| . . مـتـابـعة طـلـبات الإلحاق لدى الوزارة . . | (3)

والله مادري عن الالحاق. انا في مرحلة اللغة بس خلاص ماعاد يهمني واظن ان عادي طالما الحين مرحلة لغة ولا في الحاق هي تعويض فصلين قادمين.

نفس طلبي ....سيعرض ع اللجنة ....
بس ملفك موجود بالوزارة ع حسب الصورة

حسب كلامهم مافي ضم الابعد 30 ساعة

يعني قرار الـ 30 ساعه في الجامعه ينطبق على الكل؟!
حتى على الي جاي قبل هالسالفه كلها؟! لأن في المؤتمر قالوا لنا 4 شهور دراسه لغه ثم ترفع درجاتك و جدولك!!
لأني حاليا في نهايه فصلي الثالث ( شهرين للفصل ) ، و عندي قبول للخريف 2015 ان شاء الله. و أهلي قالوا لي خلاص، ما عاد فينا ندفع اكثر.
وش أسوي يا جماعه؟! أرجع الديرة يعني؟ حرام والله

متى يعني بيفعلون مكرمة اللغه المعهد بيطردني

في طلاب اكملوا الساعات الاكاديمة المطلوبة والى الان طلباتهم نايمه في الوزاره منذ اكثر من اربع شهور

ما يمنع انك تقدم طلبك وتنتظر الرد، الوزارة والملحقية تمشي على المزاجية اكثر منها على النظام

لاتزال الملحقية ترفض ارسال طلباتي إلى الوزارة، مع العلم بأني راجعت الوزارة مرتين لنفس الأمر وتمت الإفادة (يجب ارسال طلب جديد)
المشكلة ان الطلب الجديد الملحقية موقفه بالطريق!
وشكلي بروح لهم شخصيا اشوف أخرتها معاهم ..

هذا اللي سويته انا جبت قبول من معهد يبدا باغسطس وسويت طلبات عامة
وحاليا انا في السعودية

السؤال كيف نغير المعهد ، انا رفعت طلبات عامه لكن بدون ختم الدخول ، وودي أغير المعهد كيف الطريقة ؟

السلام عليكم ورحمة الله وبركاته


اخواني انا اليوم كنت بالملحقيه مريت خالد العمار ومالقيته حولوني ع وحده سودانية وقالت لي ان الطلبات جايتهم رفض من الوزارة بالآلاف وقالت لي اذا تبي طلبات عامه تسديد رسوم غيره مافيه وقلت لها لو جبت قبول نهائي ع الفول قالت التعب نفسك مافيه صراحه انا قلت دامني وصلت الملحقية خلني اروح العيسى واقول الي في قلبي كله والرد حرتي عشان ارجع لسعوديه وانا مرتاح المهم دخلت عنده سلام كيف الحال قلت ي دكتور انا طالب من ٩ شهور هنا ع حسابي وطلبت طلب الحاق وقعد ٦ شهور وجاني رفض قالي والله العضيم اني مادري وش علم الوزارة رفضت العالم وأني مادري كيف هم مخططين عليه وان الوزارة ارسلت لنا فقط تسديد رسوم وإلحاق من كان يدرس أكاديمي قبل زيارة ولي العهد اما من سوف يبدا في الصيف او في الفول ماراح نظمه لأي تعب نفسه انا ماودي احطم أمثالكم لكن بصريح العبارة قالها لي اليوم والله على ماقول شهيد ان الوزارة لعبت في نفسياتكم ولكم حق في الشكوى في المحكم لان فيه ٣٧١ طالب لغه تم ابتعاثهم في يوم واحد قبل زيارة الملك وهم أبناء الواسطات يعني كان عندهم خبر بالتسديد وسنعو قرايبهم بلسانه وهو ملحق ثقافي وقالي ياولدي حاس فيكم وادري انكم مظلومين لكن مافي يدي شي كل شي بيد عزام والي فوق عزام وحاولت اخذ وأعطي معه بالكلام قالي ستتفهم ولا بكيفك حسيت انه يقصد الحكومة يعني محمد بن سلمان او زي كذا المهم. ي شباب همتكم في توكيل محامي والاجتماع في مكان ما في السعودية لمن سوف يرجع الى السعودية سوف نحدد يوم نجتمع فيه ولا نخرج الا بقرار اليوم بلسانه قالي لو تجمعتو وريحتو لناصر الفوزان وشافكم عزام صدقني راح تنضمون ولا بيننا محاكم لان ظلم واظح وعنصرية وتزوير المهم حبيت اسرد لكم وش صار معاي اليوم والله يكتب الي فيه خير لنا جميع


بندر الشمري