لازم ادرس من تخصصاتهم عشان انضم للبعثه .. الله يفرج هم كل من دخل

انا حضرت ملتقى الرياض الاخير للدارسين ع حسابهم الخاص وذكروا لابد من امتداد التخصص لطلاب الماستر ولازم يكون قبول الجامعه والتخصص موصى فيها حتى وانت ع حسابك اذاً تاكد بنفسك من لجنة معادلة الشهادات بكره تاخذ الشهاده وتتوهق مايعادلونها والله يحققلك مرادك

اختي الله يعافيك التخصصات اللي بموقع الوزارة للناس اللي طالعين بعثه من الاساس يعني ما طلعوا ع حسابهم
ف اذا انتي ع حسابك وخشيتي اي تخصص براسك
عادي يضمونك اصلا مو من شروط الالحاق ان لازم يكون تخصصك نفس اللي موجود بالموقع
اعرف ناس خاشين تخصصات مدري كيف هي صايره وضموهم ولله الحمد لكن انتي اختار التخصص المناسب لتخصصك او امتداد له
ومن ناحية العمر ماله دخل اذا ع حسابك اعرف واحد عمره 45 يدرس معهد معانا وضموه للبعثه
المقصد من العمر اللي بيقدم ع برنامج الخادم الحرمين يعني من يوم يمشي من السعودية يكون ع حساب البعثة
و 60 الف تكفيك حق 4 شهور ونص اذا كنتي بولاية غاليه
وانصحك روحي chico كاليفورنيا لانها رخيصه وحلوه وامنة ومعهدها 7 اسابيع ب 1800$ يعني رخيص بالحيل
انا معهدي 1810$ كل شهر وانتظر يخلص هالشهر بهج عنه قص ظهري
دعواتك لي ان تجيني الموافقه باسرع وقت وربي يسهل اموري
واي سؤال تحت امرك ياغاليه

يختيييييي اللله يسسعدك وييسر امرك .. هونتيهااا علي .. طيب انا تخصصي انجليزي بالمرحله العاشره بنات خبروني راحو امريكا ومادرسو معهد رفضو قالو لهم يختبرو ع طول توفل .. معقووله هالنضام كذا جاا طبعا متاكده من هالخبر صديقة صاحبتي هناك .. ع بالهم انك بكالريوس انقلش يعني متمكنه بنضرهم .. بس بما اني ع حسابي اكيد مايشمل هالنضام علينا .. اذا عندك خلفيه ّّ



سؤال انا الحين اداب مو تربوي .. خبروني بنات اذا ابي يكوون لي اولوية بالوظائف التعليمية لازم اخذ دبلوم تربوي ّ! وماحسبت له حساب وتكدرت .. سؤال .. اقدر اخذ ماستر واذا رجعت ادرس الدبلوم التربوي ولا لا مايصير ^_ وبسس

تحياااااتي والله يوفققك ويسرع بنضمامك للبعثه من قلب قلب قلبيي

الله يجزاك خير ياغاليه بس ترا انا مو بنت الله يعافيك
من ناحية الدبلوم راح اسال عنه واخبرك بس اعتقد الماستر يكفي لانه اعلى من الدبلوم واكثر خبره

بس من ناحية التوفل جديدة ذي ههههه
لكن الجامعه ما تخليك تخش عبث يعني لازم ايلس او توفل او الاثنين
لكن مسألة اجبار مستحيل واذا اجبروك لاسمح الله واختبرتي راح يبين مستواك انك ماعندك لغه او ماجبتي الدرجة المطلوبه ف راح يقولون لك لا خلصتي المعهد اختبري
ونصيحة اخ اذا انتي ع حسابك خش معهد لان رسومه اقل من رسوم الجامعه يعني ان شاءالله 4 شهور ثم يضمونك وبعدين الجامعه ع حساب الحكومة
بالتوفيق لك ياغاليه
وسعدت حقيقه بدعواتك لي
واي خدمة تحت امرك

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛

معليش قريتها ام عمر هههههه

اي يقولون نفسهم حقينا الي طالبين كذا ماتدرس ع طول تختبر .. وضني ان ماجابت الدرجه التمام ف التوفل والثاني يعني ماعدت اختبار القبول اتوقع .. تقول من المرحله العاشره والي بعدها بيصير كذا النضام وماادري عن هالانضمه انت في السعوديه على كل رمشه يتغير قرار ويجي قرار جديد ..

