قبول نهائي, ولكن ... أرجو المساعدة من أهل الخبرة

ماشاءالله تبارك الله . الله يوفقك. ان شاءالله يردو عليك اهل التجربة وبرضو اقترح انك ترسل استفسار او ايميل للملحقية قسم الدارسين علي الحساب الخاص فيما يخص وضعك. لاتنتظر كثير لأنك جاهز للدراسه الجامعية باذن الله.

الله يسلمك أخوي ومشكور على تفاعلك والنصيحة,, المشكلة ان القبول بعد تسع شهور من الآن

أخي الكريم أمر حاليا بنفس حالتك حيث وصلت مقر الدراسة وبعدها بأسبوعين اختبرت أيلتس وحصلت على 7 ورفعت الطلب مع تقريرين من المعهد بالاضافة لنتيجة اختبار الايلتس وقبول غير مشروط للماجستير. تخيل أن الوزارة رفضت الطلب بحجة عدم كفاية التقارير وتمت مطالبتي بإكمال أربعة أشهر وإرفاق التقارير ولم يعني لهم اختبار الايلتس اي شيء وأزيدك من الشعر بيت: لي ثمانية أشهر أدرس على حسابي الخاص وأربعة أشهر كاملة منذ رفع الطلب ولم يتم الحاقي بالبعثة.

طيب ليه مابديت بالجامعة ورفعت طلب بعدها؟؟ لك ثمان شهور وش تسوي تدرس معهد
شف الوزارة لازم تتعامل معهم بحذر وتوقع منهم أي شي, وأنا حاط فبالي اني ممكن أرجع للسعودية لكن قلت أبحاول,
طيب معك موافقة يوم تطلع وأوراقك سليمة,, وليش رفضوا يضمونك, أو أصلا رفعت الطلب ولا ردوا عليك..؟؟

كلامك يخوف الله يستر ويسهل أمرنا وأمرك ويختار لنا الخيرة المباركة ومشكور على تفاعلك

كلامك سليم ولكن رسوم الجامعة مرتفعة مقارنة بالمعهد لذلك لم أستطع الدراسة بالجامعة. كنت أتوقع يتم الحاقي بسرعة نظرا لوجود درجة الايلتس والقبول الغير مشروط وبالتالي أبدأ الجامعة. طبعا أخذت الموافقة في مقر الدراسة حيث لم يكن حينها حضور الملتقى اجباري وطلبي حاليا معلق في إدارة الجودة منذ قرابة الشهرين وحاليا متوقف عن الدراسة في انتظار الالحاق. بالنسبة لك نصيحتي إذا تقدر تدخل الجامعة وترفع طلب أحسن لك حسب كلام أحد المسؤولين ان الالحاق أسرع لمن يبدأ الدراسة الجامعية. وبالعكس لاتخاف أنا صحيح متأخر في الالحاق لكن ثقتي بالله كبيرة

