| . . مـتـابـعة طـلـبات الإلحاق لدى الوزارة . . | (3)

الوزارة تعبانة جداً

أكن الطلبات حظوظ والانضمام حظ بس
ياخي لو هم صادقين في شغلهم
ترا المسالة كلها شيك الملف وضغطت زر انتهى الموضوع

من ضمن ماتقوم به الوزاره ان تبحث اين كنت قبل الدراسه في الخارج من تاريخ تخرجك من الثنوي أو الجامعه إلى ما دخلت بلد الابتعاث وتتم مراسلت الادله الجنائيه عن وجود أي سوابق لصاحب الطلاب هذا ما أعرفه عن بعض تخصص الوزاره ف لا تحكم على مالا تعرف أخي الغالي

والله انا من زمان مادخلت المنتدى وكل ماادخل يجيني احباط الله يستر صحيح ليه يوافقون عالدراسه وبعدها يطلعون الف عله وسبب للرفض
بسئلكم اخواني كم الدرجه المقبول للتقارير؟؟

ليه يعني كل اللي حضرو الملتقى يشاركون بالموضوع ذا ؟

وحقين الواسطات ما يبحثون عنهم ؟

مشكلة يارجل

يا رجل وش أقوى من إستخبارات الأمريكية لو قصدك سوابق أمنية ، أصلا لو صاحب سوابق وشبهه صعب تطلع لك الفيزا ,, ثانيا الوزارة لو تشجع الشباب على الدراسة كانت ما رفضت معاملات الشباب عشان الثانوية قديمة أو الجواز تاريخه بينتهي أو مستوى الطالب الدراسي متدني ,,, الطالب دام معه قبول أكاديمي المفروض تمشي معاملته ويبتعث وإذا على جوازه بيجدد لأن هالشئ مصلحة الطالب لأنه يبي يسافر فيه . وبالنسبة لمستوى الطالب المتدني المفروض يمشونه حيتحسن ويعطونه مهله حتى لو رسب عادي يشجعونه برسائل تحفيزية ويشجعونه لو تحسن أداءه مثلا له مكافأة .. نعم يا ليتهم يطبقون مكافأت للمتميزين يوزعون مكأفأت في كل مستوى عشان الكل يتحمس وكل من جاب تقدير ممتاز يستحق من الدولة مكافأة مثلا والجيدجدا لهم مكافأة أقل مثلا .. وفي موضوع مره مهم يخص الطالبات .. بعض الطالبات تبي تكمل بس مرات لا يوجد لديها محرم وبعضهن رفضوا طلبها وبهدلوها عشان هالموضوع !! طيب أبوها وأهلها موافقين تدرس بدون محرم وأبوها يزورها وقت ما يحصل إجازه لأنه مرتبط بعياله الباقين ووظيفته .. طيب يا عالم المرأة هنا مره في أمان وتقدر تدبر نفسها وأنا شاهدت بنات كيف مدبرات نفسهم معانا بالمعهد وتروح بيتها ومحرمها ولا درا عنها لا والحقيقة وإلي يعرفها كل المبتعثين بعض المرافقين بعيد عن الطالبة لأسباب دراسية في جامعة أخرى أو وقت محاضراتها يختلف مع وقته أو هي في كلية تمريض وهو هندسة مثلا كيف بيشوفها اليوم كله وبيراقب لو موضوع المحرم المقضود منه كدا ؟؟ .. النهاية كل واحد يراقب نفسه ويراقب ربه .. أتمنى يعطون الملحقية صلاحيات أكثر هنا في أمريكا للاسف لو بغيت تكلمهم تلفون وتحكي لهم مشاكلك المعنوية والمادية ما تقدر . لابد يكون عندهم تلفونات مجانية ولمدة 24 ساعه وخدمات عبر النت ومكالمات مرئية بعد وحلول جميلة أفضل من كدا يحلون مشاكل الدارسين على حسابهم ومشاكل المبتعثين ليه كل شئ بيد وزارة التعليم ماسكه الحاق ومعاملات دول الابتعاث العالم كلها .. المفروض دورهم يكون استشاري ورقابي أكثر من أنه تنفيدي .. دائما يوم تكون في قلب الحدث تقدر تعرف الحلول . موضوع دمج التعليم مع التعليم العالي راح يتسبب في خفض ميزانية التعليم العالي , وكذلك وزير التعليم يوم تكون مهمته مفتوحه على أكثر من مشكله هذا راح يقلل من التركيز في مشاكل الطلاب الخارجين وطلاب التعليم العالي .. تخيل معي وزارة مسؤولة من كل طالب عمره 6 سنوات إلى طالب عمره تعدا 30 سنه يعني كم بيكون العدد ؟؟ المهم إن شاء الله نشوف حلول متطوره جديده وإن شاء الله عاجلا نفتك من الهم إلي نعيشه

ي جماعه ترا سالفة الواسطات ذي منتهين منها ، اجل واحد رافع طلب بعدي واللحين واصل للخطوه الثالثه وانا بالاولى ، وش معناتها هاذي

مرحبا أنا مروان تلودي ههههه صباح الخير الواسطة ذي من مبطي متسلله إلى وزاراتنا أنت خلك مع ربك فوق كل واسطة وبيخرجنا من هالوضع بس بينك وبين نفسك قول يا ربي كون بعوني وأصلح أمري وأرزقني البعثة إن شاء الله يستجاب لك .. وبرضوا خل أحد يقابل لك الدكتور السحيماني ويشوف إيش موضوعك يداوم الساعه 11 صباحا

السلام عليكم بالنسبه للواسطات موضوع خالصين منه عندنا واحد من الشباب من اول ما طب المعهد صار مبتعث كيف لا تسال حتى هو يضحك لمن نساله وما يبي يجاوب

انا ماتكلم عن حقين الواسطه انا أتكلم عنا حنا

ومثل ما قال الشاعر

الواسطه عمت شعوب الجزيره
فيها الردي حصل لنفسه شهادات