رفض الدراسه على الحساب الخاص و الاسباب المذكوره غير صحيحه

يعطيك العافيه اخوي
من ناحية اللقاء انا ماني بالسعوديه انا قد سافرت للدراسه و لي شهر تقريبا من بديت دراستي
و الوزاره قد مريتهم قبل اسافر و سالتهم عن التدقيق ومطابقة الاوراق قالوا مايحتاج تدقيق ولا مطابقه انت حضرتي الملتقى الثاني خلاص ارفعي اوراقك فقط ومعها ورقة حضورك الملتقى و سافري للدراسه
الان يبوني اترك دراستي و ارجع للسعوديه عشان احضر الملتقى مره ثانيه ليه؟؟

صعب جدا ارجع السعوديه لا دراستي تسمح لي ولا نفسيتي تسمح لي بالعوده الان

لا ترجعين .. كملي وارفعي اوراقك .. بس قبل جيبي الورقه الناقصه اللي قلت لك عليها .. وبعدها ارفعي اوراقك كامله مع ورقة الحضور ..
وإذا مامشت .. تلفون لأخوك الكبير يسير عليهم بالوزاره ويتغدى عليهم !
لانهم مايمشون الا بهالطريقه ..

يابنت الحلال ارفعي لهم الافاده وخلي احد يروح لهم ويخش بعينهم
انا ماحضرت الملتقى وارسلت احد يتفاهم معاهم لاني صار لي خمس شهور في امريكا
وجتني الموافقه اليوم

ماينفع معهم الا تخشيين في عينهم ولا والله مايسسون لك شي

سؤال ممكن يساعد ! هل تأكدتي إنك أرفقتي المطلوب (( في الخانة الصحيحه )) ممكن حطيتيها في خانة ثانية وأعتبروها غير موجودة !؟!!!؟