لقاء إعداد الدارسين على حسابهم الخاص في الخارج - الرياض , جدة

اللي فهمته من الكلام السابق والقرار الجديد طالما عندك موافقه بالدراسة على الحساب الخاص قبل تاريخ ٢٧ معناته مو مطلوب منك حضور الملتقى


( تمت المشاركة باستخدام تطبيق مبتعث )

صباح الخير جميعا

الاوركيد ان صح كلامك بانه يقولك التسجيل للطلاب الجدد.. فمعنئ هالكلام اللي سبق واخذ موافقه قبل 27 ارتاح من هم الملتقئ..
حسب شرطهم الجديد اللي بيطبقونه من بكره الأحد 27-6-1435

لكن اذا انت بالدمام مر عليهم وقت الملتقئ واوراقك تكون معك جاهزه وببدخلونك اذا تبي تحضر.. اذا بعيد لاتروح ما احد يضمنهم هالوزارة تخبط عشوائي بالقرارات..

( تمت المشاركة باستخدام تطبيق مبتعث )

احفظوا هالصوره عندكم كل من اخذ موافقه من قبل هالتاريخ... مالهم امان ترئ

( تمت المشاركة باستخدام تطبيق مبتعث )

اهلا فيك ابو نادين
يقول لي التسجيل للطلاب الجدد - يقصد النظام اللي لسا مارفعوا طلب موافقة على الدراسة للحساب الخاص -
لان التسجيل من هناك اصلا حسب رد احد الطلاب
ولا اعرف عاد في حال فتح مع الطلاب هل يقدروا يسجلوا او لا

..
انا في الرياض وصعب اخذ اوراقي واطلع لهم في الدمام وبالاخير مايقبلوني
لان حسب معلوماتي ان لازم اكون مسجله مسبقاً في الملتقى

إذا سفرتك مو قريبه وباقي مطول لهم ملتقئ بالرياض اعتقد بشهر ذوالقعده....
لكن عموما كلامهم واعلانهم واضح ان شاءالله ومايلزمك للحضور لانك سبق واخذت الموافقه

وبالنسبه للتسجيل عن طريق فتح طلب موافقه للدراسه مجرد كلام ولافيه احد عطانا اثبات انه سجل..
الصورة تتضح بشكل كامل بكره مع بدء تنفيذ وتطبيق قرارهم

( تمت المشاركة باستخدام تطبيق مبتعث )

فيه ناس ايام ملتقئ جده جابوا اوراق قبول معهدهم والجامهه والجواز وفيه التاشيره وقالوا سفرنا قريب وقبل موعد لقاء الدمام ودخلوهم قدام عيني صار هالشي محد قالي ... واذا الملتقئ بنفس مدينتك منت بخسران شي اذت مريت واوراقكك معك...
بس ع شرطهم ما تحتاج هالملتقئ... يعني ريح راسك

( تمت المشاركة باستخدام تطبيق مبتعث )

أنا مقدم من تاريخ 21/4/2014 يشملني النظام لان سفرتي يوم الاثنين 28

والإعلان يقول اعتبارا من تاريخ 27 يقصدون اللي جاهم القبول واللي قدمو قبل مايشملهم ؟؟


( تمت المشاركة باستخدام تطبيق مبتعث )

الحين اذا جئت احضر لازم أجيب القبول معهد والجامعة والفيزا ، وإذا ماجيتهم ؟ ماعندي قبول ولا شى ؟ وش الوضع ؟


( تمت المشاركة باستخدام تطبيق مبتعث )

مو لازم تجيب الاوراق كامله.. حتئ اللي ماسوئ شي يقدر يحضر....
جوابي اللي فوق كان للي مستعجل وسفره قريب ومنتهي من كل شي وباقي الملتقئ بس ولا قدر يسجل عن طريق الموقع انتهاء التسجيل قبل يسجل... سمحولهم يدخلون بملتقئ جده اللي راح

( تمت المشاركة باستخدام تطبيق مبتعث )

اخوي الله يوفقك
يعني اتوكل على الله و اسجل احط رقم الطلب من عندي واسم الجامعه و المعهد والمدينه اي شي ؟؟؟
علما اني حاليا اراسل الجامعات ابحث عن قبول مشروط ؟؟ ف اخاف اسم الجامعه او المعهد يختلف ويسألوني ليه وبرضوا عن رقم الطلب على اي اساس احطه من كيفي ؟ ووقتها اخسر الحضور ويمنعوني من الدخول ؟؟