لقاء إعداد الدارسين على حسابهم الخاص في الخارج - الرياض , جدة

يفترض فيهم الأخلاق والموده والاستماع للجميع والاجابه عن كل استفسار بكل أدب واريحيه... حتئ لو ع الاقل يقولك خذ هذا الايميل وارسل استفسارك.
لكن ماشفنا غير الكرش والصياح وكيف سجلت وليش تزور وماتدخل ووش جابك طيب وليش مستعجل واجابتين مختلفتين كلياً لسؤال واحد
وماعندهم نظام ثابت وواضح يمشون عليه ونمشي عليه.. عشان كذا ندور الفكه من هالملتقيات ونبي نحضرها ونخلص منها قبل اي شرط جديد واي تعقيد لان مالهم اي نظام ماشين عليه وبلحظه يغيرون رأيهم ويقلبون عليك

الله يعين باقي الاخوان والاخوات للملتقيات القادمه وييسرلهم امرهم ويسخرلهم عباده
وان شاء الله مااااايطول هالنذل
يهبا حتئ الافادة تسرقها سرقة وتطبعها هذا واحنا حاضرين :-( ماتعنينا الا عشانها وآخرتها تهنق بالموقع وتقفل الطباعه ليه بأي حق
حسبي الله ونعم الوكيل فيه

( تمت المشاركة باستخدام تطبيق مبتعث )

انا من الناس الي بغت ترجع من ملتقى الشرقيه بسبب رقم الطلب والفيزا لين مسكت خوينا وقلت له الوضع ولا كنت فاقد الامل لنهم قالو ماسويت طلب بموقع الوزاره وتعتبر ناقص ولا راح تدخل لين تسهلت والحمدالله حضرنا وصفقنا نص صفقه مع الحضور..

تفاؤلوا وانشاء الله تتيسر امورنا

( تمت المشاركة باستخدام تطبيق مبتعث )

الحين خذينا الافاده وطبعناها وش المطلوب نفتح حساب بموقع الوزاره؟

حتئ كلامهم مو واضح انه التدقيق شي وحضور الملتقئ شي... ياقهرتي على شباب مشوا بعد ماقال محد بيدخل لو ناقصه ورقه وحده... كصير راحوا..
وبعدها بشوي اسأل واحد ابن حلال.. قال لاجهزت اوراقك تعال طابق بالرياض والملتقئ بتدخل عادي لانه مو مطلوب منك الا الهويه فقط
قلت ياخي هذال يقول محد بيدخل قال هو قاله قلت ايه هنا عاد( تشوف ألوان قوس قزح بوجهه :-) ) سكت ثواني وقال لاماعليك بتدخل اناظر لين يسجلون دخول ويفتحون القاعه وادخلوا بالهويه!! وبلغت الشباب ع طول قلت ألحق اللي باقي مامشئ

طيب النذل هذال ليه ماقال ان هذا شي وذا شي مايحسب حساب خساير وتعب الناس ولا ماعليه هو بس متسدح ومتبطح بالفندق ومضبط وضعه وماخذ فلوس انتداب فوقها

الشكوئ لله.. ياكثر اللي يدعون عليه وهم طالعين لما قال محد يدخل ولابد ماتصيبه وحده منها
حسبنا الله ونعم الوكيل

( تمت المشاركة باستخدام تطبيق مبتعث )

أي تفاؤل هم يعقدون كل شي

- - - مشاركة محدثة - - -

يالله الحمدالله على كل حال اهم شي السلامه والافاده

عني انا نسخة الافادة 12 نسخة :-)
حتئ ببيت الوالدة عطيتها كم وحده تحفظها عندها احتياطا للزمن لو تضيع اللي عندي او شي
صوروها كذا نسخة ملونه
لحد يأخر الطباعه ترئ بلحظه يقفلون موقعهم ويطير رابطهم..
المطلوب نكمل الاوراق ونرفع طلب موافقة للي ماعنده.. واللي جاهز وعنده يتوكل على الله ويسافر واذا وصل يفتح ملف دارس بالملحقيه

الله يوفقنا جميع

( تمت المشاركة باستخدام تطبيق مبتعث )

اي والله اني ادعيلك الا الحين الله يجزاك خير ويسهل امرك ويوفقك والجميع ان شاء الله

يوم تكلمني وقتها وانا بالسيارة ناوي امشي

وهذال مااستفدنا منه شي ابدا كلام مبهم واجوبة تحيرك اكثر من قبل ومن جيت وانا اسأل والله ولا اجابة صحيحة كلها غلط ماافادني الا اعضاء مبتعث انا اتمنى انه يتم توظيف المبدعين اللي بالمنتدى بدل العاهات اللي بالوزارة



( تمت المشاركة باستخدام تطبيق مبتعث )

امين والجميع
انا باقي لي الجواز موعدي بكره وبعدها الفيزا ورحلتي على فلوريدا ارلاندو ان شاء الله يوم 25 اغسطس
وانت يابو نادين على وين ان شاء الله ومتى رحلتك

التغييرات التي قامت بها الوزارة منطقية ومتوقعة 100%

لذلك الأستاذ هذال لم يأتي بشيء من جيبه ومن عقله وإنما ماحدث لكم وماسوف يحدث بالملتقيات التالية
هو مخطط له من قبل الوزارة وهذا رد كتبته سابقا:

 المشاركة الأصلية كتبت بواسطة هداية الرحمن

باب الإبتعاث كان مفتوح على مصراعيه سواء عبر البرنامج أو الإلحاق بالحساب الخاص, ولو كنت تتابع
لتجد أن الوزارة الأن بدأت بالحد من هذا. فقد أغلقت الإبتعاث للمرحلة السابعة مع بداية السنة الميلادية, والأن
ستغلق المرحلة الثامنة في شهر 8, بمعني أن المرشحين في هاتين المرحلتين لن يمكنهم إصدار قرار
وسوف يتم حذف بياناتهم. وأيضا بدأت بتقنين الدراسة على الحساب الخاص وإن كنت أتوقع بأنها سوف
تتخذ إجراءات أكثر تعقيدا للدارسين على حسابهم الخاص على الأقل في السنة القادمة.

وهناك تصريح بأن الإبتعاث في المراحل الخمسة التي تم تمديدها (التي ستأتي بعد المرحلة العاشرة) ستكون لدراسة الطب وفروعه فقط.
بمعنى أن الوزارة بدأت بالتمهيد لإغلاق باب الإبتعاث وهذا ماتفكر به الأن.

ومتوقع بأن يكون حضور الملتقيات مخصصة فقط لمن أصدر قرار الموافقة في المراحل القادمة
(من أجل تقنين عملية الإلحاق لاحقا بعد سفرهم كما أتوقع)

لذلك نرجوا إحترام الأخرين وعدم تحوير المسميات لغرض الإساءة
فإحترامنا للأخرين هو إنعكاس لإحترامنا لأنفسنا, فلا أحد يرضى بأن يستهزيء بأسمه
رغم إن ماحصل هو مستفز من قبل موظفي الوزارة ولانستغربه منهم.

وبالتوفيق لكم جميعا والعقبى لكم بالإلتحاق بالبعثة إن شاء الله.