صدور الموافقات للملتقيات السابقة و إيميل إكمال النواقص !!

ياشباب نصحيه للي ماجتهم الموافقه انا من ملتقى جده وقريت مواضيع ان ترسل لهم ايميلات وبيردون عليكم وكنت متخوف في البدايه لكن ارسلت لهم وعلطول اليوم الثاني جاني الرد ب تعديل الملف ارسلو على نفس الايميل الي ارسل لكم دعوه الملتقى ارسلو بانكم تاخرت عليكم الموافقه ومن هذا الكلام .

وبالتوفيق للجميع

أعطني الايميل لا هنت
انا جربت جل الايميلات مافي فايده

يا اخوان الموضوع سهل مررره لكن فيها مغطه. ، بالنسبة لوضعي ارفقة صورة الجواز والهوية فقط وتصوير جوال عشان اقدر أسجل في الملتقى. ، جاني ايميل ارفاق النواقص. ، ارفقتها .، موضوعي أخذ وقت كثير له أربع شهور بعد حضور الملتقى. ، وله 5 شهور من يوم ما سجلت. ، وأخيراً جاتني الموافقه وانا في بلد الدراسة لي شهرين.، وكنت وقتها ابحث وادور على ايميلات لكن في الأخير عرفت اني كنت اتعب نفسي.، لأن بيقول لك راجع البوابة. ، فيه وحده اذكرها بالخير ما قصرت وترد وترسل موضوعك لواحد اسمه ناصر العرفج. ، الي يررد على اي استفسار عن طريقها اذا سووت اعادة توجيه . ، اسمها ( نوره النفيسه) الله يجزاه كل خير ترد على الناس موب مثل بعض الناس الي تطنش وتصرف العالم .، هاذا وهي قسم نسائي .، هاذا دليل أني ما بقيت حد الا وارسلتله .، **الي بقوله انكم تصبرون الكل بتجيه رسالة ارفاق النواقص. ، لكن بطوووول . ثاني شي لا تتعب نفسك وتراسل وتتصل ما تستفيد شي لان بيقلك في الأخير تابع البوابة . ، وفي الأخير الي تبيه يجيك والأمور سهالات ولا تستعجل .، أنا طلبي من 2/10/2014 وما جاني قبول الوزارة الا قبل أسبوعين .، مشواااااار ولي الحين شهرين في بلد الدراسة .، ولسى باقي مشواااار ثاني طويل على ما ننظم للبعثه . ، اهم شي يكون بالك طويل وكل شي مصيره يجيك .، والله يوفق الجميع .

هذا بالنسبه للي مثل وضعك
انا مقدم في 30/10/2014
ودرست قبل اقدم.الطلب اربع اشهر والان كملتها ست اشهر
يعني لو مشوا اموري بسرعه كان امداني التحقت وانضميت للبعثه واخذت مكرمه الملك بعد
لي ست اشهر وقريب اكمل السابع والله يستر
وحسبي الله ونعم الوكيل

no_reply@mohe.gov.sa

هذا الايميل

السلام عليكم

ياشباب انا حضرت ملتقى جدة وسافرت ولي شهر الان في بلد الدراسة ووصلني ايميل النواقص قبل أسبوع ومن وقتها ادخل سفير واسوي فتح ملف اذا ادخلت رقم الهوية والكود يعلق جربت من كذا جهاز ماضبط وش الحل افيدونا جزاكم الله خير

انا من الي حضر ملتقي جدة
والا الان ما جتني الموافقه
ارسلت اخوي للوزاره قالوا له لازم يجي ابوه ويكتب خطاب ويقدمه للوزير
ما في اي حل اخر
الظاهر مافي غير ننتظر الا ما يفرجها الله

اخواني .. انا جيت حق جده . و جاني اكمال نواقص قبل 3 اسابيع ... و تو اكتملت اوراقي .. لاكن المشكله ما لقيت الرابط في الايميل ! .. و انا لي 3 اسابيع في امريكا .. و الحل

أنا حضرت ملتقى جده بتاريخه 22 ديسمبر , وإيميل إكمال النواقص وصلني قبل 7 أيام , كملت كل شي ورفعت اوراقي واستنى يقبلون الطلب , الكلام ان إيميلات إكمال النواقص تجي على شكل دفعات , في ناس من الي حضروا ملتقى جده وإلى الأن ماوصلهم شي , انا تحطمت يوم عرفت ان كثير جاهم الإيميل قبلي بفترة وعشت فترة قلق , لكن الموضوع كله إختبار صبر
مثل ماقلت بعد ماكملت شهر و 11 يوم في أمريكا وصلني إيميل إكمال النواقص
وهذا من واقع تجربه شخصيه , تحلوا بالصبر والله المستعان , لكن الآن بس ابغى اعرف كم المده التقريبيه الي ياخذها طلب الدراسه على الحساب الخاص إلى حين تتم الموافقه عليه ؟
للعلم إني جاي على الجامعه على طول وقاعد اقسط لهم شهرياً

ع كلام الدكتور هذال تاخذ الموافقه من ٤٥ الى ٦٠ يوم تقريبا ،