| . . مـتـابـعة طـلـبات الإلحاق لدى الوزارة . . | (3)

معليش واذا كانوا المستفيدين اكثر من المتضررين
وش وضعي انا والبقيه المتضررين نجلس نطالع المستفيدين ونصفق لهم وانا اساسا ايش علي من المستفيدين انا افكر في مستقبلي وفي حياتي قدام خلينا نكون واقعيين الإستقرار المادي اهم من كل شي الحمد لله اهلي حالتهم الماديه ممتازه ومو محتاجه شي لكن هل هم راح يبقون لي طول العمر الأعمار بيد الله ويمكن انا اموت قبلهم بس هذا المنطق
وبعدين إلى متى راح يصرفون علي واللي يضحكني اللي يقول البنت مالها إلا بيت زوجها معليش ترى الزوج ماهو ملك نازل من السما تراه بشر يعني ممكن يكون في طلاق يمكن شغلته او راتبه ضعيف يمكن يموت يمكن يصير مشلول يمكن يتزوج علي ويتركني إن شاء الله مايكون كذا بس انا دايما افكر ان انا اتحمل مسؤوليه نفسي ان انا اكمل دراستي واحصل الوظيفه اللي تحقق طموحي ان انا اقدر اكتفي برب العالمين ثم بنفسي مستقبلا
وقبل هذا التفكير كله انا وطموحي واحلامي اذا انا طوال سنوات الدراسه وانا شاده حيلي ومعدلي ممتاز من حقي اني اكمل دراستي ومن حقي اني ابتعث ولا مو من حقي ؟؟
واللي تخصصاتهم متضرره مالهم الحق يكملون دراستهم ويبتعثون؟؟ مالهم حق يكون عندهم طموح ؟؟بغض النظر عن تخصصهم
الكلام يطول ولا ينتهي احساس القهر مازال موجود واحلامي ماراح انساها وربي بيحققها لي لأن ربي ارحم من البشر واكرم

معذره لو كلامي مااعجب احد بس هذا الواقع

دورت مالقيت شي، اذا عندك رابط لا تبخل علينا الله يعطيك العافيه : )

Husain 94
ابى اعرف وش تبي توصل له بس ...؟

عموما يا حسن اذا الوزير جحد كل الوعود اللي قالوها لنا من ستة شهور عيني عينك
قبل كم يوم ويقول ماعندنا النظام 4 شهور والنظام له 10 سنوات مضت مطبقينه وفصل المكرمة بشروط يعني على الكيف
تبيه مو مطلع شروط تعجيزية ارحمنا يا شيخ عموما اللي قاعد يصير بيرجع نظام الواسطات قبل الملك عبدالله وأي واحد
يبي يبتعث من اي وزاره ولا شركة لا زم يكون عنده واسطة ولا عائلة من اللي...
عموما مافيه شي بعيد عن ربي يفرجها ويبدل
الحال عليكم يا الدعاء والاستغفار .

فيه طلاب دارسين على حسابهم الخاص تخصصاتهم تندرج ضمن التخصصات المعلن عنها في برنامج وظيفتك وبعثتك.
اليس من الأولى ضمهم للبعثه؟
محد يقدر يتنبأ بأعداد المستفيدين منه والشروط اصلا ما أعلنت.
لكن صدقوني غالبيه المستفيدين ماراح تكون من فئه الدارسين على حسابهم.
ملفاتنا مازالت معطله في الوزاره وكأنهم يقولون انتظرو البرنامج وقدمو عليه
بعدين تعالو، على أي اساس قلتو ان الأولويه للدارسين على حسابهم الخاص؟ صدر شيء رسمي؟ الوزير أو الوزاره صرحت بشيء؟ لا
يعني بلاش اشاعات لو سمحتو.

الوظايف محدوده.. والاعداد محدوده، تتوقعون من المنطق انه يحط شروط سهله او يلغي القياس؟

ههههههههههههههههههههههههههههههههههه
انا ماضحكني الا الموضوع انحرف عن مساره
كان النقاش يتكلم عن برنامج وظيفتك ووبعثتك
فجأة صار عن حقوق المرأة السعودية ?????? وأن المرأتو السعوديتو منتجة

عموما الله يكتب اللي فيه الخير ونشوف وش شروط هالبرنامج مع اني متوقع انها صعبة مثل لازم يكون حديث التخرج وجايب في التحصيلي كذا وكذا والدارسين على حسابهم الخاص اغلبهم مو حديثي تخرج لأنهم مستقلين من وظايفهم وممكن ما اختبروا تحصيلي او جابوا درجات نازلة فيها

الشركات والقطاعات اللي وقع معها عزام الإتفاقيه في غالبيتها تفيد خريجي الثانويه وفيها ميزه انها تضمن له وظيفه لكن البعض طموحه اعلى من الوظيفه هاذي ايش يسوي ؟؟والبعض تخصصه اساسا مو موجود ايش يسوي؟؟
وتخصصات التربيه قالوا ان الوزير مهتم فيهم وإن شاء الله راح يكون لهم نصيب بس يمكن مو هالسنه السنه الجايه .
من هنا إلى السنه الجايه ماندري وش يصير
والشروط الله اعلم بها
وننتظر وربي يفرجها على الجميع

أنا عموماً بصراحة مؤيد لكل شخص يدرس التخصص اللي رغبان فيه او يحبه بغض النظر عن رواج هذا التخصص في سوق العمل أو لا

لو سامحت تواصل معي خاص اذا ما عليك امر