| . . مـتـابـعة طـلـبات الإلحاق لدى الوزارة . . | (3)

طلاب اللغة ما لكم الا تشتغلون على انفسكم ليل نهار.. صدقوني تجيبون الايلتس في اشهر.. انا جبته خلال 4 أشهر...

وادخلوا كلية مجتمع.. ونزلوا مواد تتعادل في الجامعة اذا بتدخلون جامعة مثل الماث وانقلش 101 و102

وبكذا ما تضيعون وقتكم في اللغة وبنفس الوقت تنضمون للبعثة..


وفق الله الجميع.

عطنا اسعارها يالذيبان هالكليات

تختلف.. على حسب عدد الساعات اللي تنزلها.. مثلا تنزل 12 ساعة ممكن تطلع عليك من 2000 دولار الى 3000 وتراها تختلف من كولج لكولج ومن ولاية لولاية..

اهم شي ما تنزل اقل من 12 ساعة عشان ما يسببون لك الامقريشن مشكلة..

واي خدمات بهالموضوع لك وللجميع.. تحت امركم

اي نعم.. يوجد كليات كثيرة في معظم الولايات معتمدة من قبل الوزارة.. انت عطني ولايتك ومدينتك.. واشيكها لك

انا في كالفورنيا بس التخصص هل يكون في الكولج ؟ ومدينتي سان فرانسيسكو

اي نعم.. يوجد كليات كثيرة في معظم الولايات معتمدة من قبل الوزارة.. انت عطني ولايتك ومدينتك.. واشيكها لك

السلام عليكم
أذا كنتوا فقدتوا الامل فما الوم عزام الدخيل اللي يسوي فيكم كذا ، اذا ما كنتوا متاكدين انه لا يزال بمقدورنا نقلب الطاوله عليه ويتحول الموضوع بمصلحتنا فمكانك مو معنا . اذا ما تعرفون قوتكم الكامنه بداخلكم المستمدع من سعيكم لتحقيق احلامكم وطموحوتكم اللي تلامس السماء تغير مسار مستفبلكم كليا بما تعنى الكلمه فللآسف مسئله رجوعنا افواج الى الوطن مسئله وقت فقط ! ما عدا عيال البابا وانا اذكرهم ليس تنفص منهم هنا ، لكن لان الموجود هنا واللي يدرس ع حسابه من الطبقه اللي تحت الكادحه والللي دفع هو واهله دم قلوبهم عشان يشوفونه بالشهاده ولا يرضون بغير الشهاده .
سهل آننا ننعلق فشلنا على الاخرين الأ بعضنا صار يدور لشماعه يعلق فشله عليها ! كلنا نمر بنفس الظروف اذا ما اتحدنا للننتصر على أنفسنا أولا وقبل كل شي أنفسنا ثم ننتصر لها ثانيا ! ثم ننتصر لتحقيق أحلامنا ولو أنتزاعها أنتزاعا من الوزاره والوزير .

