| . . مـتـابـعة طـلـبات الإلحاق لدى الوزارة . . | (3)

السلام اخووي .. اول شي الله يعينك وان شاء الله هالمرة تنقبل .. انا نفس حالتك لاكني متخرج الدبلوم شهادتي 2013 والثانوي 2009/2010 وتو قبل كم يوم قدمت ع البعثة .. هل بعد يقولون لي رفض لان الثانوي قديمة؟

ان شاءالله تمشي

بكرة دوام الوزارة ... ونتظر ....

لا اله إلا انت سبحانك اني كنت من الظالمين

والله يا الربع ع ماني شايف انه مافيه نمط او نظام معيّن مُتّبع وكلن يجيه رد يختلف عن الثاني وكلن خطوات معاملته مختلفة عن الثاني. شوري لكم هو لحد يظن اذا فلان انرفض انا انرفض او فلان انضم انا انضم. الله يوفقنا جميع

اليوم تم الطلب شهرين في الوزاره

السلام عليكم، ودي اقول شي وسبق كتبت الرد حقي دا كم مره وبعدين بطلت احطو، بس المره دي ححطو.
يا اخوان، كثر الهرج بالموضوع يذبح، بتطلع لكم حاجات من تحت الارض، بتححلوا حاجات منطقيه وغير منطقيه. اعرف شعوركم مزبوط، حرفيا اعرفه لاني عانيته لمدة سنه وشوي. بس ربي فرجها الحمدلله والتحقت.
عندكم خيارين: بيدك شي؟ سويه. مابيدك شي، ريح نفسك وخاطرك شوي. القلق دا كله اللي بيصير ماحيغير شي سواء الحاق او رفض. بيدك شي تساويه لنفسك ونفسك حتشكرك عليه، انك تبعد عن المنتدي شوي وتنسي الموضوع وتريح خاطرك وتروح تشوف الدنيا حولك. جلستك علي الجهاز ماحتساويلك ولا شي الا اكتئاب وقلق وحرمان مابعده. ادري وضعكم سيء و والله يقهر قهر مابعده، حاس فيكم وربي، بس ارحموا نفسكم شويه. ياخي مو شرط كل رد يجي ع الموضوع تقراه مو شرط كل شي يجي علي تويتر تسمع له. في ناس حقيره ما ادري ايش موضوعها تحب تحبط في الثانين ومالها اي مصلحه في الموضوع غير انها تحبطكم. لا تخلوا حياتكم جحيم. حط لنفسك حد، ‏القلق الزائد عن الحد هو مشكلة أكبر من الأمر اللي يقلقك.
خلاصة ردي: بيدك شي، سويه. مابيدك، اتوكل علي الله وماخاب مين اتوكل وقوم شوف الدنيا حولك وانبسط شويه بدون هموم.
بامان الله والله يفرجها عليكم.

فعلا في قلق وزي ماقلت في ناس ماتدري ليش يكذبون ويالفون قصص محبطة وكانما بيحصل ثواب على فعلته هذي

بس متابعة الموضوع تعطيك صورة عن الحاصل
بعدين في ناس يجيها رفض ايش بيسوي
اذا كان لحاله وماهو عارف شيسوي
اذا جاهنا يمكن يعرف له حل او يساعدونه الي هنا ويشوف تجارب ناس وممكن يلقى واحد نفس موضوعه بالضبط

القلق الاصعب هو انك تجلس لحالك ونت ماتدري شنهو الوضع ..صدقني تتعب اكثر
غير كذا ممكن تسمع اخبار تطمن هنا او في النت بشكل عام

اخي هل انت متأكد ان يوجد قسم في حي الغدير للنساء يمكن مراجعتهم نفس مبنى الوزارة

من بحث في قوقل، يبدو لي أن يوجد قسم نسائي نعم .. خلف المبنى ..


والله اعلم

هل يوجد أي أحد من الأخوة المراجعين للوزارة اليوم؟
متى يبدأ دوام الوزارة؟ الساعة ٨؟

مانوصيكم .. الضغط والاستمرارية هم من حلول هذه الأزمة، لا يطالكم اليأس .. الوزارة يجب أن تعلم أن لديها مسؤولية عشرات بل مئات الطلبات. وهي مقصرة تجاه أبناءها..
صمتهم لا يخفي المشكلة أو يحلها، نحتاج تصريح ولو سلبي - لاسمح الله - من أحد هؤلاء المسؤولين الكُسالى.


أعاننا الله جميعاً.