December 26th, 2014, 08:03 AM
السلام عليكم اخواني واخواتي ورحمة الله وبركاته
هذه قصتي مع الملحقية والوزارة وانا متاكد ان هناك الكثير الكثير ممن حصلت لهم امور صعبة مثل قصتي ويمكن اكثر منها
الهدف من طرحي للموضوع هو ايصال معاناة المغتربين الدارسين بالاخص إلا على (حسابهم الخاص) الى الشرفاء العاملين في وزارة التعليم العالي والملحقية الثقافية والى كل ضمير حي لم تمت فيه الانسانية بعد.
قدمت على الفيزة الدراسية وفي غضون يومين وصلت ولله الحمد وجبت الآيتوني للدراسة في المعهد ولضيق الوقت ماقدرت اجيب القبول الجامعي
رحت مع صديقي الى الوزارة بالرياض لطباعة تذكرة امر الركوب له لانه مبتعث من الاساس وهناك سألت الموظف "انا للان ماخلصت اوراقي، باقي القبول الجامعي لسا ما جبته هل اقدر اسافر مع صديقي وهناك اجيب القبول ؟" رد الموظف عليي باني اقدر اسافر وهناك بتكون الامور سهلة في الحصول على القبول الجامعي
ودعت الاهل والاصدقاء وركبت الطائرة من الدمام الى امريكا في ولاية تكساس وصلت في تاريخ 22 ديسمبر 2013 يعني من سنة !!
بدأت الدراسة في المعهد وجلست ابحث عن القبول الجامعي من النت ومن سؤالي لبعض الشباب الا التقيهم في المعهد طبعا انا ماعندي خبرة في هذا المجال ابد وصاحبي قدم اوراقه كلها عن طريق مكتب ولا عنده خبره مثلي ولاني كثير كنت اسمع واقرا بان الاعتماد على النفس افضل من المكاتب الا تعطيك الشمس في يد والقمر في يد و بعد خمسة اشهر من الدراسة قدرت اجيب القبول الجامعي وكانت فرحتي لا تنوصف بهذا الانجاز
ارفقت الاوراق مع التقارير الدراسية في البوابة وبعد شهر جاني الرد بالرفض بان عليي تغيير التخصص لانه غير موصى فيه !
والحمد لله في غضون سبوع واحد قدرت اجيب تخصص ثاني (صرت خبير يعني ههه)
وارفقته في الموقع ولكني أخطأت في شغله وهي اني ما حذفت القبول الاولي ولا عرفت بهذا الخطأ الا لمن جاني الرد بعد شهر بأن غير مسموح ارفاق قبولين جامعيين ولابد لي من اختيار قبول واحد فقط ولكن..
في الرد لم يوجد الرابط للتعديل مثل الرد السابق وهنا وقعت المشكلة وبدأت المعاناه
صرت اروح للرد السابق على الايميل وادخل من الرابط الموجود بالرد لتعديل واضافة النواقص ولكن الغريب اني لما ادخل صفحتي القاها كاملة ولكن ما اقدر اضيف او اعدل شي على البيانات المدخلة لان الوصلات كانت غير مفعلة وشبه مظللة وظليت على هذا الحال شهرين وانا ابحث عن طريقة للدخول لصفحتي وتعديل بياناتي وكنت اراسل الوازرة على ايميلاتها ويردون عليي بان الملحقية هي المسؤولة والاخيرة كنت اراسلها وترد عليي بان الوزارة هي المسؤولة !!
معي في المعهد شخص صار له نفس موضوعي ما شاف الا صفحته تقفلت عليه وصار يدخل من الرابط الا بايميله ولكن مايقدر يسوي شي وانا شفت الشي بنفسي من خلال لابتوبي ولكن راح ابوه للوزارة وانحلت مشكلته !
