| . . مـتـابـعة طـلـبات الإلحاق لدى الوزارة . . | (3)

مالقيت الخبر في صحيفة الوئام. ممكن تحط رابط الصفحة

http://www.alweeam.com.sa/340972/%D9...8%D8%B1%D9%86/

لا
كله كلام فاضي

باين انهم قالو لعزام ليش ماخليتهم يدخلون في المكرمة وان خطتك حقت الفصلين ماحلت المشكلة وعقدتها اكثر
هو راح قالهم خلاص اعمل لهم حل ممتاز وهو وظيفتك بعثتك هذي احسن لهم وبنفس الوقت افككم منهم ومن صجتهم

وشوف كيف الله اعلم اقنعهم بمشروعه الخطير ذا
#وظيفتك بعثتك وانه بيخلينا ندرس تصليح قطارات وطيران وتصنيع عسكري وحركات ومفاعلات ذرية وكلها 5 سنين وحنا ننافس فرنسا والمانيا
وبكذا يكون شتت موضوعنا ودفنه بغير رجعه لانه يدري ان ماحد بيجلس ينتظر اكثر من كذا والناس بتمل وترجع
لكن الوعد في الرياض ياعزام في ديوان الملك وديوان المظالم وفي الاعلام ماظن الناس بتسكت عنك

اما ان يصدر امر ملكي صريح وينهي هذي المهزلة ومماطلات عزام وتصريفاته فينا
ولا مافي فايدة
وباين ان هذا هو الحل المقصود الي يقولون عنه انه قريب الي هو وظيفتك بعثتك وان مافي امل نلتحق دام ذا هو وزير التعليم

على قولة كاتب في جريدة الشرق يوم قال عنه (وضع نفسه فلتر للاوامر الملكية)
ماقول الا الله ينتقم منه هذا الانسان مستقعد لنا قعدة وحالف ان ماننظم وانه فوقها يبهدلنا

هههه الله يستر مادري قصدك صحيح ذكي ولاتمسخر
الموضوع ياغالي باين انه خطوات ارتجالية فوضوية بدون دراسة هذا لو ماكنت كلها تمثيل وكلام في الهوا حتى يضيع سالفتنا
وحتى في تويتر كثير منتبهين لحركته ذي
صدقني اغلب الناس فاهمين انها تصريفة

طيب اقلها رح شغل المتخرجين من الجامعات السعودية او الخارجية ليش لازم تبتعثهم تالي توظفهم وش الحكمة هنا
كل البعثات الي قالها في خريجين جاهزين عندهم تخصصات تناسب اتفاقياته واولها التخصصات الهندسية بجميع فروعها
لو انه فعلا صادق السالفة كلها اعلانات ويجونه ويعطيهم دورات على كمن شهر حق الوظايف الي يبونها ويوظفهم بدون هالزحمة الي مسويها على فاضي
اساسا لو في الحقيقه عنده هذي الامكانيات كان انحلت ازمة البطالة خلال شهور
الا اذا كانت الجهات الي تعاقد معهاعزام هم نفسهم مايدرون عن حجم احتياجهم من الوظايف هذي مشكلة اكبر واعظم

اصلا الدولة بتكون متضررة لو رجعوا 15 الف عاطل وربي ندوام كلنا في الوزارة الين ناخذ حقنا كامل

كذا الكلام ولا بلاش بس انا ساكن في جدة راح اوكل واحد بدالي

ههههههههه
مو هذي الي يسمونها وضعية صورني ونا مدري
طيب ياخي حتى حنا محطمين تعال صور معنا وابعث فينا روح الامل

هههههههههههههه

ما ادري كيف يجيه نوم و الآف الطلبة منتظرين رد منه.!!

بعثتك وضيفتك للأسف كثيرين متأملين فيها وانا متأكد ان شروطها ماراح تنطبق على اكثر من ٥٠٪ من طلاب اللغه ، الاخبار الي تطلع اغلبها تخديرات موضعيه لين يضيع حقنا .

بالنسبه حق السمسترين او الي وصفوها بمكرمة على حسب تعبيرهم الضاهر انها راح تبدي مع بدايه الخريف حسب كلام الملحقيه ، وفي النهايه احب اقول لا الملحقيه تصدق ولا الوزارة تصدق بس الواحد يحاول يكون بالسيف سايد بقد مايقدر حق يسلم من هل قرارات الهمجيه والجائرة