مساعدة محتار بين الوظيفة أو دراسة اللغة ..

والسلام عليكم ٠٠ اسعد الله صباحكم / مساءكم
الله يوفكم جميعا ارجوكم مشاركتي ونصائحكم وتووجيهي ٠٠ انا مبتعث ع برنامج الملك خلصت اللغه وسنه من الجامعه وباقي لي سنه دراسه بالجامعه وسنه تطبيق ومعاي دبلوم صحي من السعوديه ونزل تعييني ع وظيفه حكوميه فني وزاره الصحه نفس المدينه اللي ساكن فيها والراتب ٨٥٠٠ والا في حيره مايعلم فيها الا الله وخصوصا بان المستشفى نوعا ما مريح مو ضغط وفكرت اجل بعثه سنه واباشر لكن بعد السنه ايش الحل لان نظام وزاره الصحه ماتاخذ اجازه بدون راتب الا بعد ٣ سنوات ويعطوك سنه واحده فقط واذا ابغى اقدم ع ابتعاثهم سالفه طويله ٠٠٠
اذا اخذت البكالوريس اكون اخضائي والان فني وفرق الراتب بينهم ٤٥٠ ريال فقط بس الطمع بالشهاده والعلم ولكن ع حساب وظيفه وامان واخاف اترك الوظيفه واتخرج واطول ماتوظفت او ماتتكرر هالفرصه يعني اتعين ب مكان غثيث او ضغط عمل او مدينه بعيد ه شررررررايكم ارجووكم مو قادر اركز ٠٠٠٠٠

وظيفة حكومية جاهزه وتتركها لأجل ابتعاث
ولما ترجع ما اتوقع راح تحصل رقم.

ادرس الموضوع من جميع النواحي ثم صل استخارة ولن تندم

انا رائي لك خذ الشهاده اولا
الوظيفه لاحق عليها كمل طريقك ولا توقف لاني بيني وبينك راح ترجع وتشوف العمل الحكومي وراح تجيك لحظه تندم انك ما كملت.

كحل ممكن تردسه اذا بتحلو ابتعاثك للابتعاث الداخلي وعلى حسب هل في معاهد مصنفه او كليات لديها الاميازات بذلك في مدينتك .

انا هنا اقول ساعتها ادرس الموضوع لكن رائي اتوكل وكمل وراس مالك في شغلك ووظيفتك شهادتك وليس راتبك والراتب يجي بعد الخبر .

يالتوفيق لك

لدراسه ماراح اتركها متبقي لي دراسه ١٦ ساعه فقط اقدر اخذها بالصيف القادم والتطبيق اقدر اجله سنه و ع فكره التطبيق تكلفته ٤٥ الف فقط يعني اخذها ع حسابي بعدين ٠٠ يعني المساله فقط في تارخ التخرج يتاخر فقط ٠٠يعني اتاخر بالتخرج واكون يوظيفه او اتخرج بدري من غير وظيفه

اذا عندك وظيفة حكومية بهذا الراتب غلطااااان جدا تضحي بها
وهل تتوقع اذا درست برا وجيت بتلقى وظيفة احسن واريح واكبر راتب !!
صدقني فرص التوظيف كل سنة تقل عن السنة اللي قبلها
في ناس راتبهم اقل منك ومتوظفين في هجر في اخر الديرة وحالهم مايعلم بها الاالله

بسم الله الرحمن الرحيم.
انا اسمي خالد عمري 21 سنه ع وشك التخرج من الدبلوم ومعدلي لحين فوق 3.50 وراح يرتفع بعد التطبيق .ولما استفسرت عنهم عن البعثة قالولي معدلك يأهلك للبعثه وسالت وخلاص قالولي اخذ لك دوره في نفس الكلية بعد التخرج وبعدها تقدر تروح بعثه . وابوي قالي في وظيفه يمكن تجي اذا جتك لا تروح بعثه محتاار ساعدوني هل اترك الوظيفه اذا جتني واطلع بعثه او اترك البعثه واتوظف ؟؟؟؟؟؟؟؟؟؟؟؟ للمعلوميه اذا توظفت شهادتي دبلوم . واذا كملت برى برجع لسعوديه مهندس =بشهادة بكالوريس+لغة ْ في نفس تخصصي الي هو اداره انظمة شبكات حاسب الالي تكفوون ساعدوني ابوي من جهه وامي من جهه والعائله من جهه ومستقلبي من جهه ... الي مخليني متمسك في البعثه عشان مستقلبي م ابي اي شي يجي في خاطري ومقدر افره لنفسي او لزوجتي بالمستقبل باذن الله

اتمنى تساعدوني وتفيدوني وتطرحون لي رايكم

اخوي رحت للوزاره ؟؟؟ سألتهم اذا العمر يأثر او لا؟؟

السلام عليكم و رحمة الله ..

إخواني أنا موظف تشغيل ذاتي حاليا و بصرآحة أشوف كل الناس شهادات إلا أنا و خصوصا إن طموحي اكمل دراستي و اواصل
و سبق تكلمت مع مدير عملي و قالي بالحرف الواحد إبتعاث ما نطلعك لو تحفر لأن تخصصك إنجليزي و عندك لغة حسبي الله عليه

المهم أنا أبي أفصل و أدرس على حسابي لأن الدوام طفشني و طلعني من طوري و الله تعامل سيء و وقت طويل
فأنا ودي أمتكن عمري و أكمل دراسة لكن أرجوكم الله يدخلكم الجنة و يرفع قدركم أبي جواب شافي لهالأمور :

1) صحيح ما فيه إلحاق لراغبي الإلتحاق بالبعثة ( لاني قريت بموقع الوزارة إن الألحاق لتخصصات معينة و الإنجليزي اللي هو تخصصي ما فيه ) * يعني ما فيه إلحاق ؟؟
2) أفضل مكان لدراسة اللغويات التطبيقية لغة إنجليزية هل هو في أمريكا أو خارجها ؟؟
3) كم عدد سنوات الماجستير ؟؟


تكفون ي إخوان ترى و الله حالتي حالة سكروها بوجيهنا العام الماضي و الحين قريت هالامر و ضيق بالي يعني هي تجي منهم ولا من الحياة

وعليكم السلام ورحمه الله وبركاته. الي اعرفه الابتعاث للتخصصّات الطبيه والهندسة. بالنسبه للإلحاق نظامه تغير مش زي اول يعني الامر تعقد. الشي الثالث انصحك لا تستقيل قدم علي اجازه دراسيه طبعا الاجازه بدون راتب واطلع بحيث انك اذا حصل لك ظرف تقدر ترجع لعملك