انا مالقيت احد يروح يسأل عن وضعي بالوزارة وكنت اتصل على كل الارقام الا الاقيها في النت على الملحقية والوزارة وارسل لهم ايميلات ولكن ماحد حولك لا رد ولا شي ولمن تعبت نفسيا من هالحاله قررت السقر الى الملحقية في فرجينيا ومن المطار الى الملحقية وهناك من موظف الى موظف وكل واحد اقابله يقول لي وش مشكلتك وانا عاد دخت من كثر ما اشرح واعيد في سالفتي عند كل موظف وكل واحد يقول روح لفلان عند مكتبه وفي الاخير قالوا لي مانقدر نسوي لك شي لان النظام تغير وصار الموقع يقفل شهر ويفتح شهر مالك الا تصبر ! ورجعت الى تكساس بخفي حنين!
انا مارضيت افتح حساب جديد لسببين الاول اني كنت اخاف افتح حساب وارجع من الصفر وتروح عليي المدة الا قضيتها
والثاني هو حضور الملتقى، انا لمن سافرت ماكان الملتقى الزامي ولا يشملني ولو فتحت لي حساب جديد بيكون حضوري للملتقى الزامي علي لان النظام تغير وصار في خانه للملتقى لازم تعبيها في الصفحة وتختار مكان الملتقى وتاريخه
صاحبي الا جيت معاه وكانت سفرتنا مع بعض نزل البلد في اجازه وظليت بحالي في الغربة محتار في امري هل انزل في اجازه لو اظل مكاني كان خوفي ان نزولي بياخر عليي قبولي في البعثة
اخوي خطب واخوي الثاني تزوج واختي تزوجت واحد اعز اصحابي توفى تعبت نفسيا وانا ما قدرت انزل عشان لا اضيع على حالي البعثة ضحيت بكل شي لجل اوصل للبعثة
مستواي نزل في الدراسة والميزانية قربت تخلص ولا عندي احد يسندني لا اهل ولا اصدقاء كل قريشاتي الا عندي راتب الوظيفة الا استقلت منها عشان الدراسة وبيع السيارة وقرض بنك التسليف الا اخذته للزواج قبل لا انفصل من زوجتي ! وديون من هنا وهناك جيت فيها امريكا وبعض الاهل يقول لي انزل خلاص مالك نصيب في البعثة وانا اقول لا لازم اواصل انا ابي اتعلم وادرس حالي حال كل مواطن وابي استفيد من فرصة الابتعاث
شفت واحد من طلاب المعهد معي حصلت له انه وصلت له رسالة على الايميل الزامي حضور الملتقى وهو موجود قبل القرار بشهر
راح ابوه وعطاهم الاثبات بانه موجود في امريكا قبل القرار واعفوه من الحضور ومشت اموره
وبعد فترة لقيت احد اخواني يروح الرياض ويسال عن وضعي هل يفتح حسابي المغلق او افتح حساب جديد وماذا عن الملتقى؟؟؟
كان رد الدكتور له " يجب فتح حساب جديد لان الاولي قد لغي" وعشان حضور الملتقى " جيب اي شي يثبت ان اخوك يدرس في امريكا قبل صدور قرار إلزام حضور الملتقى من ختم دخول الى امريكا والايتوني للمعهد والقبول واذا جبتها راح نعفيه من الحضور "
سويت الا قاله الدكتور لاخوي وارسلت كل الاواراق وراح لهم الرياض واعطاهم للدكتور
وبعد سبوعين جاني الرد على الايميل بضرورة حضور الملتقى !!!!!
بعد سنة كاملة وانا في امريكا انزل عشان ملتقى مدته يومان وارجع !
