| . . مـتـابـعة طـلـبات الإلحاق لدى الوزارة . . | (3)

اخواني ما فيه احد مر الوزارة سالهم عن شرط ال٣٠ ساعه

مع العلم انا طالب جديد طالب ماستر

ورحلتي بعد الملتقى بخمس ايام
وانا قدمت على أساس ٤ شهور

وش الوضع تكفون نحجز تذاكرنا ولا لا

تكفون عساكم الجنة ابي رد

اذا رحلتك قبل وصول الملك سلمان لامريكا مااقدر اقولك لاتجي لان ممكن يضم الجميع واذا بعد وصول الملك لامريكا انصحك تاجل سفرك الى ان تتضح الامور وتصير على بينه واتوقع ان الامور سوف تتضح في رمضان مع بدء المرحة 11 للبعثة.

طيب مااطلع الحين قبل لا يحطون الشروط احسن

اقدر احجهم ولا لا

والملك متى يروح لامريكا

والله الوضع صعب حاليا

هي مغامره ممكن تضبط معك وممكن لا
لكن عندك الملتقى اذا حضرته لا تسكت لما يفتحون مجال الاسئله ، خذ المكرفون واسألهم، ووقتها تقرر. لان ماعتقد أحد يقدر يفيدك هنا، كلنا محتاجين اجوبه.

الله ييسر أمرنا وأمرك.

بالنسبه لنظام 30 ساعه انا شخصيا جلست عند مستشار الالحاق قبل 3 اسابيع من حسن حظي انه يكلم بالجوال وفهمت من كلامه بالجوال انهم متلخبطين مايدرون يقولون نظام 4 شهور والا 30 ساعة للمراجعين .

يعني باختصار الوزير موقف كل شي مؤقتا وملخبطهم مايدرون وش يردون للمراجعين

وحسب توقعاتي انه مع بداية المرحة 11 في رمضان راح يطبق نظام 30 ساعة بشكل واضح وأيضا راح ينتهون ملف المرحلة 10 من طلبات الالحاق .
لانهم متوهقين فينا بما تعنيه الكلمه و المستشار وهو يكلم يقول في 5000 طلب موافقين عليه اللجنه ورافض الوزير يوقع .

انا شبه متأكد انه بيجي يوم تنتهي مشكلتنا ونتناقل المباركات على هذا المنتدى بس الصبر يااخوان الصبر مابعده الا الفرج.

ولو الوزير بيرفض كان رفض من زمان واقفل ملف الالتحاق بنظام 4 شهور وردود الوزارة بتكون واضحه وبيرسل خطاب للملحقيات عدم رفع الطلب الا بستيفاء شرط 30 ساعة واكرر الصبر يااخوان مابعده الا الفرج .

هو فعلا الوضع حاليا غامض ومافي شي واضح واتوقع حتى الوزير هو نفسه موعارف شي لان واضح الحين ان هذا الموضوع ماهو عنده حاليا
وشكلها الاوضاع متوقفه اعتمادا على وصول الملك لأمريكا انه يصدر مكرمة ويضم الجميع
الله العالم موظفين الوزارة هم ايضا يبون المكرمة تجينا حتى يفتكون منا ومن تدقيق طلباتنا و المراجعين والحوسة الي هناك لان اذا جات مكرمة ملكية كل الشغل الي متراكم عندهم بيفتكون منه وبيروح للملحقيات

بل اتوقع ان حتى بعد جية الملك امريكا وبعد المكرمة ان الطلبات في الوزارة بتمشي بشكل عادي

الالحاق موقف ولا فيه احد انظم

واللي ينزل خبر ياليت ينزل مصدر الخبر

كفاية اشاعات وتحطيم

لكن االلي نتأمل فيه جيه الملك لامريكا

الي يقول في احد انضم اما هو واصله اخبار غيرصحيحة او جايبها من عنده
الالحاق متوقف تماما حتى الابتعاث الداخلي متوقف

السلام عليكم

انا وضعي اني حضرت الملتقى الي بالرياض وما اعرف اذا تفعل حضوري او لا ..حالة الطلب عندي حالة جديدة
وانا حاليا بامريكا
هل يحتاج ارجع احضر الملتقى الثاني
علما بانهم سجلوني يدوي بيوم الملتقى
كيف اعرف نسبة حضوري للملتقى ارجو الافادة ضروري

ترسلين واحد للوزارة ويستفسر عن حضورك للملتقى راح يبين عندهم بالجهاز ويتاكد ان اوراقك كامله اذا كل شي تمام انتظري الموافقة بتطول شوي يمكن تاخذ من شهر الى شهرين بعد حضور الملتقى.

وماله داعي ترجعين يكفي حضورك للملتقى الاول.