مساعدة اذا جبت قبول نهائي من الجامعه وانا فالسعوديه هل يسرع عمليه الالتحاق ؟؟

كلامهم مايحتاج توضيح
قبول اللغة لمن لديه قبول مشروط
مايحتاج يقولون ايلتس أو توفل لأن الجامعة أصلا ماتعطي قبول نهائي إلا بأحد هالامتحانين والملحقية رح تطلب منه يرفع شهادة امتحان اللغة اذا كان قبوله نهائي
كل هالكلام مفروغ منه ومافيه نقاش

لو اقتصد ماراح تكلفه كثير
في جامعات رسومها ممتازة وغير مكلفة واخترت أحدها وعملت احتياط سنة ونص ومصاريف المعيشة والدراسة ماتعدت ال100 ألف ريال

ولعلمك حتى أنا أخذت قرض مايحتاج أبرر كم عندي وكم عنده بس الحمدلله الأمور ماشية تمام وهو لو خطط ودرسها كويس حتكفيه إنشاء الله وتزيد

اذا ماتدري قل مادري
مايحتاج تحطيم مو ناقص

موفقين

عموما كان بيسمع شور الحرمه أنشهد أنه بيضيع
ضيعن الأندلس ما دون مستقبل
عموماً بالتوفيق لكم جميعاً دخلت لأجل أفيده بس ، وكل أنسان حر بمصلحته
فمان الله

إذا هو مو مصدق يسأل الأخوان في المنتدى ورح يلقى نفس الاجابة

السلام عليكم

اشكركم على الردوود .. انا كنت متاكد من ناحية القبول النهائي معناته مايحتاج معهد بس بعض الناس يفتي من رااسه ويحطم غيرره !!

المهم الله يعطيكم العافيه انا بحاول اشوفلي جامعة رسومها معقوله وولايه متوسطه وبقدم عليهاا

الشي اللي مخوفني ي جماعه مدري هل لغتي اللي هنا بقدر استفيد منها اكاديميا فالجامعه ولا بواجه صعوباات وش رايكم ؟؟

وشي ثاني اخوي اللي فوق اللي يقول اخذ قرض باقي تسدد من المكافئه ولا صكوك فالبلاك لست هههه ؟؟ افدني وانا اخوك ترااني متخوف من سالفة القرض والسداااد

- - - مشاركة محدثة - - -

السلام عليكم

اشكركم على الردوود .. انا كنت متاكد من ناحية القبول النهائي معناته مايحتاج معهد بس بعض الناس يفتي من رااسه ويحطم غيرره !!

المهم الله يعطيكم العافيه انا بحاول اشوفلي جامعة رسومها معقوله وولايه متوسطه وبقدم عليهاا

الشي اللي مخوفني ي جماعه مدري هل لغتي اللي هنا بقدر استفيد منها اكاديميا فالجامعه ولا بواجه صعوباات وش رايكم ؟؟

وشي ثاني اخوي اللي فوق اللي يقول اخذ قرض باقي تسدد من المكافئه ولا صكوك فالبلاك لست هههه ؟؟ افدني وانا اخوك ترااني متخوف من سالفة القرض والسداااد

لا تاخذ راينا .. حنا نحطمك .. ونفتي من روسنا
شف رأي الحريم وشرهتك ع الي دخل موضوعك
وجلس يكتب ساعه كامله عشان يبي كلمه طيبه
مار عمر هالشعب مايتطور لو يشوف بنت تقول جهنم كويسه قال هي صادقه
هههههههههه ، فمان الله تسجيل خروج من هالموضوع

اخذت قرض قريب وانا للحين على حسابي
التسديد تقدر تسدد من المكافأة اول ماتلتحق واذا تقدر ماتاخذ لاتاخذ

الجامعة شوف جامعات ساوث داكوتا و أركانساس و ويست فيرجينيا هم الارخص شف المناسب لك وتخير

اما اللغة اذا تجاوزت الامتحان بدرجة كويسة ولغتك ليست ضعيفة ماتحتاج معهد وحتمشي تمام ان شاء الله
اللغة الاكاديمية سهلة وبما انك درست دبلوم يعني عندك خلفية عن اللغة الاكاديمية وكلماتها

وربي يوفقنا جميعا

من ردودك منتقص الحريم سلامااات !! ي خوي انا ما كتبت موضوعي الا ابي الفايده سواءن من رجل ولا بنت

واولا واخيراا الله يعطيك العافيه ماقصرت

- - - مشاركة محدثة - - -

الله يعطيك العافيه اخووي والله بحاول اجيب يمين يساار اذا مره مالي الا القرض والله يعين

اللي اعرفه والله اعلم ان اذا كنت بالمعهد يبي لك اربع شهور حتى يضمونك اما اذا كنت بالجامعه فيبي لك شهر واحد تأكد من نفس الشغالين بالوزاره

وبالتوفيق للجميع يارب

حسب إفادة الملحقية لي، ارفع القبول النهائي مع تسجيل المواد الاكاديمية + الجدول الدراسي مع باقي الاوراق و تنرسل اوراقك للوزارة بدون انتظار فترة الاربعة اشهر.

موفق يارب و عقبال الشهادة،

الله يعين اللي بتاخذك قل آمين 😃