مساعدة من وين ابدا ؟

ياهلا اخوي ابو عثمان
انا قدمت طلب ولم ارفق الا التالي:
قبول جامعي مشروط
صورة من الجواز
صورة من البطاقة
صورة من البكالوريوس
فقط
طبعاً انت الان حاول تقدم حتى تحصل ع رقم طلب وتحضر الملتقى وبعد الملتقى بيرسلون لك رابط في الاميل او يطلبون منك الدخول ع رابط التقديم من جديد وارفاق الناقص ...
انا انصحك تقدم وترفق اللي موجود لديك الان واذا تستطيع تجديد الجواز الان اصبح اسهل من اول عن طريق نظام ابشر وتختار فرع الاستلام ومايطول باذن الله..
والله احد الشباب كان كاتب انه حضر بالجواز فقط لكن ماتعرف للوزارة ،

طبعاً انا كتبت بالملاحظات انني انتظر وصول قبول اللغه واستخراج التأشيره .
وفقك الله لكل خير

بسم الله الرحمن الرحيم



السلام عليكم جميعا اخواني و اخواتي
مساء و صباح النور على الجميع اين ما كنتم

اول مشاركه لي بعد فترة مشاهدة طويييله للمنتدى



عندي كم سؤال لكم
اولا انا خريجة بكالريوس محاسبه من سنه تقريبا

و بعد الجلوس في البيت و التفكير رجع لي حلم الماضي و هو اكمال الدراسه في الخارج
و الرجوع باللغه و شهادة ترفع الراس

المهم بما ان نسبتي ضعيفه او نقول اقل من المطلوب لبرنامج ابتعاث خادم الحرمين الشريفين
و هي 2،98 من 5

فبدا التفكير يتجه للدراسه على الحساب الخاص بعد ما شفت انه في امل انظمام للبعثه
المعضله الثانيه و بصريح العباره ( I don't have money )

فتوجه نظري لارض املكها و قد تكون هي كل ما املك :/

ف سؤالي هل تستحق الدراسه ان ابيع الارض و اتوجه للابتعاث
هل نسبة قبولي ان شاء الله كبيره او ارجع بدون مال و لا ارض و لا بعثه

يعني ابي شوركم
و ما خاب من استشار
هل
1- اتوكل على الله ابيع و اسافر
2- في امل تنقبل نسبتي تبع برنامج الابتعاث
3- اشيل فكرة الدراسه من راسي و امد لحافي قد رجولي


و اخيرا اعتذر عن الاطاله و شاكره لكم مقدما

وعليكم السلام ورحمة الله وبركاتة ..
حياك الله ..

يُقال بأن الأرض تُسمى " الإبــــن البار " . . لــذا في حال أبقيتي عليها ستفيدك بإذن الله ..
وفي حالتك لديك خياريان ..

الأول : بيع الأرض وَ الذهاب إلى أمريكا ولكن قبل الذهاب يجب أن تذهبي على ضمانه مؤكده للدراسة ..
بمعنى ..
لا تذهبي على مستقبل مُبهم !!
بحكم أن معدلك ليس مُرتفع ستحتاجي إلى معادلتة من شركة WES وهنا موضوع يُبين لك طريقة المعادلة لعل وعسى يرتفع المعدل ..
تفضلي:
http://www.mbt3th.us/vb/forum127/thread458961.html

بعد التقيدم على الجامعات الأمريكية ولتعلمي أمر .. ليس جميع الجامعات الأمريكية تطلب معادلة بل بعضها ..
عموماً ..
بعد الحصول على قبول مضمون من جامعة أمريكية في هذه الحالة بإمكانك بيع الأرض بعد إكمال جميع أوراقك وَ حضور الملتقى و أخذ الموافقة من الوزارة للدراسة على الحساب الخاص ..

الأمر الآخر :
عدم المجازفة و الذهاب بهذا المعدل المنخفض و يجب أن تضعي بالحسبان مبلغ أكثر من 85 ألف ريال كمبلغ إحترازي في حال عدم الإلحاق في وقت مُبكر ..
لأن نظام الإلحاق أصبح مُعقد أكثر من قبل ..

و الأمر عائد إليك ..
بالتوفيق ,,

كلام اخوي حروف متناثرة في مكانه ,
ولكن حاب بس اركز على نقطه لفتت انتباهي ,

يعني انتي تقريباً كملتي سنه بعد التخرج .. طيب ماقدمتي على وظايف ؟
انا اشوف انك مستعجله على البعثة وهذي مغامرة , تغامرين بالشي الوحيد اللي تملكينه اللي ممكن يوم من الايام قد تحتاجينه !

