مساعدة دراسة الماجستير في امريكا لتخصص فندقة وسياحة او تسويق

بصراحة عزيزي ما افتيلك واتفلسف , بس انا دخلت موقع الجامعة وشفت التخصصات وايش طالبين لكل تخصص , تحصص Hospitality Management بس طالبين درجة توفل معينة مادري لو تراسلهم ممكن رح تفهم اكثر و ممكن اراسلهم انا واردلك , عشان نقطع الشك باليقين بس مبدئيا شوف هالرابط واختر ماستر وانزل رح تلاقي تخصصين بصراحة مافهمت ايش الفرق بينهم hospitality management و hospitality management Executive Masters Track مافهمت , اضغط عليهم وتطلعلك المتطلبات , هذا الرابط >> FIU - University Graduate School

السلام عليكم ورحمة الله وبركاته ,
عزيزي @muhammd ben hussain
انا راسلتهم وكتبت :
Hello, I was wondering about the requirement's to apply for master degree in hospitality management , as I have read there's only TOEFL no GMAT , no GRE , is there any
other requirement since I'm an international student ?. Thank you
طبعا انقلش مشي حالك , بس ردولي بنفس اليوم هذا الرد :


Thank you for contacting us.

GMAT and/or GRE are only required if your GPA is below a 3.0. Other than TOEFL requirement you should also submit a resume and official transcripts from previous institutions.

Please do not reply to this email.

Sincerely,

وبس لو عندك أي استفسارات ثانيه في عندهم فنفس موقع الجامعة , Live chat تكتبلهم استفساراتك وهما يجاوبك .. أتمنى اني افدتك ولو بشي بسيط

ماشاء الله اخيرا لقينا احد بيدرس ها التخصص سجل معاك واحد متخبط في التخصصات واخرها رسيت على ادارة السياحة والفندقه بكالوريوس

شكرااخوي يعطيك العافية على جهودك
فعلا راسلتهم ولازم توفل

وعندي معلومه مهمه بالنسبة لتخصص فندقة وسياحه
اولا عندي اتنين من اصحابي حاليا في امريكا وانا متواصل معاهم كلهم تخصص بكالوريس وعلى حسابهم الخاص طبعا جابو قبول فندقة وفتح ملف وكل شيء سليم والمفاجاءة في النظام العجيب لوزراتنا الحبيبه تم قبول شخص في تخصص الفندقة وتم منحه رقم ملف ومشيت اوراقه والتاني جاله رفض بسبب التخصص (التخصص غير مدعوم في قرار 5601 آخر قرار ) بصراحه شيء غريب وعجيب
اسف عالاطاله

اوباا تحطيم ههه بس يمكن بكالوريوس , وماستر عادي يقبلو , يبغالنا نتاكد قبل ماندرعم ,, بالمناسبه , ترا الماجستير عشان تصدر قرار الابتعاث الي اعرفو بس جيب قبول لغة مو لازم قبول جامعة , يعني تروح وتدرس اللغة وتجيب التوفل وانتا عالبعثه و بعدين تدورلك جامعة , بس طبعا الأفضل تكون عارف الجامعة من بدري وشروطها ..
بس جد تقهر الوزارة .. يبغالنا نستفسر منهم اكثر , ..
عزيز عندي استفسار بما انك موظف في هالقطاع , ايش رايك في التخصص , هل الماستر يفرق عن البكالوريوس بكثير في تخصصات الفندقه او السياحة .
ووشكرا لك على معلوماتك , وبالتوفيق يارب

المعذرة بس ما فهمت عليك كيف يفرق من اي ناحية (اذا قصدك من ناحية التوظيف اكيد يفرق -طبعا الاساس الخبرة بس بالنسبة لشهادة بدون خبرة تنفعك لو اتوظفت في فندق خمس نجوم محترم لانه رايح يكون لك خطه تدريببيه على حسب شهادتك علشان تتاهل للمنصب اللي يليق بشهادتك-وهي تفرق كمان في طريقك في هذا المجال على المدى الطويل لان صعودك للمناصب العلية سوف يكون اسرع واسهل كل مازاد تحصيلك العلمي وطبعا الاولوية تكون لك باذن الله )اكيد اللي ماهو متخصص راح يمشيء بخبرته وبس



