كنت على حسابي ومنذ شهر انضميت للبعثه هل اقدر احصل على تذكرة لغرض الزواج؟

الحمد لله من اول ما طلبت الحاق بعضوية البعثة اخذ طلبي ٣٣ يوم مابين ملحقية ووزارة وبعدها جاتني الموافقة..
لاحظ سير المعاملة حقتي وتواريخ سير الطلي على اليسار:

اكثر مرحلة يطول فيها الطلب هو تدقيق القرار ثم بعد كذا مرحلة الضبط والتحقق.،

معي شباب كثير واصلاً اكثر المبتعثين بأمريكا من الدارسين على حسابهم الخاص

وابشرك الشباب معي يرسلون طلباتهم بعد مايكملون تقارير لمدة ٤ شهور وماياخذ الطلب شهر او شهر ونص الا تجيه الموافقة على طول




( تمت المشاركة باستخدام تطبيق مبتعث )

ماشاء الله .. الوضع عندكم تمام اجل ..

الغريب ان فيه شباب كثير مقدمين قبلك وللان مابعد تم الحاقهم ..

وعندي ثلاث اشخاص برضوه مقدم لهم كلهم بنفس اليوم .. وصارلهم الان خمس شهور من يوم قدمت الطلب ..
والى الان ما تم الحاقهم .. مع العلم ان الاوراق سليمه .. وهم في معهد جامعه يعني معهم قبول مشروط !

لكن ما ادري ليش هالتعقيدات طالما أن انت وغالب الشباب عندك ألحقوكم بهالسرعه ..

ممكن تعلمني ايش القبول اللي قدمته .. ؟ هل هو قبول مشروط او مقدم قبول معهد + قبول مشروط ؟
وياليت تعلمني باسم الجامعه والمعهد ..


وشاكر لك تعاونك .. وان شاء الله راح يستفيدون منها الاخوان ..

انا احاول اركز على بعض النقاط اللي راح تفيد الاخوان اللي لازالوا على حسابهم الخاص .. فما تدري ممكن تكون انت سبب بحل مشكلة الإلحاق !

قبولي من جامعة GANNON في ولاية بنسلفينيا مدينة إيري.. القبول مشروط.. الجامعة تبغى طلاب عشان كذا ماتتأخر بإصدار القبول..
معترف بها بكل تخصصاتها من قبل الوزارة..

لكن بعطيك احد اسباب تأخر البعثه، وهي ان الوزارة تتراسل مع الجامعة اللي منها القبول عشان تتأكد من صحة القبول.. وبعض الجامعات ماترد.. او بالأصح تتأخر بالرد ونفس الشي مع بعض المعاهد.. وهذا بحسب كلام احد موظفي الوزارة.. والله اعلم..

والمعهد اللي انا ادرس فيه اصلاً مغلق من الملحقية. اهم شي اني ارفع للملحقية تقارير لفترة ٤ شهور دراسية على الأقل..

جيت امريكا على دنفر بولاية كولورادو..
في معهد (مغلق من الملحقية) ودرست فيه ٣ شهور وجمعت تقاريرين فقط (الصيفي شهرين ويعتبر تقرير واحد فقط)..
ولأن الولاية كلها مغلقة ومتكدسة اضطريت انقل الى ولاية اخرى وقدر الله اني انتقل الى اوريقون مدينة بورتلاند..

وكذلك نفس الشي بمعهد مغلق.. اخذت تقريرين لمدة شهرين.. وبكذا معي اجمالي التقارير ٤ شهور.. وطلبت الحاق بالبعثة وبفضل ربي جاتني..

اجبرتني الملحقية اني انقل الى معهد غير مغلق ولا متكدس بحدود شهر واحد فقط.. والحمد لله نقلت..

المعهد اللي في بورتلاند يعتبر ارخص معهد وهو الافضل للي على حسابهم (حتى يجمعون تقارير ٤ شهور ويطلبون الحاق بالبعثة) ورسوم الشهر هي ٥٨٠ دولار فقط

لذلك جميع الشباب اللي بالمعهد بفضل ربي بأقل من شهر وعشرين يوم من تاريخ ارسال طلب الالحاق راح تجيهم البعثه..

بعدين تقدر تنقل على افضل معهد تبغاه.. بشرط مايكون متكدس او مغلق..

في موضوع بقسم الدارسين على حسابهم الخاص اسمه:
تجمع لكل من وصل طلبه للوزارة !
http://www.mbt3th.us/vb/forum60/thread341029.html

تحصل فيه تجارب وردود الشباب وخاصة اللي واجهتهم مشاكل وكيف تجاوزوها فضل الله..

اي سؤال انا حاضر.. : )


( تمت المشاركة باستخدام تطبيق مبتعث )

عز الله ماقصرت كفييت ووفيت فديتك ..

