مساعدة من وين ابدا ؟

السلام عليكم
انا خريج ثانوي وانشاء الله ناوي ادرس لغة في امريكا ترم وارجع (الترم الاول من السنة الجاية) على حساب الخاص طبعاً
وابي اعرف ايش اسوي من الالف للياء للعلم انا ناوي اروح معهد جامعة بنسلفانيا انشاء الله ، ارجو انكم تفيدوني باسرع وقت لان ودي اقدم على معهد واطلع فيزة من الحين لان ماودي اتورط بعدين .

وعليكم السلام وَ رحمة الله وبركاته
حياك الله ،،

راجع الصفحات السابقة .. ليست بالكثيرة فعددها 18 صفحة ..
جميع الخطوات موجوده ..
و أي إستفسارات أخرى سنساعدك بقدر الإمكان .. ولكن راجع الصفحات السابقة أولًا ..

بالتوفيق ،،

الله يحييك
انا رجعت وشفت الصفحات وشفت لي كم موضوع وبعد كذا الي استنتجته هو :
١-اقدم على معهد واخذ الI20
٢-اطلع فيزا
٣-احجز لي السكن والطيران
^فيه خطأ ؟ احس فيه اشياء ناقصة
للعلم انا بس بدرس لغة ماني داخل جامعة

انا راجعت الصفحات وكلها تتكلم عن الانضمام للبعثه لدراسة البكالوريوس والماستر وغيرهم

بس ماحصلت احد بنفس حالتي: موظف واخذ اجازه بدون راتب عشان يدرس لغه بأمريكا على حسابه الخاص!!!

انا بس ابي اعرف ايش الاجراءات للقبول بالمعهد ؟! وكم تستغرق؟!

واستخراج الفيزا لي وللمرافق؟! وكم تستغرق من مده ايضا؟!

وهل يجب ان اسجل بموقع الوزاره وسفير لفتح ملف طالب!!
وهل يجب حضور الملتقى؟!

علماً ان اجازتي تبدأ في شهر ذو القعده
عشان كذا ارجو المساعده من الجميع عشان ما يضيع الوقت علي

الله يجزاكم الجنه ووالديكم

الملحقية لا تقبل القبول المشروط.

معلومة أكيدة

السلام عليكم
اخواني انا رح اطلع ع حسابي الخاص ادرس دكتوراة في الترجمة وعندي كم من سؤال
هل يجب ان ارفع طلب قبول دراسة للوزارة وانا مازلت بالسعوديه ؟ام يمكنني رفع طلبي اذا وصلت لامريكا؟
هل يجب ان احضر قبول جامعي مشروط ام أكتفي بقبول معهد عند رفع طلبي؟
وهل طلب الانضمام للبعثه(لاحقا) محدود بتخصصات ميعنة ؟والا الترجمة ممكن يضموني ؟
وشكرا

وعليكم السلام ورحمة الله وبركاته
تقدمين طلب من السعوديه لأنك راح تحبرين لحضور الملتقى فحرام تسافرين بعدها تجبرين عشان الملتقى قدمي قبل
ضروري جدا يكون عندك قبول الجامعه مشروط لأن على مااعتقد النظام الجديد لحضور الملتقى ان تكون اوراقك كامله لكن تأكدي من موضوع ملتقيات الدارسين على حسابهم الخاص هنا في مبتعث
الوزاره واضح انها راح تطبق شروطها الموجوده على الموقع

بالتوفيق إن شاء الله

أتأسف على التأخر بالرد ..

نعم ,,
وَ لكن بعد الخطوة الثانية لابد من حضور الملتقيات للدارسين على الحساب الخاص ..
وَ لكـــن لا تستعجل بحجز تذاكر السفر إلا عندما تتأكد بأن جميع أمورك على مايرام
وَ أن الفيزا وَ القبولات معك ..

أمر آخر ..
ليه بتدرس لغة فقط ؟
هل ترغب بالإنضمام للإبتعاث أو فقط ستذهب لدراسة اللغة لا غير ؟

حياك الله أختي ,,

قبول اللغة من أسهل القبولات .. لا يستغرق الكثير من 3 أيام إلى إسبوع وَ بعض المعاهد إسبوعان فقط ..
أما الفيزا الأنسب للطالب كحالتك هي F1 .. وَ للمرافق F2 ..
وَ المدة لا نعلم حقيقة لأن السفارة الأمريكية أحيان تصدرها خلال يومين فقط وَ أحيان قد يطول جدآ !

الدارس على حسابه الخاص يجب أن يحضر للملتقيات .. لأن الحضور إلزامي ..
ولا إلحاق لمن لا يحضر الملتقى ..

وَ هذا الموضوع سيفيدك:
http://www.mbt3th.us/vb/forum178/thread449043.html

وَ هذا الموضوع:
http://www.mbt3th.us/vb/forum178/thread460908.html

بالتوفيق ,,

ايه بس ابدرس لغة هل يظل لازم احضر المتقيات ؟
وكيف احضرها يعني من وين اسجل ومتى اوقاتهم ؟