مساعدة طلب فتح حساب لطالبه على حسابها الخاص

السلام عليكم
وعليكم السلام
اخوني اخواتي ودي اسألكم كم سؤال
ومالي غير الله ثم انتوا تساعدوني

انا طالبه ادرس على حسابي الخاص ولي فتره ادرس وقدمت طلب لطالب يدرس على حسابه الخاص
رفعت طلب لطالب يدرس على حسابه الخاص وجات الموافقه (مقبول من الوزارة )الحمدلله
وطلبوا مني الحين اذا وصلت لطلب الابتعاث اني افعل الطلب (اكتب عنواني ورقم الجوال واسم زميل لي في امريكا)عشان التحق بالبرنامج
وكل هالاشياء موجوده

لكن انا رجعت لسعوديه وناويه اقعد فيها لحد ما يخلص رمضان
1| هل ينفع افعله وانا في السعوديه وانا ناويه اجلس فيها الى رمضان ؟
انا متابع المنتدى من فتره طويلة وكل الي رجعو للسعودية واجهتهم مشاكل في الانضمام وبعضهم من فعل الملف وقدم طلب الحاق للبعثه وتم رفضه ودرس اربعه شهور من جديد ورفع طلب الحاق ثاني
2| وهل يلغون الطلب او الملف حقي (طالب على حسابه الخاص)اللي انا ارسلته دام اني في السعوديه ؟
تقريبا الي قرأت كثير عنه انه لك فترة ثلاث شهور لو ما فعلتيه راح تتغلي الموافقة
3| وهل يلغونه لاني ناويه افعله شوي متأخر ؟
4| وتتوقعوان اذا فعلت الطلب كم يحتاج من وقت عشان يضموني؟
هذا شي ما يعلم فيه الا الله .. في ناس انضمت بشهر وناس شهرين وناس شهر واسبوعين وناس ثلاث شهور وانتي ونصيبك
5| عنوان السكن اللي بكتبه هو عنوان صاحبتي, لان حاليا ما عندي سكن , هل في ذلك اشكاليه؟
اكيد راح يكون مسجل عندهم في السستم عنوان سكن صاحبتك لاكن ما اتوقع انه فيها مشكلة لانه اعرف سعوديين ساكنين مع بعض
علما بأني اذا رجعت واخذت لي سكن رح اقولهم اني غيرت سكني. وهم ايضا لا يعلمون باني رجعت لسعوديه.
مافي شي اسمه ما يعلمون اني رجعت السعودية انا شخصيا اعرف ناس مرافقين رجعو للسعودية والمبتعثه في امريكا توقفت عنهم المكافاة وتدهورت اوضاعهم

وهذا ما كان مكتوبا في الموافقه :
نوع الطلب: طلب دراسة على الحساب الخاص
تاريخ تقديم الطلب 06:-01-2014
تاريخ آخر تحديث 16:-01-2014
حالة الطلب: مقبول من الوزارة
ملاحظات :في حال الوصول لبلد الملحقية أو الدول التابعة للملحقية ضرورة زيارة موقع الملحقية الإلكتروني واختيار
خدمة تفعيل قرار الموافقة للدراسة على الحساب الخاص وفتح ملف طالب دارس على حسابه الخاص.

+
قرار موافقه للدراسه على حساب خاص , فيه اسمي ورقم سجلي المدني
والبلد اللي انا فيها والمعهد اللي درست فيه والتخصص اللي اخترته