السلام عليكم ورحمة الله .. مشاركتي الاولى في هذا المنتدى , رغم اني كنت اتابعة من اكثر من ثلاث سنين , لطموحي بالالتحاق فالبعثة, ولكن قدر الله وماشاء فعل , قدمت على البعثة العاشرة وانصدمت برفضي بسبب المؤهل غير مطلوب, رغم ان صديقاتي طلعوا بنفس مؤهلي بس فالبعثات السابقة ..
المهم قررت مايوقف حلمي الرفض , وفكرت ابدا أسجل وادرس على حسابي الخاص, شفت عدد من جامعات امريكا وفيها نفس الأقسام اللي ابيها " طبعا انا الأقسام اللي ابيها كلها في الأدارة التعلمية خصوصا ادارة التعليم العالي, وطبعا اللي معطيني امل اني ممكن اجتاز وانظم للبعثة وارتاح من عنا مصاريف الدراسة, عموما انا أبي اسأل اهل الخبرة والمعرفة عن كيفية التسجيل الدقيق لدراسة ع حسابي الخاص..؟
2/ ابي اعرف وش هو برنامج سفير بالضبط يقدر يسجلني كـ مبتعثة على حسابهم او يضمني للبعثة او كيف هو بالزبط ؟ لاني شفت مربعين : الاول الراغبون لدراسة على حسابهم الخاص, والثاني الحصول على بعثة لدراسة , فما اعرف وش الفرق وهل هو برنامج بعثات حكومي او شي خاص ..؟ وهل راح يقبلني لو اسجل عندهم مع الراغبين في الحصول ع بعثة لدراسة ولا راح يرفضوني لاني انرفضت من برنامج خادم الحرمين بسبب المؤهل غير مطلوب ؟
3/ انا شفت ببرنامج خادم الحرمين للابتعاث خانة صغيرة مكتوب فيها " الموافقة على الدراسة على الحساب الخاص..؟ فما اعرف وين اسجل بالضبط عشان ادرس خاص..؟
$/ حاليا انا قدمت اعتراض على رفض المؤهل " فهل هناك امل انهم يقبلون اعتراضي ولا غالبا لايقبل "؟
5/ طيب هذا البرنامج حق الدارسون على حسابهم الخاص له وقت ويقفل يعني ينتهي التسجيل ولا مفتوح طوال السنة..؟ وابي لو ينتهي التسجيل متى بالضبظ عشان لايفوتني..؟
7أ ابي مشورتكم علي وكيف ابداء ارتب واجمع اوراقي هل ضروري في التسجيل الخاص اكون جايبة جميع القبولات من لغة وجامعة وتخصص ولا يتغاظون لين يوم التدقيق.؟
8أ اخوي المحرم حقي يدرس بالجامعة ولو طلعت هو اللي راح يطلع معي .. لكن ماودي يخسر دراسته بعد هنا .. انا اقترحت انه يقدم اعتذار سنه ويكون معي سنه كمحرم .. اذا عجبة الوضع يكمل معي عادي لو ماعجبة يصير يرجع ويكمل دراسته هنا واخو الثاني يطلع معي .. هل راح يقبلونه كمحرم ولا يطلبون انه يفصل من الجامعة ؟؟ واسساسسا هو بيكون معتذر سنة يعني متفرغ معي..؟
ماعرف وصلت الرقم كم/ المهم دلوني كيف اسجل خاص وكيف اتواصل مع الملحقية عشان تضمني باقرب وقت ممكن وهل راح اتمقلب ويتركوني هناك فترة طويلة بدون انضمام..؟ولا من خلال ثلاث او 4 اشهر اذا اثبت نجاحي يضموني .. كذا سمعت.؟
انا طيب اخر سؤال / هل صحيح راح ترفض الملحقية انضمامي للبعثة بسبب ان مؤهلي اساسا مش مرغوب فالبعثة العاشرة ؟ رغم اني بكون ماستر فالادراة التعلمية..؟ وهل صحيح انه ممكن ماما توافق على تخصصي الدقيق لانه مايناسب شهادة البكالوريس " دراسات اسلامية"

انا ادري طول عليكم .. بس السموحة .. والله يجزاكم خير لو دليتوني على الصواب .. اتمنى كلامي ان لا يُهدر او يُهمل .. بانتظار ردكم .. و وفق الله الجميع

أنا حاليا بين فكرة اني أبدأ دراسة بالجامعة أو أنتظر أربع شهور بالمعهد وبعدين أرفع أوراقي, وأسأل الله أن يهديني وإياك سواء السبيل, أشكرك على نصائحك القيمة

دمت بخير

وعليكم السلام ورحمة الله وبركاته..

اللي أقدر أفيدك فيه ان تخصص ماجستير بالإدارة التعليمية غير موجود ضمن تخصصات الماجستير المتاحة للدراسة في الخارج وذلك يعني أنهم مارح يضمونك للبعثة وتخصصك غير موجود ضمن التخصصات المتاحة.. يعني لازم تدورين لك تخصص متاح, مثل التسويق,, وفي موقع الوزارة موضحه البرامج, وروحي برجلك للوزارة واسألي أحسن..

الشي الثاني بخصوص خطوات الدراسة على الحساب الخاص, أولا أخذ الموافقة من الوزارة وفيه شروط موجودة بالموقع عشان تاخذين الموافقة, بعدين تسافرين لبلد الابتعاث وتفعلين قرار الدراسة أول ماتوصلين, بعدين تدرسين أربع شهور في معهد وبعدها ترفعين طلب إلحاق ونتظرين لين يجيك الرد بالرفض أو القبول ...

من وجهة نظري انك تدخل برنامج اللغه الانجليزيه حتى تكمل شروطهم اللي هي اربعة اشهر وارفع اوراقك وارفق معها اختبار الايلتس و ان شاء الله ربك يسلها في وجهك ومنها علشان التكاليف ارخص لك من ان تتحمل مبلغ فصل في دراسة الماجستير وهذا والله اعلم .