هل تنصحوني افصل من ( الوظيفة ) واجي ادرس في امريكا !! تكفون

اعتقد تقريبا يكلفك من ستين الى تمانين الف لين الالتحاق حسب ماسمع

بخصوص الدراسه فاذا التخصص عليه الكلام زي طب او صيدله او هندسه فا توكل

لو تخصص شبعان منه السوق زي الاداره او انجليزيه او موارد.. الخ راح تتوهق وماتستفيد شي لانه ماراح يفرق

اهم شي يكون تخصصك ومسارك للمستقبل واضح

العمر قدامك اهو شوفني انا ببدا بكالوريوس وانا اكبر منك بسنه والسنه الجايه ابدا


بالتوفيق


( تمت المشاركة باستخدام تطبيق مبتعث )

وعليكم السلام ..

اخوي كلامي نفس اخوي السابق

انا نفس عمرك موظف حكومي بطلع ادرس

الدراسه ما لها عمر محدد

الله يوفقك ويوفقنا

اول شي التوكل على الله في كل شي..
شي ثاني ايش تخصصك؟

وكم لله من لطف خفي.

والله اني في حيرة في امري واذ ابي اطلع ابغاء اتخصص ( ادارة اعمال )

نصيحتي لك اطلع وادرس بكالرويس هندسة مدنية ولا تخاف من دراسة الهندسة برا، الوضع هناك يختلف وصدقني راح تحب التخصص رح وتوكل على الله توك شباب


( تمت المشاركة باستخدام تطبيق مبتعث )

اخواني لو جبت قبول معهد + قبول مشروط في تخصص موارد بشرية بكالوريوس هل بيضموني في البعثة او لا

نصيحه اخويه ادرس اي تخصص مهني مثل طب وهندسه وغيرها واي تخصص نظري ماراح يصنع الفارق المامول اليومين دي

حسب علمي كان تخصص مقفل للالحاق ولا اعلم هل سار مفتوح الان مع الاوامر الملكيه واستثناءات الاعوام الاخيره ام لا


( تمت المشاركة باستخدام تطبيق مبتعث )

كلام الاخ هو عين العقل ابتعد قدر الامكان عن التخصصات النظرية والادارية، اغلب خريجين هالتخصصات عاطلين


( تمت المشاركة باستخدام تطبيق مبتعث )

فعلا تخصص شي مهني..تقدر بعد زمن تملكه...هندسه .. طب .. محاسبه..الخ
انا اشوف انك لسه عمرك صغير..استخير الله واتوكل..
اعرف واحد شيبه بعد خبره 20 سنه بشركه درس بكالوريوس محاسبه بسفارة اليمن..واخذ الوثيقه ورفعها بالبيت..بعدها امكن بخمسه سنوات الشركه خرجته لاسباب معينه..راح قدم بشركه اخرى سئلوة ايش شهادتك قال عندي خبره وعندي بكالوريوس وسبحان الله وظفوه براتب ممتاز ووظيفه مرموقه في الرقابه الداخليه..
الارزاق بيد الله

وكم لله من لطف خفي.