اتصلت عليهم مرات عديدة ولا كان احد يرد سوى السنترال حق الوزارة ويحولني على القسم حق الابتعاث ولا احد يرد
وظليت سبوع كامل على هذا الحال اسهر طول الليل عشان اتصل في كل الوقت لان وقتنا في امريكا يختلف عن البلد ولكن للاسف دون جدوى وبالرغم من ان كان عندي اختبار ات وانا كنت اضيع اغلب وقتي للاتصال اريد فقط احد يرد ويعطيني العلم الاخير هل انزل او لا ؟
كان نظام معهدنا عشرة اسابيع لكل ليفل وكنت في السبوع السابع لمن رحت للمسؤل عشان اخذ اجازة مدتها اربع ايام انزل فيها للملتقى وارجع ولمن شرحت له وضعي صعبت عليه واعطاني سبوع واحد فقط عشان انزل للملتقى وهو السبوع الثامن ما كان يقدر يعطيني اكثر لان لازم اكون موجود لان السبوع التاسع مراجعات وعشان اقدر احل الواجبات المتاخرة عليي واختبر الاختبار السبوعي الا ما اختبرته قبل اختبار الفاينل حق نهاية الليفل
وفي نفس الوقت قلت خلني احاول واشوف اذا القى احد يروح الرياض ويشوف وضعي ويفكني من السفرة وتكلفة التذكرة المكلفة و المجازفة بالدراسة لانها على اخرها
والايام تمشي وقريب موعد الملتقى ولا لقيت احد يروح الرياض
نزلت البلد وحضرت الملتقى بالدمام وتفاجأت من المحاضرات الا لابد لي من حضورها وهي ارشادات للطلاب في كيفيه التكيف مع الغربة واخذ الحيطة والحذر لتجنب المشاكل سالت نفسي هل بعد عام من وجودي في امريكا احضر الان لهذا الملتقى فقط لهذه الارشادات التي سمعتها من اهلي واصدقائي قبل السفر !!
وكنت اريد التقي بالدكتور عشان اساله عن وضعي بعد هذا الملتقى و عن الاوراق التي طلبها كاثبات لعدم حضوري لهذا الملتقى
كنت اجلس اول الصف عشان اذا سمحت لي الفرصة بسؤال الدكتور لو اتيحت لنا ذلك ولكن للاسف ماصارات
بعد نهاية المحاضرة الاولى تجمعت الطلاب حوله وانا معهم كلمن يريد يسال ويستفسر قال الدكتور بكرة الصباح من تسع الى احدعشر انا موجود لاستفساراتكم
رحت اليوم الثاني من بدري وبحثت عن الدكتور قالوا لي عنده محاضره يلقيها على الحاضرين للفترة الصباحيه وانتظرت لين انتهت ولكن مالقيته وكل ما سالت احد قال الحين يجيكم القاعه الثانية
انا رحت القاعة الثانية وكان في موظفين جالسين عند اجهزة الحاسب لاستفسارات الطلاب انا مسكت سرا لين جاني الدور وعلمته بالوضع وراويته الاوراق الا تثبت كلامي وختم الدخول لامريكا وفيه تاريخ الدخول الا يدجل اني موجود في امريكا من سنة، حسيته تعاطف معي اخذ رقم هويتي وعطاني رقم التحويله لمكتبه في الوزارة بالرياض واسمه قلت الحمد لله الدنيا بعدها بخير وجاني الفرج
وفي المحاضرة الاخيرة لليوم الثاني جانا الدكتور وقال انا الحين متفرغ لاستفساراتكم وصار ت الاسئلة من بعض الطلاب والدكتور يجيب عليها وانا رفعت يدي عشان اسال وجاني المايك وسالت بايجاز عن وضع الطلاب الا بالغربة والا صار لهم مدة طويله ليش ينزلون عشان الملتقى و ما شفت روحي الا اني بقصة قصتي وان اخوي راح إلك الرياض وووو.... والله من الهم والغم الا فيني ومن القهر وهو في محاضراته يقول نحن معكم في كل شي وفي خدمتكم وانا بصراحة ابي اصرخ حزتها واقول كذاااااااب انا اتصل وارسل ولا احد يرد
طبعا رد الدكتور لي نفس الرد الى كان يرد عليه على كل طالب "ان شاء الله كلها ايام وتنقبل في البعثة وامورك طيبه !!"
