نقآشآت وحوآر حول مٌلتقيآت آلدآرسين على آلحسآب آلخآص(آلدمآم, آلريآض وَ جـــدهـ)

ياخي دامك مقدم طلب خلاص .. معك رقم الطلب بيجيك رساله ل حضور الملتقى بجده ، أنا مثلك ماجتني رساله بس رح أرجع وأبحث عن مواضيع الأخوان ،زي مارجعت انا
وحصلت أن الرساله تجي قبل الملتقى الي على حسابهم الخاص ب اسبوع ،

وبعدين تراك لحست مخي
يوم تقول انك قدمت على طلب وجاك رقم طلب ، خلاص دام جاك رقم طلب يعني معناك سجلت ب هل أنت سجلت ب ملتقى جده ولا لا ، لا يكون مقدم عن طريق مكتب ولاشي

https://safeer.mohe.gov.sa/Sites/Stu...alAccount.aspx
ومن هنا ترفع أوراقك وتسجل ب الملتقى والله يوفقك

اخوي انا ناقصني قبول الجامعه ما جا هل اسجل ف الموقع واحضر الملتقى او احضره من دون تسجيل

والله ي أخوي على حسب ماقريت وبحثي السابق ، ان اغلب الناس سجلو بدون قبول جامعي ويوم جاء الملتقى
ومرحله التدقيق كد وصلته القبول الجامعي
يعني ب المختصر سجل ، ولحق ع عمرك وارفع كل المطلوبات
ومايلزمك تحط القبول الجامعي ، بس بمرحله التدقيق يعني وقت الملتقى لازم يكون معك القبول الجامعي
والله يوفقك ..

وَ عليكم آلسلآم وَ رحمـــة آلله وَ بركآتة ..
حيآكـ آلله ..

رآجع هذآ آلموضوع:
http://www.mbt3th.us/vb/forum178/thread460437.html
وَ هذآ:
http://www.mbt3th.us/vb/forum178/thread460394.html

موفق ,,

سلام عليكم .. ياجماعه الخير أبي كل من يقراء كلامي .. يساعدني .. ويساعد أخوانه
أي شخص تجيه رساله ل الملتقى حق جده الي ب 21/12/2014
يعطينا خبر ، لأن اكثر من شخص الي سجل ب أيميل غلط ، والي سجل ب أيميل مكتب
فعشان كذا ألي تجيه رساله تكفون يجي يبلغنا هنا ، وتذكر أن بتجيك دعوه وتوفيق من الله لأنك حبيت أخيك ما حبيت لـ نفسك
والله يوفقنا ويآكم ونكون من المبتعثين من أول 3 شهور

طيب اخوي بيجي يوم الملتقى وقبول الجامعه ما جاء ,وش اسوي الحين اسجل فالملتقى ولا احضر من دون تسجيل ...؟

ي أخي اولاً خلاص ملتقى جده قفل ، على حسب كلام الاخوان
ثاني شي سجل الآن انت قبل ما يقفل عليك على ما أعتقد حق الرياض
وأرفع الأوراق الي طالبينها مو شرط ترفع قبول الجامعه اذا ماهو متوفر
عادي لا ترفعه بس أهم شي اذا حضرت الملتقى لازم يكون معك قبول الجامعه
ومتى موعد دراستك اذا موعد دراستك .. قريب يلزمك تروح ل التعليم العالي بالرياض وتشرح لهم حالتك
وبيضيفونك ع جده ان شاء الله وموفق ، ان شاء الله
دعواتك لي

اخوي حق جده اظنه باقي فاتح
جيت ابسجل فيه يقولي رقم تأشيرة السفر وانا الفيزا باقي ما طلعتها ..؟؟ وش اسوي ..؟؟؟

لا ما الظاهر انه فاتح قفل على كلام الأخوان ..
وبالنسبه لك كم مخلص وضعك من السفاره انا اخذتها بعد توفيق الله ب يومين هي
، وبالنسبه شفت واحد من الأخوان قال انه حط ارقام من عنده وراح حضر الملتقى
لأن هي أهم مرحله التدقيق على الأوراق عند الملتقى ، بس يمكن مشت معه ويمكن ما تمشي معك
والله ياخوي مابيك تخاطر أقول لك سجل اي أرقام بعدين يقعدون لك ..
أخلي المايك ل أحد الأشخاص الي صارت لهم وجربو

انا اوراقي ما كانت كامله وسجلت في ملتقى الدمام بدون فيزا وبدون بطاقة احوال وبدون قبول وجامعه وبدون فحص وحضرت الملتقى وما في تدقيق اهم شي سجل وخذ رقم طلب وبعدها بيردون لك رابط تعدل بياناتك