نقآشآت وحوآر حول مٌلتقيآت آلدآرسين على آلحسآب آلخآص(آلدمآم, آلريآض وَ جـــدهـ)

ي جامعه بكمل اربع شهور وما جتني افاده الحضور وش اسوي يعني ارجع السعودية واسحب على البعثة ؟

على حسب احتمال يرسلون لك دعوه للملتقى واحتمال يردون طلبك عشان تكمل النواقص على سبيل المثال انا وصاحبي قدمنا في ملتقى الرياض السابق ... انا جاني ايميل رد انه ارفق النواقص ولم تصلني دعوة الملتقى الا بعد ان رحت للوزاره بنفسي وكلمتهم والحمدلله تيسرت .. صاحبي ما ردو عليه ولا شي ولكن لم يرسلو له دعوه الملتقى ف راح للوزاره معايه وتيسرت الحمدلله ... اتمنى اني افدتك

قبل ملتقى الدمام لازم تروح للوزاره وتثبت لهم ان موعد دراستك قبل ملتقى جده اللي في اغسطس ولما جيت تحجز ل ملتقى الدمام قالك فل وحجزت على ملتقى جده واشرح لهم وضعك وخلي معاك اوراق تثبت مدى صحة كلامك وراح يحولونك الى ملتقى الدمام ضروري تروح للوزاره الله يعينك

تسلم ياعبودي على مشاركتك الحلوة .. والله يستر و يسهلها من عنده ، بروح ان شاء الله و اشوف

لام عليكم

انا قدمت على الموافقه للدراسه على الحساب الخاص قبل ملتقى الرياض باسبوع لكن ماحضرت لان ما ارسلو لي موعد ولا كان معي قبول وفيزا لسه ماخلصت اوراقي



والحين جبت قبول وفيزا و لما اجي اقدم من جديد يطلع لي يوجد لديك طلب سابق تحت الاجراء!! ولما اجرب ادخل متابعه الطلب لايوجد نتائج في نظام المتابعه !!





وش السواة !!

اخي في ناس راحو سألو الوزاره قالو مافيه افاده تتسجل تلقائيا في الوزاره يعني اذا حضورك تمام تطمن وانتظر الموفقه!!

الحال من بعضه مالها الا نداهمهم في الوزاره

السلام عليكم و رحمة و بركاته ..
الله يسعدكم أنا عندي استفسار أنا حابه أكمل دراسة الماجستير في كندا على حسابي الخاص ، و للأسف مالقيت قبول مشروط في الجامعة الموجود فيها تخصصي
و اللي يدرس فيها أخوي ( المحرم ) ..
سؤالي هل يتم الموافقه على حسابي الخاص لمرحلة الماجستير في الملتقى و الانضمام فيما بعد على الإبتعاث ..؟؟؟

و جزاكم الله كل خير ..

وعليكم السلام ورحمة الله وبركاته
وفقك الله وايانا
اختي الوزاره مشترطه للحصول على موافقه للدراسه على الحساب الخاص ان يكون عندك قبول مشروط باللغه او نهائي
٢/الحصول على الموافقه للدراسه على الحساب الخاص يحتاج وقت من الوزاره و على حسب كلام الدكتور هذال انها تستغرق من ٤٥الى ٦٠ يوم
٣/الإلحاق قد يطرأ عليه تغيير في السابق كان يشترط واتكلم عن امريكا لاادري عن بقيه الدول تحتاج دراسه ٤شهور على حسابك الخاص بعدها ترفعين طلب الحاق لكن الآن الله اعلم مالذي سيحدث
حضور الملتقى لايشترط ان تكون اوراقك كامله في كثير حضروا الملتقى بدون مايكون عندهم قبول جامعه لكن طلب منهم يوفروا قبول لأن الوزاره ماراح توافق الا بقبول جامعه
اسأل الله ان ييسر امورنا ويرزقنا مانتمنى ويوفقنا
نصيحه اختي توكلي على الله واسعي لما تريدين واحضري الملتقى وحاولي الحصول على قبول واسألي الله التوفيق والسداد

السلام عليكم
يالغالي انا قبل يومين كنت في الوزاره ودخلت ع الدكتور وقال: التسجيل مغلق له 6 ايام تقريبا لان عندنا تغيرات بسيطه (ما علمني بها)،
المهم انهم بيلغون ارقام طلباتنا كلها اللي في الملتقيات القادمه ويفتحون التقديم عليها من جديد بعد 4 او 5 ايام وراح يبلغوننا عن طريق الايميل انه تم الغاء الطلب وبعد كذا ترجع تقدم من جديد في الملتقى اللي تبغاه

وتراني نفس حالتك بالتمام
والله يوفقنا وياك.