للأسف اكتشاف في ملتقى الرياض

مدري ليش احس فيه ناس مكذبيني

الاكيد احب اكون صريح معاكم وهذي جدولي لحضور الملتقى

مرفق

طيب يالأمير مشكور ويعطيك العافية لكن أسألهم بكرة عن الأولوية في اختيار الدفعة الأولى لاني انا ابغى أكون منها لو كنت من الثانية أو اللي بعدها مشكلة لأنها راح تتعارض مع سفرتي لاني لازم أكون في الولايات المتحدة الأمريكية قبل 8 ديسمبر ولا ماراح أدخل ابغى الدفعة الأولى بأي شكل من الأشكال انا أوراقي كاملة ما بقيلي إلا أن الموقع يفتح بس تكفى يالأمير أسألهم بس وثاني شي الله يعافيك تكفى حاول تأخذ رقم أحد الموظفين ضروري ضروري مرة

اعذرني على ذا الطلب والعذر والسموحة منك على كثرة الأسئلة

حاشاك يالأمير ما قصدت اني اكذبك لكن هل الدفعة الرابعة نفس جدولك انا عندي البرنامج الأول والثالث نفس التوقيت الثاني والرابع عندك

اهلاً فيك اعتقد الاولوية لها علاقة لاني مسجل 5-11 ع نهاية التسجيل وخلوني في اخر برنامج

واذكر كلام الدكتور يقول اذا تعارض سفرك مع الملتقى تورينا صورة الحجز يقصد تذكرة الطيارة وصوره من كل اوراقك وروح دربك خضر

والموظفين صايبهم زهايمر كل واحد ما يعرف الا شغله بس يعني حق التدقيق ما يعرف بالملتقى شي والعكس والمشرفين كذلك ماعندهم خلفية عن اي شي
والدكاتره يصرفون يقولون تعالو الصبح عشان المسؤولين راح يجون من الوزارة
يعني لازم تحدد سؤالك عشان اقدر اساعدك ولا اسال الموظفين

مدري عن الرابعه لكن اذكر امس كان اول يوم لي احضر وكان فيه محاضره الساعه 3 ونص يوم كنت ادقق اوراقي
واليوم ماشفتهم والله لاني جيت 6

ابغى أكون ضمن البرنامج الأول هذا اللي أبغاه يعني من 6/2 إلى 8/2

سجل من اول يوم ازين لك واذا تعارض مثل ما ذكرت لك فوق

واذا تبي اسال لك ابشر

وش الفائدة اذا جيت البرنامج اول ولا الخامس ///تقصد ان تجيك الموافقة الدراسة بدري

ايه الله يعافيك أسألهم أهم شي اول ثلاث أيام من الملتقى
شوف الصورتين ذي البرنامج الأول والثالث نفس بعض ما يهم عصر أو مغرب أهم شي التاريخ انه يكون زي مهو مكتوب في موقعهم من 6/2 إلى 8/2 يعني بالميلادي 28 و 29 30 نوفمبر انا سفري 2 ديسمبر وهذي الصورتين
وهل التدقيق بعد أو قبل الملتقى وهل هو في نفس مكان الملتقى أو مكان ثاني

اخوي جاتك الرسالة انت ؟ سؤال ثاني وقت التدقيق هل خلصت موضوعك عند موظف واحد ولا ارسلك لموظف ثاني من اجل ارسال لك ايميل النواقص ؟ شاكر لك تعاونك