| . . مـتـابـعة طـلـبات الإلحاق لدى الوزارة . . | (3)

اعتقد انه روحت والدك الله يحفظه كانت صدفة
بالنسبة للالتحاق لانوا انا اهلي حوالي ٨ مرات راحوا للوزارة ولا صار شي وكل مايقولون اسبوع اسبوعين يوم يومين وللحين شوفني 😁 الله يعيني ما يجننوني هذول وزارة التعليم التعبان

خمس شهور بالتمام والكمال في الوزارة

اعتقد انه انتظاري ٣ شهور بدون اي حركة و دخلت ابويي الوزارة في يوم وتحريك طلبي بعد طلعته ب ١٠ دقايق مافيها اي فرصة للصدفة ياخوي، في موظفين في الوزارة مهمتهم يصرفون الي يجو، وانا حذرت ابوي منهم وقلت له لا تطلع من هناك الا لما تكلم واحد من المسؤولين، وهذا الي صار.

حلو حلو ممكن تعطيني اسم الموظف اللي راح له االوالد ؟ لانوا انا اهلي دخلوا حتى على (السحيباني&#128567

محد تحرك ملفه ياخي موظفين الوزارة يبغالهم تغيير وش ذا المفروض الشخص لا رفع اوراقه اسبوع اسبوعين بالكثير شهر يردون عليه الدولة عندها خير الحمدلله او انهم يحطون كم يقدرون يقبلون واحد ووقت الملتقى اذا اكتمل العدد يوقفون لا يوهقون الناس معهم في ناس بتدفع فلوس عشان عندها طموح وهدف مو عشان لعب ومسخره
دام شافو والله عدد الطلاب في تزايد في امريكا ياخي سو لك فروع للملحقية في اغلب الولايات
لا وزارة تشتغل زين ولا ملحقية تشتغل زين حتى الشباب الي مبتعثين تواجههم مشاكل بالصرف وامور ثانية بسبب فشل الموظفين والادارة الي بالملحقية ياخي شفت موظف متكاسل في عمله او ما يؤدي عمله صح رجعه السعودية عاقبه اي شي المشكلة نص الي شغالين في الملحقية عيال عم وواسطات وانا اعرف فلان وذاك يعرف علان يعني حتستمر المعاناة
ما اقول الا حسبي الله ونعم الوكيل
الوزارة يبيلها كلين

حسبي الله ونعم الوكيل
الله لايحلل ولايبيح اي شخص علّق معاملتي بدون حق وهو خصيمي يوم الدين
المشكلة مايدري الواحد من يكلم
اعوذ بالله طرارة
حسبي الله ونعم الوكيل

المصيبه . ان اعذارهم كلها واهيه . وان المعاملات ليس لها مسار محدد ف كل معامله تشوف لها اليه مختلفه . اشخاص بشهر واشخاص ب 7 اشهر واشخاص ب 3 اشهر . والله انهم شي عجب عجاب . واذا ارسلت ايميل لايوجد عندهم الارد واحد
الطلب تحت الاجراء .
حسبنا الله ونعم الوكيل

saket8911
من خلال متابعتي للموضوع لقيت انك نفسي بالضبط
معدلك نفس معدلي والتعهد اللي جاك جاني
والقهر اللي فينا واحد بعد
وش صار عليك

معاملتي دخلت الجوده بتاريخ 5/11/2014 والان انتظر . وطلبت من الملحقيه تعقيب وماقصرو معي . طبعاً انا في استراليا . والغريب ان ولد خالي جينا انا وياه بنفس الرحله ونفس المعهد ونفس كل الاجراءات ولكن الله رزقه البعثه وانا لسى .
ننتظر طويل العمر الامير سلمان عندنا . ان شاء الله يصدر لنا قرارات تثلج الصدر .
والله يكتب لنا ولكم كل خير يارب

ماشاالله عليك الله يوفقك
ملحقية امريكا سيئة جدا..تخيل لي اسبوع اكلمهم واراسلهم ابي تعقيب ويرفضون
يقولون تابع عن طريق الموقع
طيب اكيد بتابع بس ابي تعقيب
ياشيخ الله لايوفقهم ذا الدبش قسما بالله قمة القهر تشوفهم يسكتون الواحد كنه بزر

والله يا اخوي في الوقت الحالي اللي مايطلع من السعوديه مبتعث . اشوف انها خطوه خطيره وتأثر على النفسيه حتى الواحد تطيب نفسه من الدراسه . او انه يحط بجيبه 150000 ويطلع علشان يكون مرتاح نفسياً