محطة منتظرين موافقة الدراسة ع الحساب الخاص

السلام عليكم .. ممكن احد يسرد لي الخطوات للدراسة على الحساب الخاص بعد التغييرات الي حصلت ..

حسب الي قرأته الي هو اخلص المعهد + 9 ساعات من الماجستير وتكون الجامعه من افضل 100 جامعه وبعدها ارفع طلب الحاق .. لكن ايش هي الخطوات الي قبل السفر لازم اسويها؟؟
مسبقاً كان فيه حضور ملتقى اجباري .. حالياً ايش المطلوب مني قبل السفر و أول ما اوصل لبلد الابتعاث اني اسويه ..

((وفي حالة ما حصلت قبول من افضل جامعه عالعالم او افضل 50 على مستوى التخصص معناته مافيه الحاق وانسا موضوع الإلحاق صحيح؟ )

الخطوات اللي انا سويتها.
قدمت على طلب الدراسة على الحساب الخاص و عبيت بياناتي على موقع سفير قبل لا اسافر بكمن يوم. سافرت من غير ما احضر مؤتمر ولا هم يحزنون و بعد السفر بكمن يوم جاني طلب استكمال البيانات و توقيع التعهدات و سويتها. خلصت معهد اللغة بالجامعة بعد شهر من السفر و بديت ادرس بالجامعة لمدة شهر. اخيرا جاتني الموافقة على الدراسة على الحساب الخاص بعد سفري بشهرين و نص. تم ابلاغي ان الجامعة معترف فيها و التخصص معترف فيه بعد تفعيل قرار الموافقة و قالوا لي خلص اول فصل وقدم على البعثة. انهيت 60 ساعة بالمعدل المطلوب و قدمت على البعثة و الى هذا اليوم ماجاني شي و انا قريب بنهي الفصل الثاني.

بالمناسبة قرار افضل 100 جامعة صدر بعد ماقدمت على البعثة.

بالعربي عندك فلوس تنهي دراستك على حسابك ادرس و تاكد اذا الجامعات اللي مش من ضمن افضل 100 جامعة معترف فيها. اذا ماعندك فلوس و متأمل على البعثة لاتجازف.

شكراً لك .. إن شاء الله تفرح بالإنضمام قريب

صحيح الواحد الاأفضل يكون متجهز لجميع الإحتمالات الممكنه .. لاينصدم بعدين

شكراً لك مرة اخرى وبالتوفيق

اتمنى لك التوفيق اخوي. و نصيحة لو كنت بتدرس بكلوريوس فانصحك تكملها بالسعودية لان عادة الدراسة ماتفرق بشكل كبير عن السعودية. الا اذا كان تخصصك غير موجود بالبلد.

السلام عليكم ورحمة اللة وبركاته انا ان شاء الله مسافر لامريكا جون وعندي قبول للدراسة على حسابي الخاص ولاكن الجامعة ليست من ال100 جامعة وش الحل ؟؟؟؟؟؟؟

ياخوي ما عندك سؤال ثاني غيره

خلاص الابتعاث تقفل و صار مقتصر على تخصصات و جامعات معينة. اذا ماحصلت قبول في هذي التخصصات و الجامعات فمعنى هذا انك بتدفع كامل التكاليف من جيبك. اذا ماعندك لا تروح بعدين تتوهق و تقول وهقوني.

ما أعتقد يعطو موافقة و هم مايبون يضمو الناس.

ياجماعة الخير نصيحة اخ لا تطلعون على حسابكم الا معكم مبلغ حتى التخرج الوضع في تهدور وحنى السابقين كلينا مقلب من وزارة التعليم فنصيحة اخ لا تطلعون .

السلام عليكم

اخوي انا اخطط لدراسة الطب في ألمانية فهل تنصحني ادرس فيها ام لا بحكم انه عندك خبرة؟اقصد من ناحية عنصرية للمسلمين



هل لغة التدريس في الجامعات هي المانية فقط ام يمكن الدراسة بالانجليزي اذا امكن الدراسة في جامعة باللغة الإنجيلزية هل رسومها اغلى من الحكومة ام مثلها واذا اغلى كم بكون تقريباً وهل نسبة القبول فيها اقل من الجامعات الحكومية ام متاسوية ؟ وهل لازم اختبر توفل ؟



كم النسبة المطلوبة لدراسة الطب وهل مواد الدين تحسب مثل التوحيد والفقه....في حساب النسبة ؟



هل لازم يكون عندي بكلوريوس في كيمياء حيوية او ما يعادها للتسجيل في كلية طب ام لا يحتاج؟



كم مدة دراسة الطب في المانية لأصبح استشاري ؟

وشكراً لك اتمنى ما اكون ثقيل