| . . مـتـابـعة طـلـبات الإلحاق لدى الوزارة . . | (3)

والله يا إخوان من وجهة نظري الشخصية اشوف ان الكل قام يفسر من عنده ويحلل وخذ من هالكلام وهالإشاعات

الى الان مافي اي شي واضح ومن غير المعقول اننا نحكم على شئ مبهم..

ننتظر هاليومين وبعدها راح يبين كل شي وفي الأخير أحب اقول

تفائلو بالخير تجدوه..

الأخ محمد مع اطيب التحايا قرأت كلامك وراح ارد واتمنى ماتفهمنا غلط ولااقصد التقليل من كلامك او اي اشي بالعكس هاذي وجهة نظرك وانا احترمها
اولا اختكم في الله مبتعثه لصالة بيتهم والحمد لله واللهم لااعتراض والسبب تخبط الوزاره وتأخرهم الغير مبرر في الحصول على موافقه للدراسه على الحساب الخاص مو إلحاق
طيب ليش فكرت ادرس برا السعوديه وقبل مااوضح السبب وابرر لك ليه انا وغيري زعلانين لابد ان تفهموا اننا لسنا ضد حكومتنا بالعكس ندعوا لهم ولا احنا ندعوا للخروج عن قانون واحداث فوضى بالعكس وكلنا لمسنا الحزم في عهد خادم الحرمين الشرفين وفرحنا للي نشوفه من تغييرات وقرارات وعقوبات ماتعرف هذا ولد فلان وهذا لا وربي يوفقه ويطول بعمره لكن اذا كنت انا طالبه ممتازه طول سنوات الدراسه شاده حيلي ومعدلي عالي ولله الحمد وسقف الطموح مرتفع ليه ماافكر في برا ودراسه أمريكا وتجاربهم وطريقتهم في التعليم هل تقارن بجامعاتنا اذا كان اعضاء هيئة التدريس هم اللي شجعونا وقالوالنا لاتفكرون ولا في اي جامعه عربيه ولما طلبنا توصيات منهم والله انهم ساعدونا وابدوا استعدادهم لمساعدتنا للوصول للجامعات العالميه وكتبوا لنا في التوصيه كل مايضمن حصولنا على قبول
طيب واذا فكرت ادرس ماستر هنا الجامعات الحكوميه نظامها اختبار ٢٠٠طالبه يطلعون منه ب١٤مرشحه للمقابله ويطلعون منها ب٧يستحقون ماستر بالله هذا عدل كم عدد الخريجات في المملكه كم عدد المعلمات اللي احين صار لهم الأوليه في قبول الماستر ويالله اجري السنه الجايه وإختبارات ومادري ايش وفي الأخير عدد المقاعد محدود وازيدك من الشعر بيت مواد الماستر نفس المواد اللي درستها في البكالوريوس وعيدي يااسطوانه
طيب الأهليه والله لاشهادتها تسوى ومصاريف ع الفاضي
يعني صار قبول جامعه أمريكيه مشروط سهل والجامعه اللي عطتني قبول من الجامعات الممميزه في امريكا والموجوده في موقع الوزاره بأنها مميزه
نجي للوظيفه بتقولون انتي تربويه ومفروض معلمه والله جداره عازميني على قرى الجنوب وانا من الشرقيه ولا بعد الراتب بيروح اجار الشقه والسواق والطياره من الشرق للجنوب وفوق كذا انا رياض اطفال ومعروف ايش كثر نحتاج لوسائل وخامات ومادري ايش بالله وش بيكفي الراتب يعني غربه وبعد عن الأهل نفس الدراسه برا وين الأفضل لي طبعا بعثه لكن الأهم انا عندي طموح وعندي حلم اني اكون في مكان اعلى
طيب قدمي على الإعاده وهذا اللي صار وقاعد يصير وربي ييسرها لي بس من تجربتي في التقديم على اغلب الجامعات في جامعات ترفضنا لأن في طالبات خريجات امريكا ولا بريطانيا برايك ليه قبلوهم واحنا لا وبالله لو صار هذا لك ماراح تصر على الإبتعاث ؟؟ وفوق كذا إختبارات قدرات وكفايات والله مايجي منها الافقرتين من ٤سنوات دراسه طيب الوزاره في المرحله التاسعه والعاشره في برنامج الملك عبد الله الله يرحمه رفضت تخصصنا ولما اعتراضنا كان ردهم صريح لايوجد مخرج إلا انكم تدرسون على حسابكم وبعد ٤شهور ترفعون طلب انضمام

طيب ليه احنا زعلانين من الوزاره
الوزاره وعدت وان كان لفظي فلما اقول وزاره التعليم تعد لازم تثق لمكانه الوزاره وكون هذا الشي ماشي لسنوات طويله اقصد الإنضمام للبعثه بعد ٤شهور
ولا لما سألناهم في الملتقى عن تغيير السياسه قالوا مافي شي تغير ليه مااثق وهي وزراه
ليه مافي كلام واضح من الأول ع الأقل قالوا ياطلاب احنا اسفين مافي الحاق اللي يقدر يكمل واللي مايقدر يرجع يفترض هذا الكلام يقال مبكرا مو لما الناس تدرس وتخسر ولا تصريحات تحيير والتخلي الناس تحتار اكثر ترى في ناس خسرت وظيفتها وباعت سياراتها وناس خاطبه ووراها زواج ومسؤوليه وناس وناس .........
اخوي صدقني ترى اللي زعلان ومعصب هو اللي عنده طموح حقيقي مو جاي يلعب ناس قاعده تحرق نفسها وعايشه بقلق وتوتر عشان سياحه ووناسه وفله

