوفي الله يرضى عليك
ابشرح لك اكثر
بالنسبة لقرض بنك التسليف ما فيه كلافة ولا وتعقيد، انت اطلبي من الوالد - الله يحفظه- يقدم لك على القرض، او اي احد من اعمامك او اخوالك وتقدرين، و بالاضافة ان معاك عشرة الف ريال يكون الملبلغ كافي جدا جدا، وبتلتحقين بالبعثة والمبلغ ما خلص.
و في بنك التسليف يبدا السداد بعد 60 يوم من نزول القرض، يعني لو جهزت امورك وسافرت وخططت بدري يمديك تدرسين شهرين بدون ما تشلين هم الاقساط، هذا من ناحية،
اخي الفاضل .. موضوع القرض جدا صعب , الوالد ماخذ قروض لاخر حد الله يسامحه بس , و مافي اي اعتماد عليه بالموضوع يعني لو ما انا دبرت نفسي من سابع المستحيلات هو يساعدني و اعمامي طالما مافي اي نفع راجع عليهم ما بيتحركون مع اني كلمتهم انه انا بتحمل كل الموضوع و ما راح يدفعون و لا ريال بس يكون موضوع الفلوس باسمهم و لكن مماطله و لا حياة لمن تنادي و كاني طراره مالي اي قيمه و اهنت كرامتي بما فيه الكفاية على قلة فايده, و اخوالي مصريين يعني مقطوعه من كل الجهات
ارخص معهد معتمد في امريكا معهد BIR في شيكاغو، معهد سئ جدا ولكن يمشي الحال الى حتى الالتحاق، يكلفك المعهد شهريا 400 دولار، ويطلبون ضمان مالي 12 الف ريال تقريبا.
ثم معهد سولكس، ايضا في شيكاغو وشهريا يختلف حسب المدة، ويطلبون ضمان مالك تقريبا 15 الف ريال.

جميل جدا
فاذأ انت تقولين ان معاك عشرة الف وتقدرين تتسلفين عشرة بيصيرو عشرين، والمبلغ كافي لمصاريف المعهد والسكن، انا كنت ساكن في فندق "كارلتون" الشهر بـ 700 دولار، ثم نقلت لسكن الشهر بـ 400 دولار، ولو انه مشترك (( يعني الحمام، والمطبخ مشترك في كل قسم ولكن نظيف جدا وفيه عمال نظافة من الجنسين لكل قسم خاص)) لكن ارتحت فيه جدا، السكن ملك للسفارة السعودية، ومؤجر لامريكي مسلم، وفيه قسم للنساء و وقسم للرجال، وقسم للعوائل، وفيه داخله جامع، ومنطقة امنة جدا جدا، وتحسين انك ساكنة بين اهلك من زود ازعاج جيرانك المسلمين، في منهم عرب وغير عرب، بس كلهم مسلمين. وبتسانسين هناك وتتطور لغتك مع المخالطة وبتشكريني على النصيحة. هذا من ناحية.
ما عندي اي مشكله وين يكون السكن اي مكان اقدر انام فيه حل المشكله , انا اتاقلم بسرعه و على اقل المعايير كمان , الموضوع ما يحتاج دلع يبي له قوة و صبر و انا فاهمه كذا
اما القبول الجامعي، في مكتب اسمه الخطوة الذكية، اتصلي عليه واستفسري منه، وان شاء الله يساعدك، لان في من زملائي من يشكر فيه كثير، وانا اتصلت عليه والتمست منه الصدق.
الحين انا صرت حيرانه , ناس كثير ما نصحوني بالمكاتب و مابي الموضوع يتاخر اكثر من كذا لانه اجراءات الورق و الفيزا و كذا تاخذ شهور و انا حاسه الموضوع اسهل من كذا بكثير , و زي ما اسلفت المبلغ الي معاي يا دوب يكفي انطلاقتي لامريكا المكتب يبي له مبلغ و قدره
سبق لي التعامل مع مكتب مستقبلي وما انصحك ابدا، واحذرك، يوجع القلب ويتاخر
ايضا مكتب اسمه اي تونتي غالي ويماطل كثير
ايضا مكتب في الرياض نسيت اسمه لهط من خوي 3000 ريال من سنة، وحتى الان لا قبول ولا رد المبلغ.


بالمناسبة
انت ايش تخصصك بكالوريوس كيمياء
وايش ناوية تكملينماجستير اتوقع بنفس المجال و لو في اي استطاعه اغير الكيمياء بغيرها او بستمر عليها
اختي الفاضلة... ما اشوف في موضوع اي داعي للقلق، انت معاك عشرة وبتزدين عليها عشرة، وهذا كافي وعلي الضمان، اهم شي الفشخرة والمظاهر الخداعة اكثر ما تدمر الطلاب سواء المبتعث او الدراس على حسابه الخاص.
انا اخر وحده تفكر بالمظاهر او الفشخره رحم الله امراء عرف قدر نفسه
في ناحية ثانية... المواصلات في شيكاغو ممتازة.. تشترين بطاقة بـ 100 دولار لمدة شهر، تركبين الباصات والقطارات في اي وقت وباي عدد، والى اي مكان في شيكاغو، تتمشين وتستنشقين من هواها العليل باقل التكاليف.جميل جدا يارب يسهل بس , انا عندي احساس بس اوصل هناك راح اقدر ادبر نفسي باذن الله , لكن هو كل التعقيد هنا .

في جامعة ما تطلب ضمان مالي اسمها Acadmey of Art، وللاسف ان فيها تكدس، والان موقوفة، انا بحاول اسئل عن جامعة من هذه العينة ويا رب الاقي.
وانت اسئلي وان شاءالله بتلقين.
اختي..
بالنسبة لقبول المعهد سهل وبسيط وتافه بعد، ولا تطلبين من المكتب اي شي له علاقة بالمعهد. هذه خليه بعدين.
اهم شي قبول الجامعة.
في سوداني في "دنفر ولاية كلورادو" صديق لي، بكلمه، اذا يعرف جامعة من ذيك العينة، بكلمك.

السلام عليكم اختي،

انا بمدينة يوجين بولاية اوريقون، تكلفة المعهد 2500 دولار لمدة 10 اسابيع يعني شهرين ونص، السكن بالشهر ممكن تحصلين ب 500 دولار، المعيشة بالشهر 200 دولار او اقل اذا كنتي اقتصادية.

بالنسبة للضمان المالي حق المعهد خلي اي واحد يرسل لحسابك 22 الف دولار، خذي برنت من كشف الحساب بعدها رجعي المبلغ لان المعهد او الجامعة مايقدرون يشوفون كم رصيدك الا من هالورقة،
قصدك يعني لو قدرت احط بحسابي 22 الف اطلع برنت بالمبلغ و لا لازم كشف حساب ل 3 شهور على الاقل بنفس المبلغ ذا ؟؟

وانا سمعت ان في ناس تسوي ضمانات مالية للطلاب بمبالغ بسيطة اظن 200 ريال بس ماني متاكد.

وبالنسبة للمكتب مايحتاج ابداً لانه ياخذ فلوس مبالغ فيها والاجراءات ان شاء الله بسيطة، اذا احتجتي مساعدة بأي شيء، حتى بالقبولات اقدر اساعدك باذن الله
كن بالقرب و افدني بخبرتك

الله يوفقك يارب