المشاركة الأصلية كتبت بواسطة محمد بن عمر
السلام عليكم ورحمة الله وبركاته ..
أنا متابع بصمت لهذا الموضوع من فترة طويلة .. وعندي تعليقات أشوف انها مهمة رداً على كلام الكثييير من الأعضاء هداهم الله .. أعرف انها بتزعل الاغلب لكن هذي الحقيقة وهذا الواقع ولازم ما نخلي العاطفة تحكمنا ..
أول نقطة .. اللي بيدعي ع الوزير ويتكلم عن الوزير وكأن الوزير حاقد علينا وحاطنا في باله .. أحب اقولك إن عهد الملك سلمان الله يحفظه هو عهد الحزم .. وفي هذ العهد ما يمشي المتساهل والمتهاون .. القانون هو الوحيد اللي يمشي .. والقانون يقول إن الالتحاق بالبعثة يتم بعد انهاء ٣٠ ساعة اكاديمية وهذا اللي بيسويه الوزير .. مجرد إنه بيطبق النظام الموجود من زمان .. وأكيد إن الملك مؤيد لهذا الشي لأن قرار الملك أمس كان في سياق هذا النظام وعدم التهاون في ضم طلاب اللغة .. الوزير ماهو ضد أحد .. بس ما يبغى يكون عرضة للمساءلة بتهاونه وتعديه على النظام الموجود من قبل تعيينه ..
ثاني نقطة .. اللي يقول إن الوزارة وعدتنا بالانضمام بعد ٤ أشهر .. أي طالب فتح ملف دراسة على الحساب الخاص وافق على الشروط الموجودة في الموقع واحد الشروط كان ( يجب على الطلاب الراغبين بالدراسة على حسابهم الخاص في الخارج الإطلاع على موقع الوزارة (أيقونة الموافقة على الدراسة على الحساب الخاص) قبل السفر للخارج ، وقراءة جميع التعليمات الخاصة بإجراءات الدراسة على الحساب الخاص ومعرفة الشروط اللازمة وإكمالها عند تقديم الطلب. ) وهذا الشرط نصيا يلزمك بعدم المطالبة بالحاقك قبل اتمامك لشروط الالتحاق ونظام الثلاثين ساعة .. فانت وافقت على هذا الشرط قبل ما تقدم على طلبك .. الوزارة اعطت وعود شفهية وفي القانون ان الوعود الشفهية غير ملزمة .. فتاكد من كل الشروط قبل ما تقدم على اي شي ثاني بعد كذا ولا ترمي اللوم على غيرك ..
النقطة الثالثة .. للي يقول الوزارة والوزير حطموا طموحاتنا وآمالنا .. اللي عنده طموح ما يوقفه شي .. لو بالفعل كان عندك طموح ليش ما قدمت على جامعة سعودية .. الحكومة موفرة جامعات كثيرة في السعودية ومجانية وفي كل التخصصات .. اغلبكم ما جاه قبول في الجامعات السعودية بسبب تدني مستواه في الثانوية .. يعني ما شاء الله ما جاك الطموح الا بعد التخرج من الثانوية ومواجهة الحياة واكتشافك إن الحياة صعبة .. لو كنت صاحب طموح كان اشتغلت على نفسك من البداية وشديت حيلك وجبت معدل يدخلك أي جامعة تتمناها .. من غير المعقول إن الحكومة تصرف عليك الاف الدولارات شهريا وانت معدلك حتى ما دخلك جامعة سعودية وفي المقابل الطلاب المتميزين اللي بيدرسو في الجامعات السعودية مستواهم اعلى منك والدولة تستفيد منهم بعد تخرجهم اكثر منك .. أكرر .. الكلام ما يشمل جميع الطلاب لكن الاغلب للاسف هذا وضعهم ..
النقطة الرابعة .. شفت واحد منكم يشتكي إن الدراسة غالية والحياة غالية هنا في امريكا وهو اختار معهده في سان فرانسيسكو ..!!! هذا أكبر دليل على الطموح ما شاء الله .. أجل جاي تدرس في سان فرانسيسكو يابو طموح .. لو بالفعل كان هدفك الدراسة والطموح من البداية كان اخترت المدينة والولاية اللي تساعدك على الوصول لهدفك مو تدور ع الفلة والوناسة !
أخيرا .. لأصحاب الطموحات الحقيقية .. الدراسة ما وقفت على امريكا .. الجامعات السعودية ما زالت تقبل سواء انتظام او انتساب وبمبالغ لا تعتبر شيء ..
أعتذر للي ما عجبه كلامي وبانتظار تعليقاتكم وآراءكم .. والله يوفقنا جميعا ويحقق طموحاتنا وطموحات اهلنا فينا ..
