مساعدة لو سمحتوا!!!

انتبه
واصل توه جاي لديرتنا و تورط

انتبهوا يا اخوان خلوكم بالسليم

والله مافهت أخوي وش قاعد تقول؟

اقول يا غالي ايه مجبر

لا تورط نفسك تطلع بدونها

اخوي امر الله بهون ، لا تخاف ولا تتوتر بمجرد ما يوصل لك الـ I-20 بيكون عندك شهر يعني يمديك تخلص كل شي بسهولة

- اول شي حجز الموعد للفيزا اذا انك مستعجل اجحز لك على السفارة في الرياض تحصل لك موعد بعد يوم او يومين . اما القنصلية في الظهران عالاغلب بعد اسبوع الى 10 ايام و بعض الاحيان بالصدف تحصل موعد قريب يكون احد مكنسل او مغير الموعد ، اما قنصلية جدة ما ادري كيف المواعيد فيها .
- لما تحجز موعد تسدد الرسوم في بنك سامبا و بالعاده النظام لحجز المواعيد ياخذ له تقريبا يوم على ما يفتح لك انك تحجز موعد بعد السداد و اخذ وصل السداد معاك .
- لا تنسى تسدد رسوم السيفيس عشان بتحتاجه في حجز الموعد و يمكن يطلبون منك وصل السداد .
- في موعدك اخذك كافة احتياطك هم اجرائتهم بسيطه لكن على حسب اللي يقابلك اهم شي اخذ معاك الشهادة البنكية و خلي فيها مبلغ اكثر من تكاليف الدراسة و كل ما زاد المبلغ اضمن لك ، و اذا اسألوك عن مصدر المبلغ قول لهم من عند ابوك و يمكن يسألونك وش يشتغل و كم راتبه ( عاد انت هنا خلك شاطر ) .
- بعد الموافقة الفيزا ما تطول ان شاء الله تاخذ بالعاة 4 ايام و هي واصله عندك على اقرب فرع لأرامكس تروح و تستلمها .

راجع المواضيع المتعلقة بالفيزا من الآن عشان يكون عندك إلمام بالموضوع .

و اي خدمة او استفسار راسلني

ألف شكر لك أخوي على الرد

شكرا أخوي الله لايهينك أنا خايف الحين إن القبول يطول على مايوصل أمس أرسلت للمعهد الشهادة البنكية الجديدة.

أخوي إذا وصلني الـ I-20 الجديد حق المعهد قبل قبول الجامعة تنصحني أقدم على الفيزا بدون قبول جامعة؟ هل بيعطوني فيزا 5 سنوات؟

نعم تقدر تقدم قبل القبول الجامعي

لكن يا عزيزي هون على نفسك لا تستعجل علشان لا تضغط نفسك بالوقت

تقدر تضبط كل امورك هنا ما يطلع لك شي يحوس عليك بعدين

اهم شي للفيزا ال I-20 قبول الجامعة ما بيسألون عنه . بخصوص المعهد اضغط عليهم و استعجلهم و بيخلصونك بسرعه و الشحن اغلبهم يشحنون الاوراق على بريد سريع مثل فيديكسو بتوصل لك في ثلاث ايام


( تمت المشاركة باستخدام تطبيق مبتعث )

اهم شي I-20 للفيزا ما بيسألون عن قبول الجامعة . هي تكفي و توفي

بعض الجامعات و المعاهد على راحتهم يبي لك تراسلهم على طول انا كانت الجامعة تتأخر علي و بس ارسل لهم يخلصوني على طول
بالنسبة لشحن الاوراق البريد السريع مثل فيدكس ياخذ ثلاث ايام


( تمت المشاركة باستخدام تطبيق مبتعث )