| . . مـتـابـعة طـلـبات الإلحاق لدى الوزارة . . | (3)

معروفة الملحقية تلفوناتهم ديكور بس
مافي امل يردون عليك
اماخالد العمار ذا ماعمري شفته ولارد على تلفون او ايميل
ذكرتيني بوحدة من الموظفات تلفونها تكسر من الاتصالات وهي سافطته و فاتحة موقع عن الموضة والممثلات على جهاز الملحقية حق مكتبها رحت ورجعت بعد حول ساعة وهي بعدها مشغولة في الموقع ذا
مع انهم امريكان عرب او غرين كارد لكن ماخذو من الامريكان ولاذرة في الاخلاص واحترام العمل
لكن للأمانة تعامل الملحقية الالكتروني سريع جدا جدا حسب تجربتي معهم من موقع سفير

ي خوان الملك اذا بيصدر مكرمة فلازم يقيل عزام قبل اعلانه لضم الدارسين لان عزام اضر الطلاب بما فيه الكفايه ولنا في ولي ولي العهد محمد بن سلمان يوم اقالو وزير الصحة اقالوه قبل اخلاء والد المتضرر الى العلاج في الخارج ف للاسف اقالة عزام شبه مستحيله وضمنا متعلق بإقالته لان تضررنا بما فيه الكفاية ولاحقين ماجانا شيء اذا عزام موجود هذا الواقع المرير للاسف .
متى ماجاء خبر ،
امر ملكي اعفاء وزير التعليم الدكتور عزام الدخيل فا بيجي بعده على طول
ضم الدارسين على حسابهم الخاص

فيعم الفرح علينا ويتحولون طبول عزام الى مبطلين ضده واظهار مفاسده والخ
ومعارضين الابتعاث بيقولون لقد انهووو قرارون عظيم وتنموي وهم قبلها كانو يقولون انهوو مفسده واهدار للمال العام

ياخي انت وش قاعد تقول..
اقاله عزام مستحيله، لان الي اعطاه المنصب محمد بن سلمان وماعطاه اياه بس عشان انه يستحقه من منضوره، وللمعلوميه عزام المدير التنفيذي لشركات محمد بن سلمان وشغال معاه فترة طويله يعني ماعطاه هل منصب عشان يشيله من عنده .

ونعيد ونزيد ترا هذا الي حاصل كله امور اكبر من عزام وحتى لو كان له يد فيها بس اكيد في اطراف اكبر منه وهو في النهايه مايقدر يغير اوامر ملكيه بكيفه وبمزاجه

اجل خلاص الامر واضح جداً محمد بن سلمان مايبينا ننضم علشان بيوفر اموال وهو من امر بالمكرمة الملكية وفصلها مع عزام ولبسونها وانتهى ، الامر كله مافيه انضمام الحين احمد ربك ان تجيك دفع رسوم غيره نحلم ونحلم نقطة وكفى .

فعليا احنا مالنا شي غير السمسترين الي ذلونا فيهم ، بس إلى الان ماسمعت ان في احد اعطوه ضمان مالي وحتى الي خلصو اللغه ماضمو الا فئه قليله جدا ، فأنا اعتقد ان بتكون في قرارات جايه قريب وراح تغير حالنا سواء للاحسن او الاسوء بس نقول ان شاء الله للأحسن ، خاصتن ان الدنيا قايمه وقاعده بالرياض والموضفين كالعاده ماعندهم علم بأي شي وماجتهم قرارات والناس معصبه وتبغى كلمة ! حسبي عليكم من وزارة

الله المستعان

بالضبط، قلت كل اللي كنت بقوله

قمه السذاجه انكم تعتقدون ان عزام "حرّف" المكرمه على مزاجه ومازال يسرح ويمرح في وزارته. تحليل طفولي جداً ومو صحيح

لو ان عزام الدخيل جالس يلعب بالمكرمه او يصدر قرارت مصيريه مثل اللي تخص الإبتعاث من كيفه كان صار مصيره مصير شويش الضويحي والخطيب
الواضح انها اعلى من عزام
والله اقدر واكرم

استاذي انا اتفق معك ان عزام حذاء ملبوس فقط لا اكثر
لكن كل هالي صار من تحت رأسه طبعا بموافقه الربع وتأييدهم بعد اقتراحاته الفيلسوفيه لهم وثقتهم العمياء به. وكل هالي صار من اقتراحه على انه الفارس الي ماله مثيل و منقذ الامه طبعا ليستمر اكثر. وطبعا الربع مع من يرجع ولو قرشين من الميزانيه المخصصة لوزارته ويعتبر افضل وزير عرفته البشريه حتى لو ماله إنجازات تبي تستمر رجع كم قرش واكبر مثال وزير الماليه اذا كان مشروعك يكلف ١٥ مليون اكتب في خطابك يكلف ٣٠ مليون وتأكد راح يوقع لك ب ٢٠ مليون ويكتب فقط لا غير على انه وفر للدولة ١٠ مليون ههههه شر البلية ما يضحك . بالاضافه لذلك لقرب عزام من الامير محمد بن سلمان
كل الشعب السعودي يعرف من رشح وكيف ترشح عزام او بالأحرى ترأس بدون ترشيح للوزاره. بمعرفه الامير (الشاب) محمد بن سلمان. وكان التعيين بعيد كل البعد عن الكفاءة والجداره وكان البلد ما فيها أجدر من هذا الشخص لترأس اهم وزاررتين في البلد ان صلحت صلح مستقبلنا وان فسدت فسد مستقبلنا وزاره تعتبر الأساس للمستقبل البعيد وليس كأي وزاره اذا خربتها يجي غيرك يصلحها هذا اذا تم البحث عن من يصلحا بل عن من يشلحها ان صح التعبير.
واقع مرير كثير منا يعرفه لكن القليل من يذكره

اسمها فوزيه وانت تقولها استاذي؟ هههههههههههههههههههههههههههههههههههههههههههههه

انا شخصياً جاني تبلد من كثر ماتقولون لي اخوي وماعاد لي خلق اصحح بصير اخوكم لا مانع.


عموماً، الوزاره ظلمت مشروع الابتعاث والالحاق وهذا مايختلف عليه اثنين. لكن بعيد عن العاطفه وبدون اجحاف وانكار، عزام طور كثير في المدارس والتعليم ..عشان كذا اعفائه شيء مستبعد تماماً، خصوصا في هالوقت.
كملو مطالبه في الهاش تاق واتركو عنكم المطالبه بإعفائه لان محد حولكم ولا راح يعفونه.