آسفه اني طولت بالكلام اذا غلطت عليك او اي شي فأنا آسفه لكن انا هذا رأئي
ومتأكده ان الله راح يجيب دعواتنا وبتحقق وبإذنه بتتحقق امنايتنا وربي معانا مادمنا لانزال ندعوا ونلح وربي يوفق الجميع وييسر لكم الخير ويحقق طموحكم
واعيد لست ضد حكومه او سياسه بالعكس احنا في نعمه ونحمد الله عليها لكن وضحت لك ليه احنا زعلانين

العالم انضمت للملحقيه الاسبوع الماضي وهذا الاسبوع لغه وغيرهم تقولي نظام ,,, العالم مو ناقصاك اذا انت تتمسخر بالعالم وتتشمت سبحانه وتعالى قادر عليك يا اخي

اذا انت طموحك يحدك ببلدك ومنطقتك لاتحكم عالغير اذا طموحه كان اكبر منك و يتعدى جامعات بلده هذا اولا
ثانيا نقطتك ان اغلبهم متخرجيم بنسب متدنية شكلك منهم والله اعلم
شكلك ماتدري ان فيه ناس جايبة 100% والجامعات الحكومية قبلتها على تخصصات علوم و عربي!!
مو مضطرة اقول لك ليش جيت بس بقول عشان تستوعب ياطموح يا أنت
نسبتي 98.78 والتحصيلي 76 والقدرات 85
ليش ماجيت بعثة! لاني ماجبت تحصيلي الا يحكمونا به !
ليش ماقعدت في البلد؟! لان الجامعات الحكومية قبلتني علوم وانتساب ونسبتي تأهلني هندسة وطب!! بالله شخص جايب قريب 100 ينقبل انتساب؟!
لذلك جيت ادرس هندسة واطور نفسي في بلد متطور احسن من شخص يذلني واني في بلدي!
اخيرا بليييز اسككت لا تعلق مرة ثانية اذا تعليقاتك نفس وجهك وتستفز الاخرين بكلامك
قل خيرا او اخرس

يا محمد عمر سكت دهراً ونطقت كفراً
ي بو شروط وانظمه اتوقع انك مبتعث مثل الي تقول عنهم في البارات
ثم انا قبل سنة بالضبط قريت شروط الوزاره الي 30 ساعه وبمعدل معين ، وقلت والله صعبه علي ماني بقادر عليها و سمعت من كذا شخص ان اربع شهور وتنضم فما صدقته قلت هذي واسطه ورحت من بكره للوزاره وسألت احد المسؤلين وقال نعم هذا الشيء استثناء للطلبه المتميزين في دراستهم في المعهد اذا انت اجتدهت فنضمك في اربع شهور ترفع لنا درجاتك وتنضم فسألته لو جبت قبول نهائي اذا كانت عندي لغه فقال لي بالحرف الواحد اذا جبت قبول نهائي جبه لنا ونضمك من عندنا ، يعني هذا الي كان يسوونه كان فساد بنظرك ي وقح جاي تتشمت على الطلاب انهم مساكين بسبب طموحهم العالي غالبية الدارسين تخصصاتهم في الطب والهندسة والعلوم الصحية والاقتصاد والخ ..

فالايام تدور فلا تتشمت في حال شخص فلن يعجز رب العباد ان يبدل حالك الى ماهو اسوء من حالنا

أول شي .. انا ما تشمت على احد .. انا حكيت الواقع اللي شفته بعيني ..
ثانيا .. انت عارف ان الوعود الشفهية غير ملزمة .. لو كنت انسان فاهم كنت خليت المشرف اللي سالته يوقع على الكلام اللي قاله لانك كذا تقدر تقاضيه على اللي قاله .. لكن كذا ما بيدك تسوي شي ولا تنسى فوق هذا كله ان من ضمن الشروط اللي انت وقعت عليها قبل السفر انك ما تطالب بالحاقك الا بعد ما تنطبق عليك الشروط .. شايف الفرق .. انت وقعت وهم ما وقعوا ..

أول شي .. انا ما تشمت على احد .. انا حكيت الواقع اللي شفته بعيني ..
ثانيا .. انت عارف ان الوعود الشفهية غير ملزمة .. لو كنت انسان فاهم كنت خليت المشرف اللي سالته يوقع على الكلام اللي قاله لانك كذا تقدر تقاضيه على اللي قاله .. لكن كذا ما بيدك تسوي شي ولا تنسى فوق هذا كله ان من ضمن الشروط اللي انت وقعت عليها قبل السفر انك ما تطالب بالحاقك الا بعد ما تنطبق عليك الشروط .. شايف الفرق .. انت وقعت وهم ما وقعوا ..