مساعدة من وين ابدا ؟

ينقل للقسم الصحيح ..

طيب بما ان اخوك يدرس في امريكا .. مافكرت تكلمه حتى يعلمك ويساعدك بالاجراءات ؟

اول شي اخوي مشغول مرره يعني اكلمه ممكن يرد علي بعد 5 ايام لانه يدرس ماستر

ثاني شي اخوي له سنتين رايح

ثالث شي اخوي رايح على حساب الدوله و انا بروح على حسابي


و شكرا

اخوي اول شي تسويه تطلع التأشيره .. بعدين تقدم على الملتقى .. بعدين تسوي فحص طبي كامل حق الابتعاث بمستشفى حكومي بعدين اذا ما عندك قبول جامعة شوف لك قبول جامعة

اوكي

تأشيره بطلعها من المكتب بس كم يأخذون اتعاب ؟ و ابي مكتب كويس اذا كنت تعرف

اقرب ملتقى بعد 20 يوم هل اقدر عليه ؟

وش الفايده من الفحص الطبي ؟ اروح المستشفى و اقوله ابي فحص حق الابتعاث

انا عندي قبول معهد هل لازم قبول جامعه و خصوصا اني ما ادري يمكن ما اكمل بكالريوس و ما حددت أي تخصص

و شكرا على تجاوبك

اول شي التأشيرة موضوعها مو صعب كثير شوف لك احد عنده خبره من اقاربك واجلس معه ورتبو سوا

وبالنسبه للمكاتب انا ما أأيدها لكنت لو كنت مصر على المكتب او ما فيه احد يقدر يساعدك قريب او صديق انا من الدمام ما اقدر اساعدك بهالشي اتمنى تلاقي احد يقدر

الملتقى اللي في جده اللي بعد 20 يوم لا للأسف ما تقدر عليه لأنه اكتمل حاول تسجل في اللي بعده قبل لا يفوتك التسجيل واذا كانت دراستك راح تبدأ قبل مؤتمر الرياض سجل في الرياض وخذ رقم طلب وتعال به جده وراح يساعدونك بإذن الله

الفايدة من الفحص الطبي والله مدري بس هم يبونه ما نقدر نقول شي .. ايه روح المستشفى اللي يسوون به فحوص زواج وكذا خذ معاك صورة من بطاقة احوالك وصورتين شخصية لك وقول له ابي فحص مبتعث

والله الافضل انك تاخذ قبول جامعة لو انه جامعة اي كلام لأنهم حاطين هالشي شرط من شروطهم


العفو هذا واجبي وواجب أي عضو موجود

السلام عليكم

كيف حالكم عساكم بخير وصحة وسلامة.

انا جديد عليكم بس متابعكم من فترة .

انا راح اقدم على ابتعاث ان شاء الله بعد بضعة اشهر

وحبيت اخذ تفاصيل كاملة عن الاشياء اللتي يجب ان افعلها قبل ما اقدم اوراقي للمكتب.

بالعربي ابي كل التفاصيل من الى ......

البداية اكيد راح اروح المكتب لكي اقدم على جامعة والجامعه راح تكون جامعة ارزونا(احتمال)

بعدها شنو المطلوب مني اسوي من ترجمة شهادة الى حضور الموتمر وبعدين وشنو الاوراق كاملة المطلوبة للتقدم الى الجامعه.
احتاج اشخاص ابتعثو يفهموني كل شي حتى لو اضطرينا نلجا للواتساب

واذا في احد يعرف لي جامعات ممتازة بامريكا ويكون السكن فيها متوسط يعني مو غالي ولا رخيص متوسط وانت نازل.

وفي سوال صحيح: هل يدققو على النسبة او يرفضو بعثتي ولالا (الثانوية) ؟.؟


في حال ترشيحك لجامعة لي اتمنى منك تقولي كيف المعيشة فيها؟.؟
وكم الضمان البنكي.؟

السكن بكم والمواصلات وغيره وغيره (المصرووفات)؟.
المعهد كم بالشهر او كل ثلاث شهور ...؟,؟

وكم تكفيني حق البعثة حتى اغلب على حساب الدولة.
^^^^^^^^^^^
الاسئلة على حسب ترشيحك للجامعة.


وهل الموتمر لازم احضره ولالا (الي يقيم بالسعودية الخاص بالمبتعثين على حسابهم.,

كم الفترة المتوقعة لكي اغلب على حساب الدولة.؟

وابي اعرف متى اقدم اوراقي للدولة عشان اغلب على حسابهم.؟(اول ما اروح هناك ولا متى بالضبط مع الحسبان متى انقبل فيها)


اتمنى اجوبة مفصلة لا هنتم انا شخص متخوف من هالبعثه ولغتي الانجليزي مقبولة.,؟

شكرا لكم وشكرا لكل شخص حاب يساعدني.

كيف موضوعي صار هنا ؟.

لأنه مكرر ..

حسب شروط آلمنتدى يآ عزيزي آلمفروض آلموضوع يٌحذف ..
لكن حبينآ إنكـ تستفيد ..

جميع إستفسآرآتكـ موجودهـ في آلمنتدى بموآضيع مستقله ..
عليكـ بآلبحث ..


شوف آلموآضيع آلتآليه بتفيدكـ إن شــآء آلله ..
http://www.mbt3th.us/vb/forum178/thread459486.html
http://www.mbt3th.us/vb/forum178/thread458057.html
http://www.mbt3th.us/vb/forum178/thread459627.html

إقرأ جميع آلصفحآت في آلموآضيع لتستفيد ..
موفق ,,

هههههه الله يعينك