واي استفسار انا في الخدمة

ايوا من ناحية التوظيف , لاني كطالب بكالوريوس , جيت لكذا فندق 5 نجوم في جدة ابستفسر و ع حسب كلام الشباب الخرجين قبلي بترم , يقولو مافي أي حماس , يوظفوك زيك زي أي خريج دبلوم او ثانوي , , نفس الوظائف ونفس الرواتب ماتفرق بما انو ماعندك خبرة . شي مايخليك تتحمس انو تكمل ماستر , لانك فالاخير بما انو ماعندك خبرة فزيك زيهم ( خرجين الثانوي ), مافهمت هالنقطه , بس لو كان فالبدايه زي ماقلت حضرتك يكون فيه خطه تدريبيه لين ماتوصل فالمناصب الاداريه الي تليق بالشهاده فهذا شي جميل .
شكرا عزيز ي ما تقصر.

عزيزي شهادتك في البداية ماتفرق هذا صح وانا متفق معاك بس الفايده على المدى البعيد ولازم تصبر في هذا المجال (بالنسبة لي ماعندي الخبره الكبيره هي مجردتقريبا سبع سنوات و بدات موظف سنترال بشهادة الثانوية لقبل سنة من الان وصلت لمنصب محترم مع شهادة الثانوية ودربت ناس متخرجين من كلية الامير سلطان وكان مجرد موظفي استقبال فكان هناك نوعين نوع حاب المجال وصبر والان ولله الحمد كلهم في مناصب ادراية مرموقه داخل وخارج السعودية وفي بعضهم تعدو منصبي يعني دربتهم وصارو اعلى مني مشالله واكيد افخر بالهشيء والبعض خرج لمجال تاني ومختلف تماما )اصبر وطور نفسك واستفيد واتعلم من كل اللي حولك واعطي المجال داه صدقيني راح يعطيك ان شاء الله اكتر من ماتتوقع (الحياة فرص فلازم تختار الفرصه اللي ع قدك ولا ستعجل )
اتمنالك التوفيق

السلام عليكم ورحمة الله وبركاته ,
عارف اني متاخر كثيير بس انشغلت مره , الله يعطيك العافيه , نورتني الله ينور عليك , لانو كان عندي احباط فضيع فعشان كذا قلت بكمل ماستر وتجيني افكار كمان اني اخليها ادارة اعمال , بدال ما احكر نفسي في الفنادق , الي ماكنت عارف مستقبلي كيف حيكون , انو اضيع سنوات من حياتي فالمجال , وفالاخير رواتب ومراكز ماهي الشي الي واحد يطمحلو ويريحو فحياتو مهنيا وماديا , بس الي يحمسني اني اشوف عدد الفنادق الموجوده , والي جالسه تتسوا , فمكة والمدينة وجدة , والسياحة فالسعوديه كيف شغالين عليها ومافي ناس ومنافسه كبيره فالمجال لعدم الوعي بالمجال وقوته اقصد من قبل السعوديين يعني منطقيا انو ممكن توصل فوق مافي شي مستحيل والكلام الي حضرتك قلتو , عموما الله يسعدك ياشيخ , افدتني وانشاء الله نفيد ونستفيد ونتواصل , والله يوفقك فمسيرتك .

السلام عليكم
ياشباب عملتوا قروب ؟ لانه احتاج مساعدتكم في ماجستير سياحة وفندقة
انا متخرج بكالوريوس ادارة من امريكا 2006 وابغا اكمل
سؤالي هو او فتره ادرس ماجستير بعدين يضموني على البعثه
او اقدر ادرس لغة لانها اسهل وارخص بعدين اكمل ماجستير ؟
وجزاكم الله خير