بعض الاسأله للمبتعثين . الرجاء التكرم بالدخول

شوف اخوي ابحث عن معهـد رخيص

خمسين الف صراحه انا دافع 70 الف لين انمضيت

لكن ترا فيه معاهـد حيل رخيصه ادخل اي معهـد رخيص لكن يكون موصى به وبعـد ذلك تجـد من يساعـدك

واذا تبي من معاهـد ELS اقدر اساعدك بالقبول انا

لكن معاهـدELS ممتازه ولكن اهم شي ماتسمع كلام العرب يقولون لك مو كويس ناس تبي تنجح بدون جهـد ميزة معاهد ELS تدخلك 887 جامعـه بدون ايلتس او توفل

ياجعل يفدونك الرخوم يالوايلي ماقصرت

يارجال 50 الف وبالدف و ان شاء الله بتكفي

ماعندك علم على اي الولايه تنصحني فيها ورخيصه

و المعهد راح يكون بيني وبينك تواصل ب أذن الله .

نصيحه ابعد عن معهد ELS خصوصا اذا كنت تدرس على حسابك الخاص

تكاليف المعهد شهريا 1730 دولار بما يعادل 6500 ريال بدون كتب وهو يعتبر من اغلى المعاهد في امريكا واتوقع اغلى معهد في العالم

عندك معاهد كثير جدا ومعتمده وتكلفتها شهريا ماتتجاوز 700 دولااار

مثلا انا ادرس في معهد جامعة وسعر الشهر الواحد 3000 الاف ريال تقريبا وهو معهد اكاديمي !! بعكس ELS معهد تجاري وجودة التعليم فيه اقل وسعره اغلى على قل سنع

عندك معهد THE LEARNING INSTITUTE OF TEXAS تجاري ومعتمد من الملحقيه وسعر الدراسه فيه لمدة 4 شهور ونص تقريبا 7900 ريال !!! بينما معهد ELS شهر واحد بـ 6500 ريال !!!

مع احترامي الشديد لك ترى 50 الف ريال ماراح تمشيك هناك الا اذا كانت شاد على نفسك مرررره ومقتصد وشايف لك معهد رخيص

مع العلم ان الانضمام للبعثه لازم ترفع الكشف بعد 4 شهور وراح ياخذ تقريبا شهرين ثلاثه الين تنضم , يعني تراك بتدرس على حسابك 6 شهور وعليها

ومطلوب منك قبول جامعي وقبول معهد , والجامعات راح تعطيك قبول مشروط بشرط انك تدرس لغه في معهدها

ELS ماراح يعطيك قبول في جامعه لاكن راح يشيل عنك متطلبات اللغه والباقي عليك من شهاده ودرجات وغيرها

بالنهايه احب اقول لك ترى فيه حاجات ثانيه لازم تاخذها بالحسبان مثل التأمين الطبي والمواصلات والسكن والأكل ورسوم الكتب ورسوم الفيزا والسيفيس والتذكره لأمريكا وووو

احسب حسابك صح ترى 50 الف ماراح تمشيك 6 شهور

موفق يالغالي

الله يجزاك خير ويكثر من امثالك يالغالي وكلامك بمحله بعد ما فريت المنتدى ومواضيعه / طيب بنظرك شايف الـ ٧٠ الف مناسبه .؟ لمدة ٦ اشهر .؟



( تمت المشاركة باستخدام تطبيق مبتعث )

لا أنصحك بمعاهد ELS .. يوجد معاهد رخيصة وبعضها معترف بها أيضا

مثل هذا المعهد تبلغ تكلفته الدراسية لمدة 6 أشهر 12.000 ريال تقريبا www.solex.edu/en/tuition
وهنا رابط لموضوع تحدث عن معهد أخر رخيص: http://www.mbt3th.us/vb/forum178/thread445531.html
وتكلفة الدراسة فيه لمدة 6 أشهر نفس تكلفة الدراسة في المعهد الأول الذي وضعته

وهذه الجامعة تعطيك قبول مشروط للبكالوريوس دون الدراسة في معهدها إذا رغبت:
http://www.mbt3th.us/vb/forum8/thread409530.html

أما معظم الجامعات (خاصة إذا كنت تريد دراسة الماجستير) تعطيك قبول مشروط بشرط الدراسة في معهدها.