ورجعت امريكا بعد سبوع واحد فقط قضيته في البلد بعد عام من الغربة والحمد لله عديت الليفل وانا من تاريخ الملتقى الى حين كتابة هذا الكلام وانا في كل وقت ادخل الايميل لكن ماوصلني شيء من الوزارة او الملحقية واذا دخلت موقع سفير الطلبة وضعي مثل ماهو ماتغير "في الوزارة"
طبعا معي شباب جايين على حسابهم الخاص وانا قبلهم باربعة شهور! تم قبولهم في البعثة ولله الحمد والله يوفقهم ولا احد منهم حضر الملتقى لانهم موجودون في امريكا قبل صدور قرار الزامي حضور الملتقى وانا للان ماقدرت افتح لي حساب دارس على حسابه الخاص !!
رجعت اتصل للوزارة مرة ثانية في كل يوم تقريبا واتصل على التحويلة الا عطاني اياها الموظف اثناء الملتقى ولكن ماحد حولك لا احد يجيب سوى السنترال ولا ادري الى متى هذا الحال
ولو رجعت البلد بعد هذه المدة الا قضيتها في الغربة وفي قلبي حسرت الابتعاث الا ماقيتها
هل ارجع للوظيفة الا اسقلت منها
او ارجع لزوجتي الا انفصلت عنها
او ارجع لسيارتي الا بعتها
او ارجع لصاحبي الا خلاني وصار تحت التراب
لمن ارجع ؟!!
وفي الاخير الحمد لله رب العالمين على كل حال
اتمنى للجميع التوفيق وتيسير الامور وان شاء الله الكل ينقبل في البعثة و يستفيد من برنامج خادم الحرمين الشريفين للابتعاث اطال الله في عمره وحفظه لنا
اخوكم : غريب لديار
LinkBack URL
About LinkBacks
December 26th, 2014, 08:03 AM
السلام عليكم اخواني واخواتي ورحمة الله وبركاتههذه قصتي مع الملحقية والوزارة وانا متاكد ان هناك الكثير الكثير ممن حصلت لهم امور صعبة مثل قصتي ويمكن اكثر منها
الهدف من طرحي للموضوع هو ايصال معاناة المغتربين الدارسين بالاخص إلا على (حسابهم الخاص) الى الشرفاء العاملين في وزارة التعليم العالي والملحقية الثقافية والى كل ضمير حي لم تمت فيه الانسانية بعد.
قدمت على الفيزة الدراسية وفي غضون يومين وصلت ولله الحمد وجبت الآيتوني للدراسة في المعهد ولضيق الوقت ماقدرت اجيب القبول الجامعي
رحت مع صديقي الى الوزارة بالرياض لطباعة تذكرة امر الركوب له لانه مبتعث من الاساس وهناك سألت الموظف "انا للان ماخلصت اوراقي، باقي القبول الجامعي لسا ما جبته هل اقدر اسافر مع صديقي وهناك اجيب القبول ؟" رد الموظف عليي باني اقدر اسافر وهناك بتكون الامور سهلة في الحصول على القبول الجامعي
ودعت الاهل والاصدقاء وركبت الطائرة من الدمام الى امريكا في ولاية تكساس وصلت في تاريخ 22 ديسمبر 2013 يعني من سنة !!
بدأت الدراسة في المعهد وجلست ابحث عن القبول الجامعي من النت ومن سؤالي لبعض الشباب الا التقيهم في المعهد طبعا انا ماعندي خبرة في هذا المجال ابد وصاحبي قدم اوراقه كلها عن طريق مكتب ولا عنده خبره مثلي ولاني كثير كنت اسمع واقرا بان الاعتماد على النفس افضل من المكاتب الا تعطيك الشمس في يد والقمر في يد و بعد خمسة اشهر من الدراسة قدرت اجيب القبول الجامعي وكانت فرحتي لا تنوصف بهذا الانجاز
ارفقت الاوراق مع التقارير الدراسية في البوابة وبعد شهر جاني الرد بالرفض بان عليي تغيير التخصص لانه غير موصى فيه !
