هل هي الطريقه الصحيحه ام انها مخاطره

لان الي اعرفه ما يعطونك اخلاء طرف وظيفي اذا سحبت قرض الا لما تسدده

فبالتالي يبقا اسمك معلق بالتامينات الاجتماعيه و مكتب العمل

تكفون الفزعه

I'm waiting you

زميل لي موظف في تويوتا يقول واحد اخذ سيارة من عندهم وسحب عليهم او تاخر ووصل الموضوع لالغاء البعثة بس الظاهر عطوه مهله شهر وجاء عند تويوتا وزبط وضعه ورجع للملحقية اعطاهم اخلاء طرف .. الزبدة ياعزيزي الدارس انتبه لكل خطوة تسويها


( تمت المشاركة باستخدام تطبيق مبتعث )

اتمنى الافاده يا اخوان

يمكن تويوتا غير!! أنا اعرف واحد كان موظف في القطاع الخاص وطلع قرض ثم غاب عن عملة حتى فصل,, أتوقع خلوها كأنه استقال لظروف عائلية لان لو فصل معاد يقدر يتوظف حسب علمي,, المهم الرجال مطلع مبلغ كبير فوق ال100 الف وهذا هو له الحين سنتين الا شوي,, والله يتمم له ويتوفق,,

انا بحثت فالموضوع وسألت والي توصلت له فالنهاية كالتالي,,

شركة المعلومات الائتمانية ((سمة)) هي مشكلة كبيرة في الموضوع لأن البنوك ووكلاء السيارات ووو شركات واجد تشترك في سمة,, سمة هذي اي واحد يتخلف عن سداد المستحقات تسجلة في قائمة سوداء تمنعك هذي القائمة من اخذ اي قرض او استخراج سيارة الى ان تسدد ما عليك من قرض للجهة المسجلة في سمة,, الي هي البنك الي انت مخطط تاخذ منه القرض,, طبعاً اذا رجعت بأذن الله بعد ما تكون حصلت عالشهادة بتكون ممنوع من اخذ قرض او استخراج سيارة واسمك فالقائمة السوداء,, بس ما يمنعك هذا انك تتوظف او تفتح حساب ينزل فية راتبك ولكنك راح تكون مطالب في تسديد القرض كاش ما فية أقساط,, هذي حلها بسيط مكاتب الاقساط يا كثرها ولا تسلف الله يعينك..

فالنهاية الموضوع قرض+ دراسة5 سنوات+لقيت وظيفة =سددتكم ,, هم فالنهاية محقطيلك بالقرض يعني انت ما تقدر تطلع قرض فما اضن بيسحبونك من البعثة ووو الخ,, مع ان من شروط أنه ما تكون عليك مستلزمات مالية,, لكني سألت فالموضوع وشفت لي نموذج بسيط ما عنده واسطة ولا شي وأمورة ماشية تمام

واحد من الشباب اخذ قرض وراح درس في كندا ، بعد خمس شهور رجع السعوديه وسدد القرض ،اطلب من البنك التسديد بعد اول ثلاثه شهور من استلام القرض.
عندك شهرين فرصه تتأخر عن السداد وبعدين يضعوك في البلاك لست .
بالتوفيق أخي

والله انها تخوف لكني عطيتك معلومات بحثي والله يسهلك انا صراحة بجمع لي حول 90 الف واستقيل كنت ناوي اطلع قرض على جمب أحتياط لو احتجت بس بجرب بطلع القرض واستقيل اذا وافقوا حلو ما وافقوا بأرجع القرض واستقيل اكون كذا جربت اقصى الحلول

بس أنت متأكد من سالفة أخلاء الطرف يعني لازم اخلص سداد القرض عشان استقيل من وظيفتي؟

توكل على الله ورح و إن شاء الله بعد 5 أو 6 سنوات الله بيفرجها ( مسدد مسدد الله لايعقب شر )

أعرف ناس واجد و كانو عسكر بعد وعليهم قروض واقساط ولا عليهم خلاف شفهم يدرسون مشاءالله

النية والبطانية هههههه الله يعين بس