محطة منتظرين موافقة الدراسة ع الحساب الخاص

السلام عليكم
يا اخوان انا دارس على حسابي الخاص وقدمت الطلب وخلصت كل الاجراءات وانا حاليا في بلد الابتعاث لكن لم يعطوني رقم بالملحقيه عشان افتح ملفي
حالة الطلب حاليا في الوزاره
كيف احصل على رقم بالملحقيه وش الحل؟

ماقول الا الله كريم انا خلصت سيمستر لغة والحين في الثاني حضرت ملتقى الرياض اللي قبل أكتوبر وطلعت في أكتوبر ومابين تم إحالة طلبكم للجنة وإعادة تدقيق وإكمال نواقص وطفشت من كثر ماارسل للوزارة لدرجة الوالد راحلهم وكلم مسؤول وقاله مستوفي الشروط وقاله اسبوعين بالكثير
وطبعا تخصصي تكدس بس جايبه من السنة الماضية قبل لايتكدس قلتلهم رجعوه أغيره قالو لا لك احقية فيه اكلمكم من قلب مقهور عايش على أمل كل يوم تجيني موافقة لمدة ستة شهور وفيه ناس معي طلعنا سوا وجاتهم الحمدلله بقينا انا وواحد بس الله الموفق الله يوفقنا ويوفق الجميع ويصبرنا الصبر مفتاح الفرج وهونوها وتهون .

السلام عليكم ورحمة الله وبركاته
ياجماعة نصيحتي خذ موافقتك واطلع هذول عنده اللعب بحيات الناس رخيصه وغير مكلفه كل واحد يتمطع على الكرسي وينفخ وجهه على الناس لكن قالوها اهل اول اذا ماتاكل بيد ماتشبع
ولموضوع الضم اخي او اختي كلام المسؤل الي كان في مقابلة الجمهور يوم مراجعتي كلامه ليا بالنص احنا لنا الاختيار في الانضمام بس ممكن 10 شهور ممكن بعد الترم الاول الجامعي 9 ساعات او خلاله لكن اذا انهيت الترم الاول ستضم بإذن الله هذا ما قول لي بالحرف .

اخوي انا حاط ببالي ادرس ع حسابي ٦ شهور المبلغ اللي معي ما يكفي الا ٦ شهور وانت تقول ١٠ شهور اذا مستخيل انظم خلال ٦ شهور او اقل. بكنسل بعثتي افضل واتوظف

لا يتم رفع طلب الالحاق بعد دراسة اربعة اشهر من. معهد اللغة واللي يقول ١٠ شهور شخص يبي يخوف الناس ع الفاضي معنا واحد انضم خلال الشهر الرابع قبل اسبوع لا تهتم لككل كلام يقال

بس الحين في قرارات جديده واولها لازم تكون مختبر قدرات وتحصيلي

نصيحه في الله

بسبب تغير الظروف والأمور لا تغادر السعودية قبل الحصول على الموافقة من الوزارة الكثير سافر وهو لم يحصل على موافقة والآن تجاوزت فترة انتظار الموافقة شهور وهو في بلد الابتعاث حتى مراجعة لا يستطيع يراجع الوزارة حتى لو جاء انضمام للدارسين على حسابهم لن يشملك السفر والاستعجال قبل الحصول على موافقة اكبر خطأ لأنك تحتاج مراجعات بالوزارة اذا تأخرت الموافقة اما سماعك للتجارب بكلمة سافر وتأتي الموافقة في بلد الابتعاث هذا امر تتحمل سلبيته انت

نصيحة اتمنى من كل من ينوي السفر التقيد فيها

اخوي انا الان ارفع طلب التحاق ويجيني رفض يقول اكمل ٤ أشهر كيف انت تقول كذا ؟

طيب وكورسي بيبدا 29 ابريل ان اجلته باجل كل شي حتى الفيزا

كلنا موعد دراستنا قريب وانا تقريبا بعد موعد دراستك ب٤ايام بس ربي يفرجها وييسرها ونسمع البشرى قريب