نقآشآت وحوآر حول مٌلتقيآت آلدآرسين على آلحسآب آلخآص(آلدمآم, آلريآض وَ جـــدهـ)

بامكانك تروح للوزاره وتسالهم متى يقفل التسجيل في الملتقى.. اذا في وقت استن وقدمها لان الفيزا ما تاخذ وقت بالكثير خمس ايام وتطلع.. وانما اذا مافي وقت سجل وتعالهم بالفيزا وان شاءالله تمشي وبيرسلون لك ايميل بعد الملتقئ تكمل باقي النواقص اذا هم باقي ع النظام الاول

السلام عليكم ياشباب انا سجلت في الدارسين على الحساب الخاص ومليت الاستماره كلها وصلتني رساله ب الرقم واليوزر في متابعة الطلب
متى يقبلون الطلب بعد ما احضر الملتقى ولا قبل ؟ لان الملتقى حقي في جده بعد 3 شهور وبسافر بعد 10 ايام

وعليكم السلام ورحمة الله وبركاته
حياك الله ،،

تسجيلك في الموقع لا يعني الموافقة على دراستك ..
عليه، فإن حضور الملتقى إلزامي .. وعدم حضورك للملتقى يعني عدم الموافقة على طلبك فيما بعد ..

أجِّل سفرك ودراستك إلى مابعد حضور الملتقى ..
بالتوفيق ،،

المشكله م اقدر ااجلها خلاص بعد 10 ايام حجزت سكن وتذاكر الحين وطلعت قبول جامعة ومعهد
طيب بيردون علي قريب ولا بعد م احضر لان ملتقى الخبر راح علي م بقى الا جده والرياض انا بحضر جده
بروح وبرجع

المشكلة إن الحضور لابد منه وشرط أساسي للإنضام !
يجب عليك حضور الملتقى .. إحضر أقرب ملتقى لأن سفرك للدراسة لا معنى له ولن يتم إلحاقك حتى تحضر الملتقى ..
هذا شرطهم !!

الرد يأتي بعد حضورك للملتقى ..

اانا بروح ادرس بعد 10 ايام بعدها برجع شهر 8 اللي هو موعد الملتقى حقي بجده عادي ولالا انا كلمت المعهد وقلتلهم بسافر 4 ايام جده لحضور الملتقى .
بس سؤال اخير هل الملتقى يوم واحد او 3 ايام متتاليه ؟

الملتقى يعتمد حسب ماهو مكتوب في الموقع ..
بعض الملتقيات يوم و البعض الآخر ثلاث أيام وحضورك لجميع الأيام إلزامي ..

تأكد أكثر من نقطه مُهمه:
هل يتم إحتساب الشهور التي تدرستها ضمن الـ 4 أشهر ؟
أم ستحسب بعد حضورك للملتقى ؟
يجب أن تتأكد من هذه النقطة .. لانريد لك خسارة الوقت و المال دون فائدة !

يعطيك العافية أخ سعيد
أحتاج قبول جامعه في أقرب وقت .. .. وشكرا

أخي الكريم ،،

إذا كنت تروج دعاية لهذا المكتب لاتذكره بالمنتدى أو حتى بالرسائل الخاصة ..
لأنه سيتم حظر عضويتك إذا تكرر هذا حسب شروط وقوانين المنتدى !!
ومواضيع المنتدى و النصب و الإحتيال من هذه المكاتب .. مليئة بالمنتدى !!
وسبق لإدارة مُبتعث التحذير منها !!

بالتوفيق ،،

السلام عليكم ورحمة الله وبركاته..


تحية للجميع وبعد..

في هذا الموضوع اتمنى من كل من قدم على طلب فتح ملف دارس على حسابه الخاص (في اللقاء القادم في الدمام شهر رجب الموافق شهر مايو) المشاركة واطلاعنا على المستجدات معه وتوقعاته لتاريخ ارسال الدعوات للمتقدمين وتاريخ انعقاد الملتقى بالضبط وافضل الاماكن للسكن في الدمام لمن هم من خارج الدمام،،، اعني مناقشة كل ما يتعلق بهذا اللقاء.

انا قدمت على الطلب في يوم ٢ ابريل وحصلت على رقم الطلب لمتابعته، والى الان حالة الطلب ( طلب جديد).


بانتظار مشاركاتكم مع تمنياتي للجميع بالتوفيق.

شاكر لكم.