والحمد لله في غضون سبوع واحد قدرت اجيب تخصص ثاني (صرت خبير يعني ههه)
وارفقته في الموقع ولكني أخطأت في شغله وهي اني ما حذفت القبول الاولي ولا عرفت بهذا الخطأ الا لمن جاني الرد بعد شهر بأن غير مسموح ارفاق قبولين جامعيين ولابد لي من اختيار قبول واحد فقط ولكن..
في الرد لم يوجد الرابط للتعديل مثل الرد السابق وهنا وقعت المشكلة وبدأت المعاناه
صرت اروح للرد السابق على الايميل وادخل من الرابط الموجود بالرد لتعديل واضافة النواقص ولكن الغريب اني لما ادخل صفحتي القاها كاملة ولكن ما اقدر اضيف او اعدل شي على البيانات المدخلة لان الوصلات كانت غير مفعلة وشبه مظللة وظليت على هذا الحال شهرين وانا ابحث عن طريقة للدخول لصفحتي وتعديل بياناتي وكنت اراسل الوازرة على ايميلاتها ويردون عليي بان الملحقية هي المسؤولة والاخيرة كنت اراسلها وترد عليي بان الوزارة هي المسؤولة !!
معي في المعهد شخص صار له نفس موضوعي ما شاف الا صفحته تقفلت عليه وصار يدخل من الرابط الا بايميله ولكن مايقدر يسوي شي وانا شفت الشي بنفسي من خلال لابتوبي ولكن راح ابوه للوزارة وانحلت مشكلته !
انا مالقيت احد يروح يسأل عن وضعي بالوزارة وكنت اتصل على كل الارقام الا الاقيها في النت على الملحقية والوزارة وارسل لهم ايميلات ولكن ماحد حولك لا رد ولا شي ولمن تعبت نفسيا من هالحاله قررت السقر الى الملحقية في فرجينيا ومن المطار الى الملحقية وهناك من موظف الى موظف وكل واحد اقابله يقول لي وش مشكلتك وانا عاد دخت من كثر ما اشرح واعيد في سالفتي عند كل موظف وكل واحد يقول روح لفلان عند مكتبه وفي الاخير قالوا لي مانقدر نسوي لك شي لان النظام تغير وصار الموقع يقفل شهر ويفتح شهر مالك الا تصبر ! ورجعت الى تكساس بخفي حنين!
انا مارضيت افتح حساب جديد لسببين الاول اني كنت اخاف افتح حساب وارجع من الصفر وتروح عليي المدة الا قضيتها
والثاني هو حضور الملتقى، انا لمن سافرت ماكان الملتقى الزامي ولا يشملني ولو فتحت لي حساب جديد بيكون حضوري للملتقى الزامي علي لان النظام تغير وصار في خانه للملتقى لازم تعبيها في الصفحة وتختار مكان الملتقى وتاريخه
صاحبي الا جيت معاه وكانت سفرتنا مع بعض نزل البلد في اجازه وظليت بحالي في الغربة محتار في امري هل انزل في اجازه لو اظل مكاني كان خوفي ان نزولي بياخر عليي قبولي في البعثة
اخوي خطب واخوي الثاني تزوج واختي تزوجت واحد اعز اصحابي توفى تعبت نفسيا وانا ما قدرت انزل عشان لا اضيع على حالي البعثة ضحيت بكل شي لجل اوصل للبعثة
