محطة منتظرين موافقة الدراسة ع الحساب الخاص

طيب واللي ماجاته الموافقه للدراسه على الحساب الخاص وموعد الدراسه بعد اسبوعين
هل القرارات تشمل اللي حضروا ملتقيات وتشمل اللي سافروا بدون تحصيل موافقه من الوزاره
تفكيري مشتت اخاف اسوي تأجيل ويكون مو من صالحي
واخاف اسافر واخسر اهلي ع الفاضي

أنـآ مـآ أدري وش السوآه وانا خوك ، درأستي بعد ثلاث أسـآبيع ودفعت للمعهد ورحلتي مؤكدة بعد إسبوعين.
وإلأستقالة من الشركة وخلصــنـآ منهـآ . والدرآهم وتسلفت لي حقة 7 إلى 8 شهور
والملتقى وحضرته قبل ثلاث شهور ونص والموآفقة بالطريق وأورآقي كاملة ومالهم عذر يرفضونها .
إن قعدت بالديره مـآ أستفدت شي . بأرجع حقوق النـآس وبأتكي مقابل االوالد والوالدة الله يطول بأعمـآرهم . وشآي وقهوه ووفلآن وينه ووفلآن وش سوا .
فمـآ لنــآ إلا نتوكل على الله . وإن كتب لنا الانظمــآم فخير وبركة وإن ما كتب فتجربه جديده عشنـآهـآ وقد تكون خيره لنا .

فآلله يرحم لي والديك أخوي hhh511 إذا عندك علم أكيــد ورسمي بنسمعه قبلك من أصحـآبه . وإن عندك أحد تعررفه وموصل لك هالاخبـآر خله يحتفظ فيهـآ لنفسسه لأن العالم اللي طلعت واللي على وشك تطلع بآعت اللي وراها وقدامها . ومو نـآقصها هالاخبــآر اللي لا تقدم ولا تأخر بشي . بالعكس يربشها زود على مافي نفسها.

والله يوفقنا ويــآكك ولكل من سلك طريق يلتمس فيه العلم إن له يفتح إبواب خير مو حاسب حسـآبهآ.

مايضرك تنتظرين كم اسبوع وتتحققين
انا والله ناصح فقط اذا ودك تروحين عادي

- - - مشاركة محدثة - - -



اخوي الله يوفقك ترا ماني خسران من جيبي ولا ريال ان رحت او مارحت ! راجع لك
يا اخوان تري كلامي ماهو ملزم لكم ..

بحمد الله يوم أمس تم الرد بالموافقة على الدراسة على الحساب الخاص ،، وانا ممن حضر ملتقى جدة بشهر ربيع الأول لهذا العام ،، وصار لي اربع شهور من دراستي وسفري لان سافرت بعد الملتقى بايام

الآن انتظر ورقة المباشرة من المعهد ( Enrollment Verification ) حتى تكتمل أوراقي

اللي بيسأل عن صفحة المستندات اتوقع ان يقدر الشخص يحفظ الشغل اللي سواه وبعد ما يكتمل كل شي يضغط على زر الارسال