| . . مـتـابـعة طـلـبات الإلحاق لدى الوزارة . . | (3)

الله يرحم والدنا عبد الله بن عبد العزيز
اختي من مبتعثات المرحله الثامنه على وقت الملك عبد الله الله يرحمه
والله اني مااحسدها أختي واتمنى تكون احسن الناس بس اشوف الفرق شلون بالرغم ان انا وهي نفس التخصص انا معدلي اعلى منها
كل شي كان ميسر مقارنة بالآن
بس ربي معنا وراح يعوضنا بالأفضل
وكل مايأست تذكرت الحديث القدسي(انا عند ظن عبدي بي)
استحي على وجهي وارجع اتفاءل بالعوض من ربي وحده

انا اتمنى انهم يفصلون التعليم العالي مره ثانيه ..

رد الملحقية قبل شوي

ياجماعه انرولمينت ليتر مو نفسها القبول ولالا!!! لانو طلبت من المعهد قبل قلي ما نعطي قبول جديد مافي الا واحد اول ماسجلت فلمعهد قبل 5 شهور !!

قصدهم خطاب مباشرتك و بداية دوامك بالمعهد ..

طيب هادا كلو فلورقة الاولئ يحتاج قبول جديد ؟؟

بحساب ساكم في تويتر ذكر بتغريدة ان وفد اعضاء مجلس الشورى اجتمعوا مع الطلاب السعوديين في الملحقية بواشنطن
وناقشوا موضوع الدارسين عالحساب الخاص والوفد ذكر انهم راح يعرضون اللي صار بالدوره القادمة لمجلس الشورى .

الشيء الثاني اليوم المحلقية رجعت لي طلب تغطية الفصلين ويبوني ارسل الايتوني وخطاب مباشرة مع كشف الدرجات .
راسلت الحساب بتويتر بخصوص ما بعد الفصلين ومين بيتكفل بالجامعة وبنتظر ردهم

اجتماع مجلس الشورى يحتاج كم اسبوع ودراسة الموضوع يحتاج كم شهر وتطبيق الدراسة تحتاج كم سنه

تذكرني بالي قال ان الملك بيجي هل شهر مع انها كلها توقعات وماصار شي ملموس فعليا !

وضعنا الحالي مع الاسف ماراح ينحل الا بالذهاب ومقابله محمد بن سلمان او الملك

[QUOTE=bandar91;1062785504]السلام عليكم ورحمة الله وبركاته


اخواني انا اليوم كنت بالملحقيه مريت خالد العمار ومالقيته حولوني ع وحده سودانية وقالت لي ان الطلبات جايتهم رفض من الوزارة بالآلاف وقالت لي اذا تبي طلبات عامه تسديد رسوم غيره مافيه وقلت لها لو جبت قبول نهائي ع الفول قالت التعب نفسك مافيه صراحه انا قلت دامني وصلت الملحقية خلني اروح العيسى واقول الي في قلبي كله والرد حرتي عشان ارجع لسعوديه وانا مرتاح المهم دخلت عنده سلام كيف الحال قلت ي دكتور انا طالب من ٩ شهور هنا ع حسابي وطلبت طلب الحاق وقعد ٦ شهور وجاني رفض قالي والله العضيم اني مادري وش علم الوزارة رفضت العالم وأني مادري كيف هم مخططين عليه وان الوزارة ارسلت لنا فقط تسديد رسوم وإلحاق من كان يدرس أكاديمي قبل زيارة ولي العهد اما من سوف يبدا في الصيف او في الفول ماراح نظمه لأي تعب نفسه انا ماودي احطم أمثالكم لكن بصريح العبارة قالها لي اليوم والله على ماقول شهيد ان الوزارة لعبت في نفسياتكم ولكم حق في الشكوى في المحكم لان فيه ٣٧١ طالب لغه تم ابتعاثهم في يوم واحد قبل زيارة الملك وهم أبناء الواسطات يعني كان عندهم خبر بالتسديد وسنعو قرايبهم بلسانه وهو ملحق ثقافي وقالي ياولدي حاس فيكم وادري انكم مظلومين لكن مافي يدي شي كل شي بيد عزام والي فوق عزام وحاولت اخذ وأعطي معه بالكلام قالي ستتفهم ولا بكيفك حسيت انه يقصد الحكومة يعني محمد بن سلمان او زي كذا المهم. ي شباب همتكم في توكيل محامي والاجتماع في مكان ما في السعودية لمن سوف يرجع الى السعودية سوف نحدد يوم نجتمع فيه ولا نخرج الا بقرار اليوم بلسانه قالي لو تجمعتو وريحتو لناصر الفوزان وشافكم عزام صدقني راح تنضمون ولا بيننا محاكم لان ظلم واظح وعنصرية وتزوير المهم حبيت اسرد لكم وش صار معاي اليوم والله يكتب الي فيه خير لنا جميع


بندر الشمري


يا شباب شوفوا لنا يوم نجتمع فيه كلنا في رمضان ونروح الرياض ونحوس الوزارة حوس ............. نبغى تجمع كل الصحف تتكلم عنه مو زي تجمع اللي عند السفارة كان العدد ما يتعدى 10 طلاب
شباب مع عزام مش حتقدر تغمض عينيك ...................
خلووونا نروح الرياض ونفطر عليهم ............. شدوووا حيلكم الهمه الهمه ..............

اللي راحوا الوزارة الاحد الماضي ما اطلعوا بنتيجة لان كل موظف يحولهم عالموظف الثاني ..
اخر شيء قالوا لهم حنا ما عندنا اوامر وما ندري وش نسوي .. على قولتهم الطاسة ضايعة