مستواي نزل في الدراسة والميزانية قربت تخلص ولا عندي احد يسندني لا اهل ولا اصدقاء كل قريشاتي الا عندي راتب الوظيفة الا استقلت منها عشان الدراسة وبيع السيارة وقرض بنك التسليف الا اخذته للزواج قبل لا انفصل من زوجتي ! وديون من هنا وهناك جيت فيها امريكا وبعض الاهل يقول لي انزل خلاص مالك نصيب في البعثة وانا اقول لا لازم اواصل انا ابي اتعلم وادرس حالي حال كل مواطن وابي استفيد من فرصة الابتعاث
شفت واحد من طلاب المعهد معي حصلت له انه وصلت له رسالة على الايميل الزامي حضور الملتقى وهو موجود قبل القرار بشهر
راح ابوه وعطاهم الاثبات بانه موجود في امريكا قبل القرار واعفوه من الحضور ومشت اموره
وبعد فترة لقيت احد اخواني يروح الرياض ويسال عن وضعي هل يفتح حسابي المغلق او افتح حساب جديد وماذا عن الملتقى؟؟؟
كان رد الدكتور له " يجب فتح حساب جديد لان الاولي قد لغي" وعشان حضور الملتقى " جيب اي شي يثبت ان اخوك يدرس في امريكا قبل صدور قرار إلزام حضور الملتقى من ختم دخول الى امريكا والايتوني للمعهد والقبول واذا جبتها راح نعفيه من الحضور "
سويت الا قاله الدكتور لاخوي وارسلت كل الاواراق وراح لهم الرياض واعطاهم للدكتور
وبعد سبوعين جاني الرد على الايميل بضرورة حضور الملتقى !!!!!
بعد سنة كاملة وانا في امريكا انزل عشان ملتقى مدته يومان وارجع !
اتصلت عليهم مرات عديدة ولا كان احد يرد سوى السنترال حق الوزارة ويحولني على القسم حق الابتعاث ولا احد يرد
وظليت سبوع كامل على هذا الحال اسهر طول الليل عشان اتصل في كل الوقت لان وقتنا في امريكا يختلف عن البلد ولكن للاسف دون جدوى وبالرغم من ان كان عندي اختبار ات وانا كنت اضيع اغلب وقتي للاتصال اريد فقط احد يرد ويعطيني العلم الاخير هل انزل او لا ؟
كان نظام معهدنا عشرة اسابيع لكل ليفل وكنت في السبوع السابع لمن رحت للمسؤل عشان اخذ اجازة مدتها اربع ايام انزل فيها للملتقى وارجع ولمن شرحت له وضعي صعبت عليه واعطاني سبوع واحد فقط عشان انزل للملتقى وهو السبوع الثامن ما كان يقدر يعطيني اكثر لان لازم اكون موجود لان السبوع التاسع مراجعات وعشان اقدر احل الواجبات المتاخرة عليي واختبر الاختبار السبوعي الا ما اختبرته قبل اختبار الفاينل حق نهاية الليفل
وفي نفس الوقت قلت خلني احاول واشوف اذا القى احد يروح الرياض ويشوف وضعي ويفكني من السفرة وتكلفة التذكرة المكلفة و المجازفة بالدراسة لانها على اخرها
والايام تمشي وقريب موعد الملتقى ولا لقيت احد يروح الرياض
نزلت البلد وحضرت الملتقى بالدمام وتفاجأت من المحاضرات الا لابد لي من حضورها وهي ارشادات للطلاب في كيفيه التكيف مع الغربة واخذ الحيطة والحذر لتجنب المشاكل سالت نفسي هل بعد عام من وجودي في امريكا احضر الان لهذا الملتقى فقط لهذه الارشادات التي سمعتها من اهلي واصدقائي قبل السفر !!
