حوار تفعيل شرط الإنضمام بعد سنة من دراسة الجامعة

ياخي بتكراركم لمثل هذي المواضيع تذكرون الوزاره وبس!!! وش الفائده من ذكر مثل هذه المواضيع الوزاره تحاول تضيق على الطلاب من خلال وضع الملتقيات والنظام الجديد لازم قياس وتحصيلي وانتم كانكم تقترحون عليها انظمه الله يهديكم اذا لم يكن لديكم حل وشي مبشر فالصمت اولى لعدم الفائده من ذكر مثل هذه المواضيع الا ان حبيتو تساعدون الوزاره في التضييق فاستمرو بطرح مثل هذه المواضيع اذا فيه قرار بيصدر ولا تستعجلون عليه !! والله يوفق الجميع !!

شرط فعلا ممتاز والشرط يالخوي انك ندرس اللغه على حسابك و30 ساعه اكاديميه فالجامعه حلو مره ننتظر تطبيقه

اتوقع والله اعلم ان هالنظام اذا طبق سيتم تطبيقه على دارسين البكالوريوس فقط
لان الدراسات العليا لو طبقوه عليهم اذا خلصت 30 ساعه على حسابه واللغه على حسابه وش بقى علشان يضمونه للابتعاث
قطع ثلثي المرحلة

وان شاء اله يكون مجرد كلام ولا يطبق لان به اجحاف لطلاب وقصر لطموح

الشروط هذي موجودة من زمان نفسها ماتغيرت في موقع الوزارة ..
الباكلوريوس اكمال 30 ساعة
الماستر اكمال 9 ساعات

يارب مايكون صحيح انا لي شهر اروح للمكاتب ادور قبولات بالجامعات ان شالله مافيه شي صحيح من هالكلام

وربي فيني كميه تحطيم ماهي طبيعيه مو ناقصني الا هالخبر

اذا كان هذا الكلام صحيح فمعناه الابتعاث للأغنياء فقط !
يعني بالعربي يبغالي 100 الف ريال سنة لغة مع السكن
و 200 الف ريال رسوم الدراسة الجامعية مع السكن
يعني 300 الف ريال !!!
90% من الطلاب لا يمكنهم ان يدبرو هذا المبلغ من المال
الغريب هذا الشرط تبع الـ 9 ساعات موجود من زماااااااان لكن في مواقع الملحقيات فالأمر يختلف بعضها 3 و الاخر 4 اشهر و كما هو مدون على سبيل المثال في الملحقية الاستراليا 3 شهور من الدراسة و من ثم رفع تقرير لهم
قد أحصل على موافقه الدراسة على الحساب الخاص و اقوم بتفيعله ولكن دراسة سنة لغة و مع دراسة 9 ساعات جامعية شرط تعجيزي بمعنى الكلمة المشكلة بعض الطلاب قد يستغرقون في دراسة اللغة لاكثر من سنة و ايضاً اذا كنتُ سوف اتغرب عن بلدي سنة لغة و سنة دراسة جامعية بمعنى حتى أموري الشخصية ستكون معقده في الظروف المادية ...... كل ما اتمناه الا يُطبق على المبتعثين بملقى الخبر لانه كما قيل من خبر رسمي ان الشروط كما هي في المرحلة العاشرة و ستبدأ المرحلة الثالثة انطلاقاً في المرحلة الحادية عشر لربما يتم تفعيل هذا الشرط ذو التسع ساعات مع المرحلة الجديدة و الله اعلم .
اقسم بالله اني دفعت ما يقارب 100 الف ريال جلست تقريباً سنة اجمعها و انا اشتغل بوظيفة بقطاع خاص و شوي اهلي ساعدوني فيها و سفري سيكون في شهر شعبان اللهم سهلها لنا و للجميع يا رب العالمين .

مع الاسف ها القرار غلط
يحسبوننا عيال هوامير او تجار