كلنا مجموعه نتأثر ببعض تاكد ان تثبيطك ورأيك السلبي في تحرك المجموعه هنا او على الهاشتاق بيضعفنا كثير أكثر من مواجهه عنجهية الوزير . فأرجوك أحتفظ برأيك والسلبي لنفسك وبالعكس شاركنا في الهاشتاق ولو انك مو مقتنع ( عندك حساب خاص وما تبى تزعج متابعينك او اهلك اللي يتابعونك فيه ؟ أنشئ حساي جديد وما اسهل منه وابداء غرد في الهاشتاق معنا ولو تحط نقطه بس والشي الثاني تقدر تحط حسابين و3 حسابات على جوالك عن طريق لوحه التحكم وأضافه حساب اخر وتسطتيع تتنقل بين الاثنين بحيث تكون شغاله وتشوف الحسابين بنفس الوقت ولكن على حدا) .
كيف تكون مشاركتك فعاله في تويتر؟
أولا تنشى الحساب المذكور فوق ثانيا تسوي أعاده تغريد + مفضله + رد على اي تغريده موجود فيها الهاشتاق اللي راح نطلقه او يمكن تكون اثنين . ثالثا اضف الهاشتاقين مع بعض في كل تغريده عشان نوصل لاكبر عدد ممكن من المتفاعلين معنا ونواصل ترند بهاشتاقين بنفس الوقت . بنتفق على حساب يقود الحمله ويكون لجميع طلاب الدول (ولازم تكون كلمه المرور قويه ويتم تغيؤها بشكل متكرر على الاقل بشكل يومي ويكون هناك حسابات احتياطيه بحيث ما يكون في شغلنا مكان للخطأ )بحيث يكون من مهامه انه يوجه تغريده للأعلامين والقنوات والصحف وحساب الملك والامراء والجهات الحكوميه كلها وحن نركز نسوي اعاده تغريد لتعريدته ونفضلها ونرد عليها برضو بحيث يكون عدد التفاعل كبير على التغريده بحيث ما احد يقدر يتجاهله .
الهاشتقات او التوجهات اللي نثيرها في تويتر :
من وجه نظري أولا ما نسجل في الخدمات العامه اللي اعلن عنها الوزير من باب الرفض( وكذا كذا اللي مره سلبي القرار صدر وتقدر تاخذه اليوم او بعد شهر او شهرين على الاقل الناس الللي ما يقدرون يصبرون من ناحيه ماديخ او خايفين ينتظرون معنا ونشد خيلنا في الحلمله لمده أسبوع او اسبوعين بشكل مكثف) و نطلق هاشتاق مثل #الدارسين_يرفضون_تلاعب_الوزاره_وأستلام_المكرمه بحيث ان يكون المستهدف من كلامنا الوزارة ويكون هناك خط رجعه للوزاره او على أسوء حال مجلس الوزارء والشوري والملك حتى بتعديل القرار بحيث انها راح توضح لهم الصوره ويبان لهم تلاعب الوزير بالمكرمه ومتاكد راح يكون القرار أقالته على طول على قرار غرار فاصفه الفجر اللي غصفت بالطبيشي ووزير الصحه المٌقال في دوله الحزم بقياده الملك سلمان الله يطول عمره ويشوفنا راجعين بشهادتنا وبالتاكيد راح يتم تعديل القرار والمكرمه اللي صدرت وتصير ضم الجميع بدون قيد او شرط ( وراح تكون مسئله وقت و نقول الوزير الدخيل المٌـقال صدقوني اللي اخذ الموضوع بشكل شخصي وعناد) والأهم يكون التغريد بهالشتاق هذا مع الهاشتاق الثاني
الهاشتاق الثاني يكون : #شكرا_للملك_وللمحمدين_سرعة_التفاعل_وننتظر_محاسبة_م ن_تلاعب_بالمكرمة وضروري يكون التغريد في الهاشتاقين مع بعض لأنهم أولا صدقا ما قصروا ويكفي دليلا انهم تفاعلوا معنا اول ما عرفوا بموضوعنا وكان الرد بأقل من 12 ساعه لكن الدخيل اللي قص المكرمه ، ثانيا وهو مهم أن اللي هكر حساب الحلمه قبل فتره وخلى الموضوع شخصي راح يشكك في نوايانا اننا حقين دراسه فعلا وراح يوجهه الناس اللي معه في التشكيك فينا وما ننسى اللي طلعوا في روتانا وناقشوا موضوعنا وكاناو 4 اشخاص شخصين منهم جحدونا وقالوا أنا طالعين نتدلع وأنا عيال نعمه يصرفون علينا اهلنا وبعدين الوازره تلحقنا !
وفيه شي مهم نختار وقت يناسب الطلاب اللي في الخارج واهم الشي الدارسين في امريكا لانهم الاكثر فتفعالهم راح يكون اكثر واقوى ( وراح نتابع احصائيات الهاشتاق ووين المشاركين الاكثر فيه في اي دوله وراح نختار أفضل وقت لهم )
وأخيرا أذا لزم الموضوع من متابعتي لحساب الدخيل فيه حسابات والاف المتضررين من قراراته فلوا ندعوهم لدعم حسابنا وحنا نتابع حساباتهم او حتى نتشارك مشاكلنا مع بعض فبيكون أفضل المتضررين : مثل خريجات قديمات عاطلات ، متضررين القرار رقم خمسه او شي زي كذا ، المطالبين بتثبيت قرار الكفايات على 50 على طول الخ الخ

مبدائيأ بنشوف أذا راح تدعمنا صفحه مبتعث في تويتر والفيسبوك ، او سعوديون في امريكا ، او اي حساب معنى بالمبتعثين عشان الناس اللي ماسكين هالحسابات والمسئولين عنها دكاتره وناس فاهمه الاعلام الرقمي الجديد واكيد يقدرون يفيدونا كثير فهالموضوع وأكاد اجزم انهم ما راح يوفرون جهد معنا او حتى يعيدون التفكير في مثل هالموضوع وخصوصا انهم اكثر ناس شايفين معاناتنا وحاسين بها وثانيا نحتاجهم لارسال رساله قويه للوزاره والملحقيه ان ما فيه مجال للتلاعب بمستقبلنا والمكرمه . او في حال عدم تفاعلهم راح نشوف أي حساي من حسابات المطالبه بالألحاق ونجتمع فيه وانا مستعد اني اسوي حساب جديد واكون مسئول عنه أذا شفتوا هالشي ( راح نشوف ردود مبتعث من هالمبادره وراح يكون لنا رد في هالموضوع ونعلن المعرف اللي راح يكون مسول عن الحلمه من هنا )

أحرصوا و خلوا عندكم ايمان وتفائل اننأ قادرين نحصل على الابتعاث ولا تقول ان الشباب فيهم خير وتعتمد عليهم لا انت المفروض تكون الأول بالعكس كلم اخوانك واخواتك وحبايبك اللي تمون عليهم ومتعاطفين مع موضوعنا يدعمونا حتى هم .

