| . . مـتـابـعة طـلـبات الإلحاق لدى الوزارة . . | (2)

السلام عليكم ......
يوم جديد بلا جديد من تاريخ 24 و معاملتي ارسلت للوزراة و الى الان ماتحركة ولا شى .....

في احد يعرف وش المشكلة او وش اقدر اسوي ...
ولكم الشكر و التقدير

أنا معاملتي من قبلك من يوم ٢٢ ولا تحركت الله كريم بس ما عندها زود عن كذا


🇺🇸🇬🇧 الهاشمية ليمتد 🌺🇬🇧🇺🇸

سفيرنا بن خالتي رسل لهم طلب استفسار دراسي .... وكتب فيه يسال عن حالة الطلب وقالهم مايصير شهرين وانا في تدقيق القرار .. وردو عليه راجع البوابه ... يوم ثاني الا الطلب في الجودة والضبط

( تمت المشاركة باستخدام تطبيق مبتعث )

مبروك عليك الالحاق
والله يعوض صبر المنتضرين خير

سبق وقلت برد سابق لي اذا معاملتك راحت الوزاره تنتظر اسبوع ، ارسلت شخص لهم الأسبوع اللي راح يسألهم قالوا ماوصلتنا وراهم صوره صورتها له ان الطلب بالوزاره قالوا ايه مكتوب كذا بالسيستم بس فعليا ما توصلنا الا بعد اسبوع

حسبي الله ونعم الوكيل من الأخبار ذي بالله ناقصين احنا تناقل الأخبار مثل كذا يا اخوان اللي معه كلمة خير والا يحتفظ فيها رجاء ترا والله معاد فينا اللي فينا مكفينا يجيك واحد يقول راح وقالوا له فعليا بعد أسبوع طيب الان ايش استفدت تقولنا بس كذا لا حول ولا قوة الا بالله العلي العظيم


🇺🇸🇬🇧 الهاشمية ليمتد 🌺🇬🇧🇺🇸

ابد غير صحيح المعاملات 100% الكترونيه وانا متاكد من كلامي زي ما انا اكتب لكم الان.

( تمت المشاركة باستخدام تطبيق مبتعث )

يعني ما فيه معاملات يدويه ابد والطلب منذ تحويله للوزاره من قبل الملحق الثقافي يستلم في نفس الساعه لو حبو وعموما الطلبات اذا هي مستوفيه الشروط تاخذ فقط شهر منذ وصولها للوزاره الكترونيا .... واحب اقولكم شئ انا كنت اتابع معاملة اخوي طول هذي الفتره الين انضم وكل يوم وانا محضر في الوزاره والحمد لله ضموه في النهايه والان انا اقول لكم انا عرفت كل اساليب الوزاره والناس اللي تمر عليهم المعاملات وحقيقه اقولها لكم والله انهم ما عليهم من احد جاء او ما جاء اذا ما على طلبك ملاحظات تطمن والله ما حسبوا للي يراجعهم او لا يمشي ملفك يمشي واذا على طلبك ملاحظه ما عليهم بياخذون وقتهم ما حسبوا لصياح اللي يراجعهم شوفي بعيني.

( تمت المشاركة باستخدام تطبيق مبتعث )

طيب ايش حل والشور نرسل احد بسنتر عندهم هناك انا معاملتي باللجنة الان لها عشر ايامً تقريبا الان ما تحركت عطنا العلم الله يحزاك خير


🇺🇸🇬🇧 الهاشمية ليمتد 🌺🇬🇧🇺🇸

شوفي اللجنه هي اصعب مرحله ولا تعتمد على الوقت... هي تعتمد على سلامة الطلب وتقديم كل الوثائق المطلوبه ... هما مجموعة دكاتره تجيهم طلبات الكترونيه كل واحد يستلم نصيبه من المعاملات ويصير هو المسئول عن القرار ... اذا صار عندك تدقيق القرار معناتها الدكتور استلمها .. احيانا ما يكون عندك ملاحظات بس الدكتور انشغل في مؤتمر او شئ وبكذا الله يعينك تنتظري حظرته لين يفضى ويرجع مره ثانيه يروق على معاملاته ... المرحله ذي مهما سنترتي عندهم احد ما يفيدك بل بالعكس يضرك لان الدكاتره ذيلا مزاجيييين مره ما يحبون احد يلزق لهم.

( تمت المشاركة باستخدام تطبيق مبتعث )