محطة منتظرين موافقة الدراسة ع الحساب الخاص

الله يوفقك ويعينك على الوزارة التعبانه هذه :-)
اتوقع اذا ابهرتهم بدرجاتك ومستواك راح يعجلون بطلبك ولا ؟

حسبي الله ونعم الوكيل فيهم طلبي عندهم من شهر ٦ ميلادي والى اليوم هذا ماجاني شي صار لي شهرين في بلد الدراسه

اووف ، طيب ارسلي احد من اهلك لهم خلهم يشوفون الوضع مره ماينفع كذا خيير 3 شهور ، حسبي الله عليهم

المشكله ماعندي احد في الرياض وأهلي يتصلون عليهم مايردون ...مدري ايش يحسون فيه حسبي الله ونعم الوكيل

نفسيات هذا مرض فيهم مهبل اي والله اني صادق احد منكم شاف المخلوق العجيب هذال تشوفينه انا يوم شفته قلت له مشبه عليك انت مو الي مستشفى النقاهه وزعل قلت مشبه عليك احسبه انت هاذا كفو يصير اهو وغترته البيضه تقولين هاذا غريب ما شفت منه وجه نحس يجيب المرض

اووه :P واضح انك زعلان منه, انا دخلت عليه مالقيت اللي جاي عشانه سلك لي :P بس وش سالفتك انت؟

سلام عليكم اعتذر للجميع على الكلام الخشن الي قلته لكن الواحد يقول الي يشوفه والحق والصراحة ما تزعل احد ( تسألني وش سالفتي مثل باقي الناس الطلاب الي تم ٦ شهور ولا جته الموافقة اجل متى يجيه الالتحاق ) انت دخلت عليه وشفته وشقت كلامة وتركيبة وجه تحس انك داخل على بيته او جاي تطلب منه فزعة او صدقة ( الطلاب الي تشوفهم في منهم الي متزوج وفيه منهم عمره اكبر من الدكتور ) على اقل شي الاحترام واجب عليك انت يا دكتور تحترم الناس والمشكلة الكبيرة يواعدك بشي انك عدل الشي وتجيك الموافقة ولا جتك الموافقة وتجيه ثاني مرة ونفس الطريقة الاولة التعامل مافيه شفافية للأسف مافيه وضوح مافيه احترام

نفس حالتك بضبط انا

يا اخوي انا الطلب له 3 شهور واحين في أمريكا لي شهر انت اول احضر الملتقى تالي قل يماطلون حط في بالك الموافقة بتجيك بعد شهر هذا اذا حظك مزبوط

ابشركم للاسف جاتني الموافقة اليوم. طبعاً بتستغربون ليه للاسف. الموافقة جت على قبول معهد مغلق لكن مو هذي هي المشكلة. المشكلة انو لما قالو للنا بالملتقى ان المعهد مغلق رحت جبت قبول من مكان ثاني و غيرت الفيزا وطلعت الرياض الاسبوع الماضي حتى اعدل في الطلب و واعدوني انهم بيفتحون لي الطلب حتى اعدل فيه ومن ذاك اليوم انتظر يرجعون لي الطلب وما جاني شي لاتفجئ اليوم برسالة الموافقة وانا الآن في بلد الدراسة من 5 ايام ومحتاس الحين ومو عارف ايش اعمل هل افعل الطلب في موقع الملحقة او ايش العمل معاهم.