محطة منتظرين موافقة الدراسة ع الحساب الخاص

تلقينه في هذا الرابط

http://www.mbt3th.us/vb/forum178/thread452267.html

- - - مشاركة محدثة - - -

انا سجلت في نهاية ابريل قبل يومين يعني راح تتاخر علي الرساله وممكن مايقبلون ؟ وضح لي الله يجزاك خير

تعتمد ع اختيارك للملتقى اذا اخترت اللي بالدمام راح تجيك ان شاء الله بس شوف وش سويت قبل ساعه في تويتر وقبل ١٣ ساعه غثيت الوزاره لمن سووا القبول وعطوني الدعوه
وكلمتهم اكثر من مره لاني مربوط بدوام وما قدرت اروح انت عندك عدت حلول نتنظر ردهم / تروح لهم وكمان باوراقك اذا كان ناقص شي ما سويته بالسستم / تحظر يوم الملتقى وراح يدخلونك ان شاء الله بس الحل الامثل انك تنتظر لمن يردون بس قبل الملتقلى ع الاقل بثلاث ايام لازم تحرك نفسك يا تروح لهم يا تكلمهم

والله يوفقك
بالنسبه للي يقول المعهد والجامعه متغيره الولايات انا المعهد بولايه الينوي والجامعه بولايه مانتانا ترا انا مثلكم وجاتني الدعوه بس الاهم اوراقك سليمه (قبولات معهد / جامعه - كشف - فيزا - i20- كل شي )

والله يوفقك الجميع ان شاء الله

احد الاصدقاء وصلته الآن الموافقه وهو حاضر اخر لقاء.

ماشالله عسى الله يوفقه.


انا حضرت لقاء الرياض الماضي ورفعت كل الاوراق سليمة. والحين يقولون الطالب مدعو لحضور الملتقى ؟؟

في احد نفس مشكلتي وش صار معه ؟؟

هذا بادرة خير ان شاء الله
الله يوفقه وييسر امره .. بدأت الوزاره تتحرك ..

انا ملتقى الدمام وللحين ماردو لي خبر

فيه ايميل اقدر اراسلهم وانشب لهم فيه ؟

ووين مكانهم لو بروح لهم ؟

اسف على التاخير ارقامهم وموقعهم وكل شي هنا
https://www.moe.gov.sa/Arabic/Pages/ContactUs.aspx
وتقدر تكلمهم على حسابهم بتوتر عادي بيردون عليك بس خلي سؤالك مختصر وسريع

وترا ان شاء الله راح يدعوك الملتقى لانه باقي وقت
(( اخوي انا شخصياً .. ماجاته الدعوه وكان معلق بالسستم وراحلهم بالدمام الملتقى الاخير .. ودخلوه على طول .. وترا ما كان عنده قبول جامعه يعني مره تمشي ومره لا )) الامور بيد الله الله يوفقك وان شاء الله بتجيك الدعوه

السلام عليكم انا قدمت طلب قبل ابع ايام و اليوم تحول الطلب من طلب جديد الى طلب تحت التدقيق .... كم الفترة اللي اغلب الناس تطلع لهم الموافقة فيها ؟؟؟

من اسبوع الى اسبوع ونص بالكثير بحكم ان الملتقى قريب