محطة منتظرين موافقة الدراسة ع الحساب الخاص

كيف اقدر اتواصل مع الوزاره ابي رقم او ايميل

الارقام والايميلات موجوده في الموضوع هذا
بس محد يرد عليك لا ايميل ولا جوال
الا شباب متي تتوقعون يخلصون من الدمام وجدة كلهم ؟؟؟؟

أنا من الي حضروا ملتقى جده 22 ديسمبر 2014
وجاني إيميل إكمال النواقص قبل 7 أيام , كنت حاس ان في شي غلط لكن الحمدلله و على الأقل في تقدم بالموضوع.
الكلام الأن و كم تاخذ الموافقه على طلب الدراسه على الحساب الخاص تقريباً ؟ لأن الموضوع قاعد ياخذ اكثر من حجمه ! أكثر من شهر ونص بس على شان أكمل النواقص ؟! الحمدلله على كل حال والله ييسر الأمور ويفتحها على الجميع

ما دام انه جاك اكمال نواقص خلاص عطها قبل اسبوعين بالكثير وتجيك الموافقه

ايش يعني تم احالة طلبكم للجنه؟

يعني الاسبوع الجاي بالكثير وتجيك الموافقة ان شاءالله..

بالتوفيق.

عندي سؤال انا الحين ابغى احضر الملتقى اللي في شهر 7 هجري بس باقي قبول الجامعه والمعهد والفيزا انا حاليا اشتغل عليها
عادي اسجل وانا باقي ماجبتها
انا اللي فهمته منكم انو عادي بس اخاف لايكون فيه عقوبه او يرفضون
اللي متاكد من المعلومه يعطيني خبر الله يعافيكم

انا سجلت و اغلب اوراقي ناقصه و الوضع عادي جدا ولا حتى يسألونك اذا اوراقك كامله او ناقصه اهم شي تحضرين الملتقى و تفتكين من غثاه 😩😩

الحمدلله انا من ملتقى الدمام وجاني القبول ولله الحمد بعد انتظار ٣ اشهر وعليها

جاني ايميل موجود تحته رابط يقول حط ختم الدخول وصوره من الاي 94
كلها سويتها ولله الحمد بس فيه طلب يقولون عدل رقم الفيزا
المشكله ماقدر امسحه واعدله؟

اللي له خبر لا يقصر تكفون

الحمد لله .....
مبارك عليك الموافقة وعقبال الالحاق.
مجرد ما جاك ايميل بالموافقة تدخل على الملحقة من خلال الرابط اللي في الايميل وتكتب السجل المدني ويرسلون لك رمز التفعيل على ايميلك ويقولون انتظر 5 د. و بكذا تكون فتحت ملف في الملحقية.
بعد ذلك تسوي طلب التحاق بالبعثة تروح للمعهد وتاخذ السجل الاكاديمي وترفعه في الطلب الجديد وان شاء الله يردون عليك في اقل من 24 س.
الله يوفقك وعقبال الجميع....