أخيرا بتكلم عن معاناتي الشخصيه وحلمي عشان اذا كان فيكم أحد متردد او يشوف انه ضحى بالكثير وما فيه احد خسر اكثر منه يشوف قصتي وعلى الأقل يحتفظ بأمله وحلمه ويوم لا قدر الله ما قدرنا نحصل على البعثه هذاك اليوم يرجع وهو رافع راسه بمعنلي الكلمه.
أنا من عائله و بيئه مدقعه الفقر عددنا كلنا 14 فرد أبوي الله يرحمه ما تزوج الأ وعمره 40 سنه فلما كبروا اخواني الكبار اضطروا يشتعلون عشان أبوي وقتها كان كبير بالعمر وعانى من أمراض كثيره لان العمل اللي كان يشتعل فيه طوب عمره كان متعب سواق باص وتكسي فعالشغل أخذ صحته من بدري لدرجه ان اكبر اخواني أضطر يشتعل من بعد المتوسط فبالتالي كلهم ما كملوا دراسه وانا آصغر واحد من العيال فدعموني وحطوا أملهم أني اكون شي لهم قبل اكون شي لنفسي ! طلعت من القريه ودرست بكالرويوس هندسه عام 2007 - 2008 تقريبا وعانيت اللي عانيت وكانت خبرتي لا شي وطحت ف مواقف لا احسد عليها لكن طلعت رجال وتعملت منها ، اللي جدا لا زلت حزين عليه انه ما كان عندي خلفيه اكاديميه وكيفيه التعامل مع الدراسه ف الجامعه فكنت اعتقد والله صدق اني لما اغيبب وما احد يسئل عني اني ذكي ؟ طبعا بدايه الاترام . كنت اعتقد اني لما انجح بأيي درجه لني ذكي واهم شي اخر سنه ! والله العظيم زي ما اقول لكم فكان اول ترم اقل من الـ 2 من 5 ؟ ولا علمت اخواني شديت حيلي وبديت اتعلم ومن رحم المعاناه تخرجت بالبكالوريوس 2012 بس بمعدل ما يسمح لي ابتعث كان تقريبا 3/5 هدفي اني اكون معيد ودكتور حتى ف تخصصي لاني حبيته وشفت كيف الدكاتره اللي مو من ابناء الوطن يشؤحون بلا مباله ويطلعون ناس يحفطون ما يفهمون أحتفظت بحلمي لنفسي لان كان لازم ارد دين وجميل أبوي علي واخواني رفضت اطلع وقتها مع انهم اصروا والحمد لله توظفت بشركه مقاولات عند اهلي وشريت السياره وصرفت على أهلي ووفرت مبلغ (لحلمي) والاهم اني كنت قريب من ابوي جدا في وقت حاجته لي اللين الله أخذ وداعته . هنا بديت أخلص اوراقي لانه بايماني ما فيه شي راح يوقفني غير مرض ابوي وحاجتهم لي بس قبل ما اطلع اخذت قرض من البنك بـ 159000 ريال وشريت جزء من مزرعه بحيث انها تكون لاخواني ولي ونكون مع بعض مستقبلا من باب رد الجميل ومن باب وهو الاهم اني ما احس اني تخليت عنهم بعد ما دعموني وكذا ولا افكر لما اطلع اني قصرت معهم او افكر ارجع عشانهم، والملبلغ اللي وفرته ما تجاوز الـ 55000 وطلعت بة.اللحين ما عاد منه الاتقريبا 300 دولار والمستحيل بذاته اني ارجع اطلب منهم والمستحيل نفسه اني أرجع بدون شهاده الا كان يرحلوني غصبا عني ؟(بسجل سعوده ، بشتغل هنا ، بشتغل شغل ع النت) .

عموما ترا شعور صعب وموجع لما تضطر تكتب عن ضعفك او لحظات ضعفك لآحد وتضطر أنك تستدر تعاطف احد لكن أمتنى انها تكون سبب في دعم وتقديم اسباب التفاول للجميع للمشاركه الجاده في تويتر ... وفي المقابل ما أنتظر نظره شفقه أو رحمه أو حتى أعجاب أو مديح وما أسمح لأحد ينظر بهالنظره أبدا وأعتذر عن الاطاله.