| . . مـتـابـعة طـلـبات الإلحاق لدى الوزارة . . | (3)

اصبر يجيك رد الملحقية
واذا ماجاك شي شيك مرة ثانية يمكن عندك شي بسيط ناقص او غير واضح
وارفع الطلب وامورك ماشية انشالله
وفي الاصل هم يستهبلون بس كذا يكون كلشي كامل ويطلع سبب من راسه بس حتى مايكون خانة رفض الطلب فاضية

والله مدري عنه بالضبط بس شفته يقول قالوا له كمل 30 ساعه ويقول انه في امريكا . من جد والله انك بطل فيد واستفيد . انا الي يقهرني زي قبل 3 ايام واحد مسوي زحمة . قال اعرف واحد واصل ولاني قايل اسمه يقول . ويقول انه قال له ان الطلبة بينضمون في خلال 24 ساعه كلهم . ما خشت راسي ومرت 24 ساعه وسألته انا وواحد ثاني ورد علينا يقول .. مستحيل يضمون الكل في 24 ساعه بس بيضموكم خلال 24 ساعه . هنا انلحس مخي وقلت مخدرات ههههه الله يهدي بعض المهايطية من كيسهم وبعضهم فعلا يعرف احد بس نقل له السالفة غلط.

شباب انا رفعت طلب على النظام القديم تمام وجلس قرابة 3 شهور وتم رفضه بسبب لا يوجد قبول جامعي مع انه كان معي بعد رفع الاوراق بفتره بس ما قدرت ارفقه لاني ارسلت الطلب والان القبول المشروط الي جبته معترف وغير متكدس ولكن الان تكدس ويبغالي ارفتح طلب جديد وارفق قبول جامعه وماعندي الا القبول الي تكدس السؤال ارفق القبول المتكدس واكتب في الملاحظات ان التكدس بعد الحصول على القبول والتاريخ مسجل في ورقة القبول يمكن يقبلونه ولا ابحث عن قبول جديد وبياخذ مني وقت لاني اخاف يروح ويتعلق ما ادري عن النظام الجديد وانتظر ويجيني رفض بسبب تكدس التخصص بس هو معترف ومعتمد الله يوفقكم ويفرج همكم ساعدوني علما اني في بلد الدراسه حاليا الله يوفقكم للي جرب الله ييسر لكم..؟

عفوا تسير . كيف اخذتي الموافقة الدراسة على الحساب الخاص دام ما كان معك قبول جامعي ؟

واحد من خوياني قالي انو لو جات للمكرمة راح يكون في ضغط على الوزارة فما راح نستلم الضمان المالي غير بعد شهرين بالقليل هل هدا الكلام صحيح ؟

بعدين السؤال هل الي مقدم طلب دراسة على الحساب الخاص يشوفون المعهد والتخصص متكدسون ؟

الله وأعلم ما سمعت . بس عددنا تقريبا 15 ألف واحد لو شكلوا لجنة متكونة من 30 واحد .. كل واحد يستلم 500 معاملة بإمكانهم يمشون كلها في إسبوعين بس أنت تعرف ربعنا الله يهديهم الواحد فيهم يجي يداوم بس سوالف وشاي وفطور وغداء وجوالات وسعة صدر كنه في استراحة مع اخوياه

يااخوان انا ضايع ماادري وش ارفع موجوده عندي التقارير الدراسية لكن من وين ارفعها على سفير
وسؤال وش بعد غير التقارير الدراسية وش ارفع ؟
والله لايهينكم

أول شئ تدخل على بيانات الدراسية وتعدل التخصص وتكتب تخصصك الجامعي وفي خانة اخرى تعدل في خانة المرحلة الدراسية الحالية تكتب لغة . ثم البيانات الشخصية تعدل رقمك وسكنك وباقي المعلومات تتأكد منها مثل الجواز والمؤهل الدراسي الثانوية . بعد كدا في ايقونة طلب الحاق اضغط عليها بتفتح معك صفحة بعد الشروط تروح اسفل وترفق في كل خانة الشئ المطلوب .. وضروري ترفق شئ اسمه تعهد الجامعه بعد ما توقعه وتكتب اسم جامعتك واسمك وجوالك الامريكي او السعودي الي موجود مو ضروري تكتب رقم امريكي . وترفقه مع الكشف الطبي في المرفقات الاخرى وارفق اي شئ ثاني تبي ترفقه في المرفقات الاخرى وبالتوفيق وتابع طلبك من الرئيسية .

الله يعطيك العافية على هالشرح الوافي والله يرزقك بخبر الالتحاق انت وكل الموجودين هنا
انا الان توي اكتشفت ان قبول الجامعي منتهي له كم اسبوع الله يعين لازم انتظر الى الاثنين واجيب قبول جديد
الله يعين بس