النموذج الطبي هل أرفقه بالموقع أو أحضره للملتقى ؟

بكل الاحوال راح يرسلون لك دعوه لحضور الملتقى واذا كان عندك نواقص بيرسلون لك ايميل فيه طلبك وتكمل النواقص


بالتوفيق


( تمت المشاركة باستخدام تطبيق مبتعث )

يعطيك العافيه اخوي
طيب متى يرسلون ايميل اكمال النواقص بعد حضور الملتقى ولا قبله ؟

أهم شي انك خلصت الفيزا من السفارة و جبت قبول معهد و I-20 إذا ما جبت ذي ما راح يعطونك رقم طلب ,,,, يعني لو ترفق شهادة والهوية والباقي تقول بعدين لين اجي الملتقى اعطيهم ,, كذا انتبه ما راح يعطونك رقم طلب حسب اللي قالوه المسؤولين بالوزارة ..

اما بالنسبة للفحص الطبي تبهذلت فيه رحت لمستشفى الملك سعود اللي بالسلي عندنا بالرياض يسوون للموظفين فحص بس للطلاب ممنوع وانا جايهم قبل شهرين ,, ممكن فيه مشكلة حصلت بينهم وبين وزارة التعليم العالي واعرف زملاء لي قبل سووا عندهم من فترة فحص لكن لطلاب الابتعاث ما يسوون ,, رحت لمستشفى الملك فهد وقالوا لي ما نسوي لك روح لمستشفى الشميسي المهم كل ما اروح لمستشفى صار يشوتني لمستشفى ثاني صرت كورة في ملعبهم ,, المهم رحت لمركز الحي الصحي عندنا وقلت للدكتور السالفة وقالي خلاص اهم شي جيب لي فحص الكبد الوبائي A , B ومرض ثاني جنسي مدري وش اسمه المهم انا كان عندي ملف في مستشفى الدكتور سليمان الحبيب ورحت له وسويت فحوصات الدم للكبد وبعدين عطوني النتائج ورجعت لدكتور مستشفى الحي واخذ صور من النتائج وعبيت الورقة وختمها المدير بختم المركز الصحي الحكومي وكذا خلصت موضوعي,,,, كانت رحلة ممتعة ,,,,,

ياخي ما ادري ليه كذا كله كشف طبي ماهو اختراع انا مابقيت مستشفى مارحته أقل سعر 500 وانت طالع

انا ساكن في جده بالله الي سواه يقلنا من فين سواه لاني طفشت منهم

مكة مستشفى حكومي 200 ريال 500 والله كثير

السلام عليكم كيف حالكم ؟

المهم انا سجلت بسفير وكل شيئ وعبيت كل شيئ
ورسلت وعطوني رقم طلب وكلش
بس فيه شيء محيرني الي هو النمودج الطبي
توه خالص اليوم ومدرري وين ارفقه اخذه معي وقت المقابله او في الموقع حقهم
مع العلم في موقع سفير في المرفقات مو مكتوب نموذج طبي .
الي فهمته اني اخذه معي افيدوني بالله .
وحالة متابعة الطلب حقتي : في الوزاره .
< كيف يعني في الوزاره وش قصدهم ؟

الفحص الطبي تاخذه معك في التدقيق وقت الملتقى ورح يعلموك انه بيجيك ايميل تكمل فيه النواقص ... اما الطلب في الوزارة فتنتظر الى مابعد الملتقى ليتخذ القرار فيه

وعليكم السلام ورحمة الله وبركاته , حياك الله يا بودا

على ما قريت سابقا من مواضيع سابقه انهم اذا فحصوا طلبك واكتشفوا انه في نقص في احد المتطلبات كشف الطبي راح يرسلون لك انك ترفق الكشف الطبي من رابط تدخل عليه , وفي اسوء الاحتمالات خل الفحص الطبي معك في يوم التدقيق في الملتقى و خلهم يشوفونه و ترفقه من عندهم , وبالنسبه لحالة الطلب في الوزاره كلنا نفس الوضع لان تو مقدمين و تخبر زحمة المتقدمين و غير الفرز اللي ما هي كامله اوراقه واللي مسجل بدون الاوراق يعني ياخذ وقت ولكن هم راح يرسلون لنا قبل الموعد الملتقى بأيام معدوده توضح اوقات حضور الملتقى و تفاصيله و فالنا التوفيق ان شاء الله

راح طلبك مايمديك ترفقه
كان فيه خانه مكتوب فيها مستندات اخرى اوشي زي كذا ماني فاكرتها
ويمديك تحملها ف اي مكان لانها تشيل ٤ ملفات تقريبا