قائمة بأسعار أرخص الجامعات من 10 آلاف دولار بالترم ونازل+طريقة لضمان الإلتحاق بالبعثة

احد يعرف اجار السيارة كم في الشهر تقريبا وهل الايجار افضل ام الشراء ؟

الله يسلمك اخوي ,
شكرا لك
أنا مادري كم سعر الايجار ,
لكني مقتنع بأنه خيار غير مجدي خصوصا إذا كنت تريده لى المدى الطويل! يعني اسبوع أو سبوعين مومشكلة , لكن لعدة شهور!! جدا غير مجدي
لأن في السعودية سعر الايجار اقلها 100 ريال لليوم الواحد , لو حسبتها لمدة 6 شهور تطلع لك حدود الـ 20 الف ريال , ولمدة سنة 36 ألف ريال !! بهذي القيمة أشتري لي فيها سيارة نظيفة افضل لي من خساير الفلوس , هذا في السعودية , فـ مابالك بأمريكا !! اكيد الإيجار أغلى وأغلى , فـ الشراء هو الخيار الأفضل , أو استخدام المواصلات العامة كالحافلات والقطارات
بالتوفيق

مو كانها كثيره 100 الف ومبالغ فيها

مره قابلت مبتعث ومتخرج قلت له 60 الف قال كثير
عموما هي على المدينه هل هي رخيصه او لا والجامعه اذا كانت رخيصه بيكون سعر المعهد اللي يتبعها رخيص والسكن ايضا

انا بطلع واحسب كل شهر 10 الف ريال لمده 6 شهور = 60 الف ريال
وقبل كل شي فكر بالتخصص والجامعه القويه
وتراني مثلك للحين ماسافرت وياليت نشوف اراء اللي درسو على حسابهم وجربو

جزاكم الله خير ووفقكم

شكراً وجزاك الله كل خير

هلا اخوي فيصل
والله مادري بس تقريبا المعيشة كذا , وتختلف طبعا من ولاية لاخرى
60 الف ريال؟ إممم ممكن لأنه معهد وليس جامعة , الموضوع كان يتكلم عن اللي يريد يدخل الجامعة مباشرة وليس المعهد.
الله يوفق لك ان شاء الله وتكون مبتعث.

وأنتم كذلك ياغالي ,
ربي يوفقنا وإياكم.
العفو ولاشكر على واجب
بالتوفيق لنا ولكم .

الله يجزاك خير ويجعل هالموضوع ينكتب في ميزان حسناتك ويجعله معين لك على سرعة الانضمام.



انا افكر اختبر ايلتس في السعودية واسجل بجامعة اركانساس هل راح يقبلونه من السعودية او لازم اختبر عندهم.


وشكرا لك مرة اخرى.

لا شكر على واجب اخوي
والله يسلمك ويبارك فيك , ويارب يحقق امانيك وطموحاتك .
بالنسبة لاختبار الآيلتس , عادي يقبلونه سواء اختبرته في السعودية او غيرها من الدول مافيه فرق
لأن الاختبار رسمي وتحت إشراف جهة واحدة وهي القنصلية البريطانية , والنتيجة راح تنحفظ في ملفك برقم جوازك بـ موقع الآيلتس يعني مثل اختبار القدرات الدرجة تكون محفوظة برقم هويتك.
اختبره هنا في السعودية واتوكل على الله وخبرنا بجديدك , انا ايضا لازلت في السعودية وان شاء الله بعد شهرين ابختبره .

بالتوفيق لك ولجميع الاخوة والاخوات.

اخوي عندي سؤال لو مثلا داومت لمدة 6 شهور فامريكا ولو ماقدر الله ماجاني الابتعاث ومطول شكله


هل استطيع اوقف دراسة واستنا لين يجيني الابتعاث


او ارجع السعودية واستنا طلبي هل يلحقوني

ما أعلمهُ أنَه ينبغي للطالب أن يتم بقاؤه في امريكا بشكل متواصل ومجرد ما يرجع للسعودية تُلغى كامل الفترة التي بقِيَ فيها في أمريكا , بمعنى آخر العداد يتصفَّر ولما ترجع لأمريكا مرة ثانية تبدأ من جديد وكأنك اول مرة بتدخل أمريكا !