الأخ محمد مع اطيب التحايا قرأت كلامك وراح ارد واتمنى ماتفهمنا غلط ولااقصد التقليل من كلامك او اي اشي بالعكس هاذي وجهة نظرك وانا احترمها
اولا اختكم في الله مبتعثه لصالة بيتهم والحمد لله واللهم لااعتراض والسبب تخبط الوزاره وتأخرهم الغير مبرر في الحصول على موافقه للدراسه على الحساب الخاص مو إلحاق
طيب ليش فكرت ادرس برا السعوديه وقبل مااوضح السبب وابرر لك ليه انا وغيري زعلانين لابد ان تفهموا اننا لسنا ضد حكومتنا بالعكس ندعوا لهم ولا احنا ندعوا للخروج عن قانون واحداث فوضى بالعكس وكلنا لمسنا الحزم في عهد خادم الحرمين الشرفين وفرحنا للي نشوفه من تغييرات وقرارات وعقوبات ماتعرف هذا ولد فلان وهذا لا وربي يوفقه ويطول بعمره لكن اذا كنت انا طالبه ممتازه طول سنوات الدراسه شاده حيلي ومعدلي عالي ولله الحمد وسقف الطموح مرتفع ليه ماافكر في برا ودراسه أمريكا وتجاربهم وطريقتهم في التعليم هل تقارن بجامعاتنا اذا كان اعضاء هيئة التدريس هم اللي شجعونا وقالوالنا لاتفكرون ولا في اي جامعه عربيه ولما طلبنا توصيات منهم والله انهم ساعدونا وابدوا استعدادهم لمساعدتنا للوصول للجامعات العالميه وكتبوا لنا في التوصيه كل مايضمن حصولنا على قبول
طيب واذا فكرت ادرس ماستر هنا الجامعات الحكوميه نظامها اختبار ٢٠٠طالبه يطلعون منه ب١٤مرشحه للمقابله ويطلعون منها ب٧يستحقون ماستر بالله هذا عدل كم عدد الخريجات في المملكه كم عدد المعلمات اللي احين صار لهم الأوليه في قبول الماستر ويالله اجري السنه الجايه وإختبارات ومادري ايش وفي الأخير عدد المقاعد محدود وازيدك من الشعر بيت مواد الماستر نفس المواد اللي درستها في البكالوريوس وعيدي يااسطوانه
طيب الأهليه والله لاشهادتها تسوى ومصاريف ع الفاضي
يعني صار قبول جامعه أمريكيه مشروط سهل والجامعه اللي عطتني قبول من الجامعات الممميزه في امريكا والموجوده في موقع الوزاره بأنها مميزه
نجي للوظيفه بتقولون انتي تربويه ومفروض معلمه والله جداره عازميني على قرى الجنوب وانا من الشرقيه ولا بعد الراتب بيروح اجار الشقه والسواق والطياره من الشرق للجنوب وفوق كذا انا رياض اطفال ومعروف ايش كثر نحتاج لوسائل وخامات ومادري ايش بالله وش بيكفي الراتب يعني غربه وبعد عن الأهل نفس الدراسه برا وين الأفضل لي طبعا بعثه لكن الأهم انا عندي طموح وعندي حلم اني اكون في مكان اعلى
طيب قدمي على الإعاده وهذا اللي صار وقاعد يصير وربي ييسرها لي بس من تجربتي في التقديم على اغلب الجامعات في جامعات ترفضنا لأن في طالبات خريجات امريكا ولا بريطانيا برايك ليه قبلوهم واحنا لا وبالله لو صار هذا لك ماراح تصر على الإبتعاث ؟؟ وفوق كذا إختبارات قدرات وكفايات والله مايجي منها الافقرتين من ٤سنوات دراسه طيب الوزاره في المرحله التاسعه والعاشره في برنامج الملك عبد الله الله يرحمه رفضت تخصصنا ولما اعتراضنا كان ردهم صريح لايوجد مخرج إلا انكم تدرسون على حسابكم وبعد ٤شهور ترفعون طلب انضمام
طيب ليه احنا زعلانين من الوزاره
الوزاره وعدت وان كان لفظي فلما اقول وزاره التعليم تعد لازم تثق لمكانه الوزاره وكون هذا الشي ماشي لسنوات طويله اقصد الإنضمام للبعثه بعد ٤شهور
ولا لما سألناهم في الملتقى عن تغيير السياسه قالوا مافي شي تغير ليه مااثق وهي وزراه
ليه مافي كلام واضح من الأول ع الأقل قالوا ياطلاب احنا اسفين مافي الحاق اللي يقدر يكمل واللي مايقدر يرجع يفترض هذا الكلام يقال مبكرا مو لما الناس تدرس وتخسر ولا تصريحات تحيير والتخلي الناس تحتار اكثر ترى في ناس خسرت وظيفتها وباعت سياراتها وناس خاطبه ووراها زواج ومسؤوليه وناس وناس .........
اخوي صدقني ترى اللي زعلان ومعصب هو اللي عنده طموح حقيقي مو جاي يلعب ناس قاعده تحرق نفسها وعايشه بقلق وتوتر عشان سياحه ووناسه وفله
آسفه اني طولت بالكلام اذا غلطت عليك او اي شي فأنا آسفه لكن انا هذا رأئي
ومتأكده ان الله راح يجيب دعواتنا وبتحقق وبإذنه بتتحقق امنايتنا وربي معانا مادمنا لانزال ندعوا ونلح وربي يوفق الجميع وييسر لكم الخير ويحقق طموحكم
واعيد لست ضد حكومه او سياسه بالعكس احنا في نعمه ونحمد الله عليها لكن وضحت لك ليه احنا زعلانين
LinkBack URL
About LinkBacks
قوانين وأنظمة الوزارة نفسها ما تغيرت .. تساهيل الوزير السابق هي السبب في اقالته .. الظام السابق كان مليان واسطات وتاخيرات للناس المستحقة فعلا .. الوزير السابق كان ظالم للي منطبقة عليه الشروط للتاخير اللي سببه تهاونه وتساهله مع الجميع .. النظام الجديد يعطي الحق لاصحابه ..
بالعكس انا ما استصغر احد .. انا اقول ان اللي ما تعب من البداية في الثانوي اكيد بيتعب بعد الثانوي اكثر لما يدخل الحياة الحقيقية .. فإذا كان الشخص ما سوا اللي عليه من البداية المفروض انه ما يلوم الناس اللي ما رضيوا يتساهلوا معه .. النظام نظام ..