والسكن مع عائلة يساعدك على تدبير المبلغ إن شاء الله ولكن يفضل زيادة المبلغ لأن 50 ألف أخشى إنها لاتفي بشكل جيد

وأؤيد كلام الأخ MaM9 وبخصوص الإستفسارات الأخرى: لا حاجة للذهاب للملحقية في واشنطن فقد اصبحت جميع المعاملات تتم بشكل الكتروني
عبر الموقع وأيضا بعد أخذ الموافقة من الوزارة سافر ولا تنسى حضور ملتقى الدارسين على حسابهم الخاص.

جزاك الله خير الجزا . ووفقك الله وشاكر لك يالغالي .


( تمت المشاركة باستخدام تطبيق مبتعث )

70 الف باذن الله تكفي اذا اقتصدت فيها

خلني انا بعطيك الحسبه حقتي وانت احكم

مصاريفي راح تكون كالتالي ( شهريا )

رسوم المعهد شامله الكتب والرسوم الاداريه ورسوم قاعة اللياقه والصحه البدنيه وغيرها 3500 ريال

التأمين الطبي يكلف تقريبا 200 ريال

سعر السكن في شقه غرفة نوم ومطبخ وصاله ودورة مياه مياه اعزكم الله 1700 ريال

المجموع 5400 ريال شهريا من غير مصروفاتك الشخصيه

مصروفاتك الشهريه تعتمد عليك من أكل ومن مواصلات ومن فاتورة جوالك والانترنت

يعني اذا اقتصدت وشفت لك شيء رخيص مثلي عز الله 70 الف تبي تكفيك وزود

لاكن انت علمنا وش التخصص اللي تبغاه عشان ادور لك جامعه حلوه ومعهدها رخيص

انصحك تشوف لك قبول مشروط في جامعه وتدرس في معهدها افضل لك من المعاهد التجاريه

صح ان معاهد الجامعات اغلى بشيء بسيط لاكن والله تكون مرتاح لأنك ضامن قبولك وغير كذا تدرس اللغه في نفس الجامعه اللي راح تدرس فيها بعدين يعني راح تتأقلم مع الوضع

موفق يالغالي

صراحه انا حايس وما ادري ايش التخصص الي راح يفيدني بعد ما اتخرج بأذن الله . لكن انا صراحه في بالي إدارة اعمال . طيب يالغالي سؤال انا نسبتي تقريباً ٨٠٪ هل هي عائق ..؟

طيب يالغالي انا بسمع نصيحتك لي ومثل ماقالو لي كثير إن معاهد الجامعه تكون افضل ومضمونه و الضامن الله / وش تنصحني بالجامعات الي معاهدها رخيصه ؟ ومناسبه لـ ٦ اشهر لين التحق بالبعثه ؟ و اي الولايات رخيصه وومتازه و اتمنى تكون مائله للبروده نوعاً ماً . و المواصلات رخيصه وفيها حركه ماتكون ممله ، و طبعاً السكن راح يكون مع عائله .


جزاك الله خير .


( تمت المشاركة باستخدام تطبيق مبتعث )

المعدل ابدآ ماهو عائق , انا معدلي 81% وكل الجامعات قبلتني بتخصص علمي ولله الحمد

ترى الجامعات الامريكيه يشوفون الطالب السعودي شيك مفتوح , اهم شيء كم بتدفع

الجامعه والولايه والاسعار ماراح تتحدد الا اذا شفت لك تخصص وبناء على تخصصك تبدأ البحث في الجامعات

اذا تخصصك ادارة اعمال بأذن الله راح تكون الامور سهله لأن تقريبا كل الجامعات عندهم تخصص ادارة اعمال

لاكن ترى ادارة الاعمال تحتها اقسام , انصحك بماليه او محاسبه لأن عليها طلب ورواتبها عاليه

باقي تخصصات ادارة الاعمال مثل موارد بشريه واقتصاد وانظمة مكاتب وغيرها الطلب عليها قليل

كطالب على حسابه الخاص انصحك تخلي عندك أولويات وتكون الأولويه الاولى للتكاليف ثم بعدها سمعة الجامعه وقوتها ثم بعدها المدينه والطقس وغيرها

عندك Murray State University في مدينة Murray تكاليفها معقوله جدا والأجواء فيها بارده تقريبا , عيب المدينه انها صغيره شوي

السكن مع عائله ترى مو دائما رخيص , اللي اعرفه انه يكلف تقريبا 650 دولار شهريا

بينما شقه كامله بغرفتين نوم ودورتين مياه وصاله ومطبخ تتشاركها مع زميل لك تطلع قطة كل واحد منكم 400 دولار بالكثير