وكنت اريد التقي بالدكتور عشان اساله عن وضعي بعد هذا الملتقى و عن الاوراق التي طلبها كاثبات لعدم حضوري لهذا الملتقى
كنت اجلس اول الصف عشان اذا سمحت لي الفرصة بسؤال الدكتور لو اتيحت لنا ذلك ولكن للاسف ماصارات
بعد نهاية المحاضرة الاولى تجمعت الطلاب حوله وانا معهم كلمن يريد يسال ويستفسر قال الدكتور بكرة الصباح من تسع الى احدعشر انا موجود لاستفساراتكم
رحت اليوم الثاني من بدري وبحثت عن الدكتور قالوا لي عنده محاضره يلقيها على الحاضرين للفترة الصباحيه وانتظرت لين انتهت ولكن مالقيته وكل ما سالت احد قال الحين يجيكم القاعه الثانية
انا رحت القاعة الثانية وكان في موظفين جالسين عند اجهزة الحاسب لاستفسارات الطلاب انا مسكت سرا لين جاني الدور وعلمته بالوضع وراويته الاوراق الا تثبت كلامي وختم الدخول لامريكا وفيه تاريخ الدخول الا يدجل اني موجود في امريكا من سنة، حسيته تعاطف معي اخذ رقم هويتي وعطاني رقم التحويله لمكتبه في الوزارة بالرياض واسمه قلت الحمد لله الدنيا بعدها بخير وجاني الفرج
وفي المحاضرة الاخيرة لليوم الثاني جانا الدكتور وقال انا الحين متفرغ لاستفساراتكم وصار ت الاسئلة من بعض الطلاب والدكتور يجيب عليها وانا رفعت يدي عشان اسال وجاني المايك وسالت بايجاز عن وضع الطلاب الا بالغربة والا صار لهم مدة طويله ليش ينزلون عشان الملتقى و ما شفت روحي الا اني بقصة قصتي وان اخوي راح إلك الرياض وووو.... والله من الهم والغم الا فيني ومن القهر وهو في محاضراته يقول نحن معكم في كل شي وفي خدمتكم وانا بصراحة ابي اصرخ حزتها واقول كذاااااااب انا اتصل وارسل ولا احد يرد
طبعا رد الدكتور لي نفس الرد الى كان يرد عليه على كل طالب "ان شاء الله كلها ايام وتنقبل في البعثة وامورك طيبه !!"
ورجعت امريكا بعد سبوع واحد فقط قضيته في البلد بعد عام من الغربة والحمد لله عديت الليفل وانا من تاريخ الملتقى الى حين كتابة هذا الكلام وانا في كل وقت ادخل الايميل لكن ماوصلني شيء من الوزارة او الملحقية واذا دخلت موقع سفير الطلبة وضعي مثل ماهو ماتغير "في الوزارة"
طبعا معي شباب جايين على حسابهم الخاص وانا قبلهم باربعة شهور! تم قبولهم في البعثة ولله الحمد والله يوفقهم ولا احد منهم حضر الملتقى لانهم موجودون في امريكا قبل صدور قرار الزامي حضور الملتقى وانا للان ماقدرت افتح لي حساب دارس على حسابه الخاص !!
رجعت اتصل للوزارة مرة ثانية في كل يوم تقريبا واتصل على التحويلة الا عطاني اياها الموظف اثناء الملتقى ولكن ماحد حولك لا احد يجيب سوى السنترال ولا ادري الى متى هذا الحال
ولو رجعت البلد بعد هذه المدة الا قضيتها في الغربة وفي قلبي حسرت الابتعاث الا ماقيتها
هل ارجع للوظيفة الا اسقلت منها
او ارجع لزوجتي الا انفصلت عنها
او ارجع لسيارتي الا بعتها
او ارجع لصاحبي الا خلاني وصار تحت التراب
لمن ارجع ؟!!
وفي الاخير الحمد لله رب العالمين على كل حال
اتمنى للجميع التوفيق وتيسير الامور وان شاء الله الكل ينقبل في البعثة و يستفيد من برنامج خادم الحرمين الشريفين للابتعاث اطال الله في عمره وحفظه لنا
اخوكم : غريب لديار