نقآشآت وحوآر حول مٌلتقيآت آلدآرسين على آلحسآب آلخآص(آلدمآم, آلريآض وَ جـــدهـ)

انا رحت الملتقى و دوبي جيت خرجونا من الملتقى قريب الساعه 1
في تشدد في دخول الملتقى خاصة الي ما جاته دعوة لازم بالهوية الوطنية تجيبوها معاكم عشان يمررونها على الباركود و يبان بالنظام اذا جاتكم دعوة ولالا
اما الي عنده نواقص قالو بكرة في ناس بتجي من الوزارة يصير تخبروهم عن وضعكم
الله يوفقكم جميعاً و يسهل أمركم

للأسف ردونا وقالوا تعالوا بكره الصبح الساعه ١٠ وعد مني يقول اخلص اموركم حقين النواقص ، نحنا نبي ع الاقل تسجيل حضور فقط اما الباقي كله اون لاين. ملاحظة انت حضرت اليوم ع الساعه ٩

واتمنى من الشباب يفيدونا بالجديد

بصراحة فكرة الملتقى سيئة جداً ولو ان فيها معلومات بسيطة وتعامل طفولي ع قول الاخ اللي كتب عنه اليوم. كان سووها في بلد البعثة ويكون الحضور الزامي وخلصنا بس وش نسوي الشكوه لله

وش قالو لكم بخصوص الالحاق اربع شهور ولا 30 ساعه

بالنسبة للسيدات، دخلونا في قاعة مخصصة لأصحاب المشكلات وكتبنا اسماءنا والمشاكل ورفعوا اوراقنا لقسم البنين، والآن ننتظر..!

دخلت الملتقى على 8.30 وطلعت على 1.00 تقريباً , ماطلبو مننا لا أوراق ولا هم يحزنون أهم شيء اثابتك وورقه الموعد , ولا عطونا شيئ , طبعا ورقه الموعد ماهيب معي فطلعت موعدي من جوالي ومشاني ..
طبعا بكرة ان شاء الله بجيب نفس الأوراق اللي جبتها اليوم أحتياطاً , اخاف يقولون تدقيق ومدري وش ؟ الزبده لحسه والله والله يعين

انا ما دخلوني لأني حضرت ملتقى قبل سنة وكانت اوراقي ناقصة
اليوم قالوا لي خلاص ما تحتاج تحضر و سألتهم عن التدقيق قالوا مافي تدقيق وأمورك طيبة

السلام عليكم ورحمة الله وبركاته

بعطيكم موضوعي كامل عن ملتقى الدمام 😂

انا جاني رفض ب ملتقى الدمام بسبب عدم ارفاق صورة التأشيرة وسجلت في حق جدة كامل البيانات وفيه كل شي مكتمل رحت اليوم لملتقى الدمام وبالبداية رفضو دخولي لانه ماعندي دعوة طبعا بالاسلوب المحنك والاسلوب السياسي دخلوني قابلة حق تقنية المعلومات قال لي مقدر افسدك دام ما ارفقت الصورة وقتها قلت له انا في نفس يوم الرفض وصلة الفيزا قالي مدري مايقدر الا هذال العتيبي وجنبه طبعا المشرف حق الملتقى طلعت برى البوابة وكلمت واحد رجال اجودي طلبته منا ومنا و الوالد ماقصر ضبطني دخلت عند المشرف و الاجودي جاء معي وكلم المشرف قال زبط امور الرجال واقفه معاملته عشان التأشيرة والحين التأشيرة معه تخيلو قال عكني رقم الطلب حق جده وعطيته وقال خلاص عدلته لك بكرة تحضر الملتقى وزبطني رحت شيكت الطلب ومكتوب مدعو لحضور الملتقى ولله الحمد زانت اموري وغير موعد جده للدمام وفي ناس كثير يكسرون الخاطر زحلقوهم


الله يرزق الجميع لما يتمناه .. تحياتي

ايه صح وبكمل وفيه ناس جايين من امريكا ومابغو يدخلونهم عشان اللبس احرصو عالثياب يالربع ولاتفقدون الامل حاولو فيهم وانشبو لهم وتوكلو على الله ف من اتكل على الله راح يوفقه ويساعده

وفيه ناس كثير مساكين جايين من جده لاكن الحمدلله

اجل يضحكون علينا اليوم يوم قالوا ما بيدنا شي لازم يجي مسؤول من الوزارة نشوف ع كلامة تعالوا بكره اموركم محلولة عيب والله عشان فيزا تخربون علينا كل هذا حسبنا الله ونعم الوكيل