انا كنت ابي اتأكد من مسألة مراسلة الوزاره للجامعه او المعهد .. لاني اعرف هذا الموضوع يطبق في طلب الدراسه على حسابه الخاص .. وقلت شكلهم يطبقونه برضوه على الالحاق (يعني مرتين) ..
وادري بعض المعاهد تبطي ترد على الرسايل .. وبعضهم يرد في خلال 24 ساعه !

بس اذا هم يطبقون هذا الشي في مسألة الالحاق ! .. فعز الله انهم سقيمين !
يعني مايكفيهم المره الاولى في طلب الدراسه على حساب الخاص ..؟ هذا غير التقارير الدراسيه اللي يرسلها الطالب !!
التقارير اثبات كافي بان الطالب يدرس في المعهد او الجامعه .. !!

لكن الله المستعان على امره ..


والله يجزاك خير على هذا الرد .. نفعتنا بهالمعلومات ..

بالعكس يامحمد ماسويت شي.. هذا واجبي..

انت ايش وضعك؟ مبتعث؟ ولا ناوي ع البعثه؟ ولا ترسل طلاب؟


( تمت المشاركة باستخدام تطبيق مبتعث )

لا ياغالي انا مبتعث وفي الجامعه ..

ولكن انا سألتك حتى اتأكد من الانظمة الجديده المتبعه في الوزاره ..

لاني انا كنت طالب على حسابي الخاص وانضميت للبعثه على النظام القديم (2010) ..
ومن ذاك الوقت للوقت الحالي فيه امور تغيرت كثيره ..

بس انا ابي افيد الاخوان بالمعلومات الحديثه .. وايضاً احاول اني اسنع اللي عندي من الشباب حتى يلتحقون في البعثه بسرعه ..

لان اللي عندي والله طولت معاملتهم .. وكل ماسألتهم قالولي لازالت عند اللجنه ..
واحد منهم اوراقه راحت بين اللجاان ولا سبع لجان في متابعة الطلب !
والمشكله ان اوراقه سليمه .. ولا فيها شي ..
وغير هذا جامعتنا ترد على الايميلات في اي وقت .. وترد برضوه على التلفونات .. يعني ماتمغط مثل بعض الجامعات !

وودي والله اشوف لهم حل .. عل وعسا اكون سبب في حل هالمشكله ..

بكل بساطه.. ارسل اي شخص للوزارة برقم الطلب يروح الدور الثاني.. اول مكتب ع اليمين.. ويستفسر هناك عن وضع الطلب وايش صار فيه وايش مشكلته.. بإذن الله يرجع لك بنتيجه..

لا يخرج من الوزارة الا يعرف بالضبط ايش مشكلة الطلب وليه تأخر..

انا بعد ما ارسلت الطلب انتظرت حدود ١٧ يوم وانا قلقان.. ارسلت اخوي للوزارة برقم الهوية وقالو له:
القرار صدر وتم الموافقة على بعثته لكن الموقع يحتاج فترة عشان يتحدث ويظهر عند الطالب المرحلة الفعليه اللي وصل لها الطلب..

الحمد لله ارتحت وانتظرت ١٦ يوم زيادة وجاتني البعثة بفضل الله..

حاول ترسل احد للوزارة يستفير..
ربي يوفقك الطلاب ويسهل لهم ابتعاثهم وطلباتهم ويهدي الضال منهم ويثبتهم اجمعين..


( تمت المشاركة باستخدام تطبيق مبتعث )

يعني نرجع لوضعنا الاول !
ترى للمعلوميه طريقة انك ترسل واحد بالطلب في الوزاره .. كانت على ايامي ههههه
انا تعقدت على النظام القديم قعدت سنه كامله انتظرهم .. ولا كان فيه متابعة طلبات الا عن طريق اني اروح لهم بنفسي او ادز احد للوزاره !
ولما جات المكرمه وقتها انضميت لكن برضوه طولت السالفه ..ولا خلصها لي الا واحد من الشباب الله يجزاه بالخير .. وصيته وراح للوزاره وماطلع من عندهم الا والقرار مصدر !

والظاهر ياصاحبي ان الوضع ماتغير مادامها تحتاج احد يروح الوزاره ..

لكن معليه زين علمتني .. جزاك الله خير ..

سؤال : الحين مو من الشروط للإلحاق بالبعثة انو يكمل الطالب 30 ساعه ؟ ولا النظاام لكل دولة مختلف ؟

 المشاركة الأصلية كتبت بواسطة jawaherr

سؤال : الحين مو من الشروط للإلحاق بالبعثة انو يكمل الطالب 30 ساعه ؟ ولا النظاام لكل دولة مختلف ؟

هذا الشرط قديم أخت جواهر .. ومن يوم عرفته ماطبقوه !

الان الشرط الجديد أنك تكملين أربع اشهر وتاخذين تقارير المعهد او الجامعه .. وترفعين طلب إلحاق ..

نفس طريقة اخونا Salom77 .. شرح الطريقه اللي سواها ... اتبعيها !