فحتى لو كنتي بتروحين بتحتاجين محرم والمحرم غالباً بيكمل دراسته ماهو قاعد هناك لاشغل ولا مشغله !
الا اذا كان محرمك ابوك فهذا امر مختلف !
والمحرم لحاله يحتاج له راس مال حتى يقدر يكمل دراسته ويلتحق بالبعثة برضوه !

يعني المسألة ماهي بهالسهولة , ترى فيها مسؤوليات ..
لو كانت اوضاعكم المادية تساعد كان عادي .. لكن بحسب كلامك انتي متكله على الله ثم على هالارض اللي مادري حتى كم بتجيبلك لو بعتيها الان !

انا انصحك بأنك ماتستعجلين بالامور .. على الاقل توظفي بالشهادة اللي معك واجمعي .. وممكن الله يفرجها وتتزوجين (لو كنتي مو متزوجه) ويساعدك زوجك بسالفة البعثه وتطلعون تكملون بعثتكم مع بعض وبالتالي بتكون الامور اكثر اتزان لكم !
او ممكن حتى الوظيفه تغنيك عن اكمال الدراسة لان بيكون راتبها زين .. والخبرة بتكون اهم من الدراسة في المجال الوظيفي !
يعني لو اخذتي الماجستير وبحثتي عن وظيفه الفرص الوظيفية بتكون اقل, بينما لما تكونين مقدمه على وظيفه بالبكالريوس ومعك شهادة خبرة لاتقل عن ثلاث سنوات !
لذلك , انا انصحك بأنك تبحثين عن وظيفة الان وتكملين فيها وتتركين فكرة الدراسة في الوقت الحالي حتى تكملين على الاقل ثلاث سنوات خبرة !
منها تجمعين فلوس , ومنها تاخذين خبرة .. وبعدها لو حبيتي تكملين ماجستير تقدرين تكملينها وترجعين .. وتقدمين بشهادة الماجستير + شهادة الخبرة !
وبالتالي تكون حتى فرص التوظيف عندك عاليه جداً .. والعروض راح تكون افضل بكثير من لما تدرسين ماجستير وتقدمين على وظايف بدون خبرة !

تعقيب لكلام محمد فهد

ملفات خرجين وخريجات بكالوريوس وماجستير ودكتوراه من المراحل السابقة للاابتعاث ملأت إدارات التوظيف بالجامعات

عند تساوي المتقدمات من دول العالم والمستوى تتجه لجنة التوظيف للنظر للخبرة قبل اسبوع تم القبول من اللجنة معيدة خبرة ثلاث سنوات بالتعليم على حاملة ماجستير من امريكا السبب الخبرة بدرجات اللجنة خريجة ماجستير امريكا ما استطاعت تقديم مهارات أكاديميه للأسف تحصل فيها على تقييم اللجنة لا ثقة لا قدرة على الشرح عكس صاحبة الخبرة ماشاء الله كانت تملك مهارات عالية حصلت على تقييم اعلى

سرعة الابتعاث ممكن ان يكون قرار غير صائب وفق الله الجميع

السلام عليكم ورحمة الله وبركاتة
كيفكم؟
اول شيء انا محتارة في التقديم جداً محتارة
انا انقبلت ماجستير في سعود الحمد لله لكن حالت ظروف بيني وبين النجاح في كل المقررات وكان القرار تعسفي انو النجاح في كل مادة جيد ! وتصحيح الدكاترة مره زفت
والاسئلة كانها تعجيزيه تحتاج لف ودوران مره لين تجيب النتيجة المطلوبة

وكان فيه دكتور معانا مديني صفر في كل الامتحانات مع ان النتيجة صحيحة نفس الناتج النهائي لكن مو نفس طريقته فـ يديك صفر

النتيجة اثرت المادة دي ع كل المواد وحملت كل المواد

عموماً مالكم في الطويلة
الحين انا محتارة اترك الجامعة بنفسي والا انتظرهم هم يطردوني لان م جبت معدل جيد جدا في مستوين يسوو طي قيد

المهم

الحين وش تنصحوني اقدم برا واكمل مع العلم تخصصي فيزياء ومعدلي جيد مرتفع
حاليااً ابغى معهد يكون كويس وماهو غالي مره بس المكان امن لان بنروح انا واختي هي بالثانوية وبمعدل 73 وانا بالجامعة




ولكن شروط الالتحاق بالبعثه للماجستير

انو درجة البكالريوس تكون جيد جداً فهل هذه تعيق الالتحاق بالبعثه بعدين او كيف يعني تروح دراستي وفلوسي كدا عشان الشرط دا او لا

ابغى اتاكد قبل اقدم كل اوراقي

ومع العلم حاصلين على درجة التوفل انا وهي السنة هذه هل تساعدنا في تخطي مستويات في المعهد ام لا

الرجاء الاجابة الشافية وشكراً

وكم ممكن يكون تكلفة المعهد مع السكن اجمالي ككل بمعهد يكون مو غالي مرة وايهم احسن السكن مع عيلة او سكن خاص

اعتذر ع الاطالة وشكرا

وعليكم السلام ورحمة الله وبركاتة ..
حياك الله .. وَ الله يعوضك خير بإذنه الكريم ..

