| . . مـتـابـعة طـلـبات الإلحاق لدى الوزارة . . | (3)

ياجماعة الخير ، الي يقول حق من حقوقنا ومدري ايش ترا الوضع من سنين مكرمة وتغاضي عن الشروط لانها في صالحنا والملك عبدالله رحمة الله عليه هو وخالد التويجري الي سهلو على الشعب الابتعاث والكل استفاد وهذا فضل ركز عليها يالي تقول حقوق هذا فضل ومكرمة طبعا مع وفاة الملك و اقالة التويجري قرصني قلبي من حكاية الغاء الابتعاث وفعلاً هاهو يتجه كما كان لعيال الوزراء واصحاب السمو وهذا الكلام هذا لا يقدم ولا يأخر .
وبما انا نعيش في دولة تحكم بالشريعه الاسلامية فيه شيء في الدين اسمه "العرف " والي تعارفنا عليه 4 شهور وانا يوم نويت الابتعاث ماكنت مصدق لان موقع الوزاره يختلف فذهبت اليهم واكدو لي اربع شهور ثم اتت الطامه الكبرى فتعين المدعو عزام الدخيل فشاف طلبات الالحاق ورائ ان لا احد منطبقه عليه شورط الوزاره الحكايه كلها تكمن في عزام الدخيل هل يتغاضى ويمشي النظام القديم او يستقعد والعلم بناخذه في ملتقى الخبر

انا لا ما ابي استفز احد ولا اقصد شئ وانا قبل لا اجي هنا قابلت قسم الالحاق والترقية وقالوا لي 4 شهور وتنضم واذكر بعد قابلت مديرهم وقالي بطريقة غير مباشرة اني بنضم بعد اربع شهور قالي ان شاء الله .. يعني لو واحد قال لك بعطيك 2000 هدية بعد شهر وجا الوقت وقال لك اعتذر لك عندي ظروف اصبر انا بعطيك قريب بتقول لا انت وعدتني عطني حقي وتصيح وتفلم فيه ؟ خلاصة الكلام انا ضد الي يقول لا تذلون نفسكم وتقولون انها مكرمة وهدية من الملك .. اساسا الوزارة قالوا لنا ببنضم وهذا وعدهم فقط وعد وخلونا نفرق بين الوعد وبين النظام الموجود بالوزارة الغير مطبق علينا وخلونا نطالبهم بأدب ولا نسئ لأحد ونطالب بعدم تطبيق النظام علينا لأنهم وعدونا بالتقاضي عن النظام الموجود المكتوب بشرط الالحاق .. أدري إني اقترضت على أساس هذا الوعد وغيري باع سيارته وتدين وأنا مثلكم بالضبط بس أنا ضد إلي يقول تراهم أذلوكم في النهاية حنا أخترتنا الطريق وأننا نجي على وعدهم .. أدري الاعصاب مشدود والوضع المالي صعب على الكل بس ما نتخلى عن الأدب ولا ننسى الجميل

منتاااز والوزير لازم يكون (شمسن شارتزة ) ولا بيلحق وزير الصحة
وفي الاخير انشالله بتجينا مكرمة ملكية من والدنا الغالي سلمان الله يحفظه ويجيبه بالسلامة
ماتدري انا قد مانتظر الالحاق و المكرمة
هم انتظر اقابل الملك شخصيا وابي اصور معه سيلفي واقهر عزام الي ماهو شمسن شارتزة