| . . مـتـابـعة طـلـبات الإلحاق لدى الوزارة . . | (2)

MK Alanazi

ألف مبروك ، و عقبال عند الجميع
نفسي أعرف الاستراتيجية تبعهم في تمشية المعاملات !
ساعات أحس جن الي يشتغلون بالوزراة مو بشر
أجل معاملة 2 الفجر ؟!

يبارك فيك حبيبي وعقبال الجميع ان شاء الله
صارلي تقريبا ٨ شهور وتوهم يضموني لكن الحمدلله على كل حال، والله اني مقدر حالة بعض الشباب من صبر ونفسية وكان الله بعونكم


( تمت المشاركة باستخدام تطبيق مبتعث )

مبروك وربي يتمم لك بالشهاده العاليه
تقريبا معاملتك زي معاملتي ، انا لسى في تدقيق القرار من ٣/٥


( تمت المشاركة باستخدام تطبيق مبتعث )

ياريال انا صارف 200 الف في 14 شهر هذا من غير السياره والمصاريف الثانيه... ماقول الى حسبي الله ونعم الوكيل على الوزارة ناس يومين وناس شهور

مبروك للي انضمو و الله يوفق الجميع
بس يا ريت ان الناس اللي تتحرك معاملاتها بالواسطات لا يحطو سير المعامله هنا و يبطو قلوبنا
هذا الموضوع للناس اللي على قد حالها و ما عندها واسطات
و شكرًا


( تمت المشاركة باستخدام تطبيق مبتعث )

شفيكم اعصابكم مشدودة
اذا نفسياتكم تعبانة هالشي ماراح يقدم ولايآخر
واللي عنده واسطة بكيفه لاتتحاملون على احد المشكلة الاساسية من الموظف اللي يعطل معاملة انسان عشان انسان ثاني عنده واسطه
لو مافي موظفين من هالنوع كان ماشفتوا ناس تجلس تدور على واسطات عشان تمشي امورها
انا مو جالسة ابرر لآحد على حساب احد لكن اقول لكم كل انسان يعتبر نفسه صح وكثرة التحامل ماراح تفيد احد
هدوا اعصابكم وكثروا من ذكر الله عشان يزيد صبركم وهذا الشي الوحيد اللي بينفعكم
كل يوم والثاني هوشه وكل واحد يتلفظ ع الثاني وش الفايدة طيب شفيكم

مو قصة نتحامل
الحمدالله ما احمل في قلبي الا الخير لكل الناس
بس الواحد يحس بالظلم لما يشوف معامله في كم يوم خلصت من تدقيق القرار لإظهار النتيجة!
و احنا بالأشهر في نفس الخطوه و لا تتحرك معاملاتنا!
يعني ليش هو ما مرت معاملاتهم على نفس الموظفين و ليش معاملاتنا واقفه!
و نعم بالله ما خاب من توكل عليه



( تمت المشاركة باستخدام تطبيق مبتعث )

هذا قصدي لاتراقبون معاملات الناس سواء عندهم واسطات او لا لانكم بتتعبون وانتوا تقارنون انفسكم بالناس
والظلم موجود بكل مكان مو معناها انكم تخلون الموضوع شخصي بينكم وبين اللي عنده واسطة
هو مقتنع انه مو غلطان خلاص هو حر كل انسان مسؤل عن تصرفاته مابيدنا غير النصح بس مو حلو انو نكرههم او نعاملهم بشكل سيء او نقول لهم لاتحطون معاملاتكم
الله يهدي الجميع انشالله هونوها وتهون
كل اللي طالعين يدرسون بره ظروفهم سيئة جدا بس مابيدنا غير الصبر والدعاء

وانا بدعائي دايم اطلب من الله يختار لي الافضل ابدا ماطلب منه البعثه لآن ممكن رجعتي للسعودية فيها خر اكثر لي
طولوا بالكم وعليكم بالدعاء وماتدرون وين الخير فيه

+111111111111111111

لانضحك على بعض وندعي المثاليه ! ب النهايه حنا بشر ، وش الفايده يجي احد يكشخ علينا ان عنده واسطه ومعاملته تمشي ب اسبوعين !؟ انا معاملتي لها ٣٧ يوم موقفه والله اعلم متى ب تتحرك

اللي ب يجي يكشخ علينا ياليت يوفر كشخته لنفسه ، ولو فيه هير اقل شيء يساعدنا ويحرك معاملاتنا





( تمت المشاركة باستخدام تطبيق مبتعث )

خالد يعني مافي فرق بينك وبينه اجل ليه معصب ومقهور
اللي جاي ونيته يكشخ هذي حركات مبزره وهالحركات واقعا تضحك ماتقهر هههههههه
وحنا ماندعي المثالية والموضوع ماله علاقة بكلمة مثالية الموضوع كله وجهات نظر وكل انسان حر بتصرفاته والموضوع هذا للجميع مو خاص لفئة معينه واذا في فئة مو عاجبتنا مو معناها نرفض وجودها بينا