شروط البعثة هذه لمن يرغب في البعثة وَ ليس لمن يدرس على حسابة الخاص وَ يرغب بالإلحاق ..
يوجد فرق .. لو كان معدلك جيد جداً كان الأفضل التقديم بشكل مباشر على برنامج خادم الحرمين الشريفين للإبتعاث !
لذا من لم يحالفه الحظ أو إذا كان المعدل لم يوافق شروط البرنامج .. الدراسة على الحساب الخاص هو الحل ..
ولا يُنظر للمعدل فيما بعد !

تعتمد على درجتك في التوفل ..
لأن الجامعات تطلب درجة معينه للقبول النهائي في الجامعة .. أو للقبول المشروط !

أما التكلفة الإجماليه .. أنصحك بهذا الموضوع:
http://www.mbt3th.us/vb/forum178/thread460922.html

ولكن قبل كُل هذا .. يجب أن تراجعي شروط الدارسين على الحساب الخاص عن طريق موقع وزارة التعليم العالي ..
وَ بعد ذلك إحضار القبولات وَ إصدار الفيزا وحضور الملتقيات وَ من ثم السفر لأمريكا و الإنتظار عدة أشهر حتى الإنضمام للبعثة ..


نقطه مُهمه ..
المحرم مهـــم وهو شرط للإنضمام ..
بالتوفيق ,,

السلام عليكم ورحمة الله وبركاته
اخواني انا من الصغر حلمي ابتعاث ودراسة هندسة ميكانكية
لكن تخرجت في الثانوية بنسبة 85 % ناقصني 5 درجات غلى الاتحاق ببعثة الملك وطح'مت بشكل جنوووني جنوووني
والقدرات والتحصيلي كويس فوق 80 واضن خلاص راحت علي
لاكن فكرت ادرس على حسابي وانا ماعندي شي ابد ببيع سيارتي وبضغط روحي وبتسلف من امي وابوي وبالموووت بجيب 50الف هذا حددددي كلللش
واذا طلعت وماكفتني ولا مانقبلت يعني انتهيت برجع البلد بعيش ماكل هوا لاني على قدي وما املك
لكن هذ حلمي من زمااان واحس مو قادر ابي اطلع ابي اطلع

فما رايكم وبمذا تشورون علي ومن اين ابدا

والله ياخوي اذا هدفك دراسة وعزيمتك قوية توكل على الله ولا تتردد
والله يوفقك
بس اضمن لك احد يساعدك بقبول
وأول خطوات تعملها
انك تبحث لك عن قبول جامعي مع معهد
ونصيحة ابتعد عن المكاتب ابحث لك عن واحد بالبلد الا تبي تدرس فيها يجيب لك قبول
عشان لا تخسر فلوس كثيرة
واذا حصلت ع قبول هذه خطوة ممتازة
بعدها اعمل الفيزا وقدم أوراقك الا التعليم طلب دراسة ع الحساب الخاص
ونتظر الموافقة مع حضور الملتقى وبعدها توكل ع الله

السلام عليكم
كيفف حالكم

حبايبي انا توني خلصت السنه التحضيرية ب البترول وسحبت ملفي
والحين ابي ابتعث ل امريكا

وانا ابغى جامعة ب امريكا قوية تضاهي طموحي
ويكون تخصص الهندسة الكيميائية فيها كويس
انا رحت مكاتب واعطوني اسامي جامعات كثيرة بس خايف انهم يرمولي اي جامعة بعدين اتورط
.. وكمان ع حسب الي اسمعه انه المبتعثين مو لاقين وظايف
.. الحين تقريبا لي 3 اسابيع ابغى ابدأ ب اجراءات الابتعاث بس م اقدر لانو لسى م ادري وش الجامعه الي ابغاها
(يُمنع طلب مساعدة من المكاتب في المنتدى) !!
help

واذا هذا الشي مو ممنوع .. اتمنى (يُمنع طلب التواصل هكذا)يعلمني وش الطبخه لاني جد جد جد ضايع