الله يوفققك واي جديد تعرفه لا تخليني وعطني خببر الله يجزاك الخير ,,
مره ثانيه الله يوفقك ويعجل بنضمامك بالبعثه من قلب قلب قلبي

كل شي جايز لكن لو فعلاً تطبق هالقرار
كان قالوا لنا عنه بالملتقى
بعدين بالملتقى شرحوا كل الخطوات وهذي ليست من ضمنها والايلس افضل واسهل من التوفل للمعلومية
وابشري اذا عندي جديد راح اقولك
بالتوفيق لك

السلام عليكم ورحمة الله وبركاته
انا طالب انجليزي بكالرويس وباقي لي حاولي سنة واخلص
وحلمي من زمان اني ابتعث للماستر في امريكا
وكانت اموري كلها في السليم من معدل وغيره حتى جاء قرار شرط امتداد التخصص

والحين بعد ما رفضوا قسم الانجليزي، لو طلعت امريكا على حسابي الخاص لدراسة اللغويات
هل رح انضم للبعثة في حوالي 4 شهور زي ما يقولو الشباب؟
لاني قريت في موقع الوزارة الشرط التالي:

وتخصصي ليس مدرج منها؟ ايش الحل طيب؟

وايضا لو بطلع اكيد بدرس في معهد رخيص حتى اجيب درجة الايلتس المطلوبة من الجامعة لكن المكتوب في شروط الوزارة هذا الشرط؟
يعني قصدهم الانضمام بعد او سيمستر من الماستر؟
وكيف انضمو الي باقي يدرسو اللغة ؟ معليش بس مافمت شي شروط الوزارة هل فيه تناقض ولا لا؟
-------------------------------------------------
وأسئلة شاطحة اخري
1- كم ممكن يكفى مبلغ حتى انضم للبعثة في اقل ولاية ومعيشة اقل من المتوسطة لان لو بطلع ميزانيتي محدودة جدا والماستر حلم مستعد اضحى بكل شي لاجلة
2- وهل كندا صحيح افضل في سرعة قبول الالحاق؟
3- وهل فعلا لو اطلع دولة رخيصة مثل ماليزيا او الهند وانضم للبعثة هناك اقدر احول امريكا بسهولة؟


اعذروني على الموضوع الملخبط بس مالي الا الله ثم انتم

السلام عليكم ورحمة الله ،،

أعزائي الكرام هل الدارس على حسابه الخاص الحاصل على شهادة ثانوية / ادبي يضم للبعثه كالمعتاد بعد اربع اشهر ان حقق الشروط ؟
علما أن تخصصات المرحلة العاشرة جميعها للقسم العلمي العلوم الطبيعيه ؟
اخوكم في حيره والله المستعان ،
افيدوني جزاكم الله خير .

ايه يالغالي انا .. تخصصي ادبي وشهادي ثانوي وليلي ولي 8 سنوات متخرج
والحين بكمل بكالريوس
يضمونك .. بعد 4 الى 5 شهور
بس خل ميزانيتك 50 وفوق وشف ارخص المعاهد
وابتعد عن المكاتب ..

المشكلة ان الوزارة وضعت جميع التخصصات للمرحلة العاشره لخريجي العلوم الطبيعيه
بمعنى ان الادبي مايشمله الابتعاث ؟ للمرحلة العاشرة

لانه من البديهي خريج الادبي لايدخل تخصص علمي

اطلعت على هذا من موقع الوزارة نفسها من خلال هذا الرابط
طھط®طµطµط§طھ ط§ظ„ظ…ط±ط*ظ„ط© ط§ظ„ط¹ط§ط´ط±ط© ظ…ظ† ط¨ط±ظ†ط§ظ…ط¬ ط®ط§ط¯ظ… ط§ظ„ط*ط±ظ…ظٹظ† ط§ظ„ط´ط±ظٹظپظٹظ† ظ„ظ„ط§ط¨طھط¹ط§ط« ط§ظ„ط®ط§ط±ط¬ظٹ

أسأل الله لك التوفيق